Vico Sotto
Vico Sotto | |
|---|---|
 Si Vico Sotto na nagtatalumpati sa harap ng mga mag-aaral ng Mataas ng Paaralan ng Lungsod ng Pasig sa Pamantasan ng Asya at Pasipiko, 6 Hunyo 2019. | |
| Alkalde ng Pasig | |
Kasalukuyang nanunungkulan | |
| Unang araw ng panunungkulan Hunyo 30, 2019 | |
| Bise Alkalde | Iyo Christian C. Bernardo (2019–2022)
Dodot Jaworski (2022–kasalukuyan) |
| Kinatawan | Roman Romulo |
| Nakaraang sinundan | Robert "Bobby" Eusebio |
| Pansariling Detalye | |
| Isinilang | Victor Maria Regis Nubla Sotto 17 Hunyo 1989 Pasig, Kalakhang Maynila, Pilipinas |
| Partido | Aksyon Demokratiko |
| Ama | Coney Reyes |
| Ina | Vic Sotto |
| Alma Mater | Pamantasang Ateneo de Manila (AB, MPA) |
Si Victor Ma. Regis Nubla Sotto[1] (isinilang noong Hunyo 17, 1989), na mas kilala bilang Vico Sotto (bigkas: /ˈbiko ˈsɔtɔ/), ay isang mambabatas mula sa Pilipinas na nagsilbi bilang ika-12 alkalde ng Pasig mula noong 2019. Dati siyang nagsilbi bilang kasapi ng Konseho ng Lungsod ng Pasig para sa unang distrito mula 2016 hanggang 2019.
Bilang kasapi ng mag-anak na Sotto, nag-aral siya ng agham pampulitika sa Pamantasang Ateneo de Manila, kung saan siya nagtapos noong 2011. Pumasok siya sa batasan noong 2016 nang tumakbo siya bilang isang independiyenteng kandidato para sa konsehal at nagwagi, at nagsilbi ng isang termino sa lokal na lehislatura.
Nakatanggap ng malaking pansin mula sa midya si Sotto noong 2019 nang talunin niya si Alkalde Bobby Eusebio sa halalang pampanguluhan ng lungsod, na nagwakas sa 27-taong pananatili ng pamilya Eusebio sa pagkaalkalde ng lungsod. Ipinangampanya niya ang isang progresibong plataporma na nakatuon sa paglaban sa korupsiyon at pagpapabuti ng mga serbisyong lokal. Ang panunungkulan ni Sotto bilang alkalde ay nakilala rin sa pagtugon ng kanyang pamahalaan sa pandemyang COVID-19 sa Kalakhang Maynila, na nakatanggap ng positibong pagtanggap mula sa midya.
Isa siya sa mga 12 taong ginawaran ng International Anticorruption Champions Award (Pandaigdigang Gawad Kampeon sa Kontra Korapsiyon) ng Amerikanong Departamento ng Estado para sa kaniyang mga pagsisikap na sagupain ang korapsiyon noong taong 2021.[2][3]
Maagang yugto ng buhay
[baguhin | baguhin ang wikitext]Isinilang si Sotto noong Hunyo 17, 1989 kina aktor-komedyante-host na si Vic Sotto at aktres na si Coney Reyes, mga kilalang personalidad na malapit na iniuugnay sa tanghaliang variety show na Eat Bulaga![4] Inaasahan ng publiko na madalas siyang lilitaw sa palabas, subalit pinili niyang manatiling hindi gaanong lantad sa publiko at nagpakita ng maagang interes sa pamahalaan sa edad na 10.[5] Nag-aral siya ng preschool sa Philippine Montessori Center (o Sentrong Montessori ng Pilipinas) kasama ang magiging aktres na si Janine Gutierrez bilang kaklase.[6] Nag-aral si Sotto sa Brent International School (o Pandaigdigang Paaralan ng Brent) para sa karamihan ng kanyang elementarya at sekundaryang edukasyon.[7] Nagtapos siya sa Pamantasang Ateneo de Manila noong 2011 na may Batsilyer ng Sining sa Agham Pampulitika, at nakakuha ng Maestro ng Sining of Arts sa Pamamahalang Pampubliko mula sa Paaralang Ateneo ng Pamahalaan noong 2018.[8]
Noong 2018, natanggap ni Sotto ang YSEALI Professional Fellowship Award. (Gantimpala sa Propesyonal na Kapwa-Iskolar ng YSEALI).[9] Isinagawa niya ang kanyang residensiyang propesyonal sa Iowa Public Information Board (o Lupon ng Pampublikong Impormasyon ng Iowa) bilang bahagi ng fellowship o kapwa-iskolar. Bago pumasok sa politika, nagturo si Sotto ng agham panlipunan sa Pamantasang Arellano University sa loob ng isang semestre.[10]
Karerang pampolitika
[baguhin | baguhin ang wikitext]Si Sotto ay nahalal bilang kasapi ng Sangguniang Panlungsod ng Pasig noong 2016,[11] at nagsilbi ng isang termino[12] bago siya nanumpa bilang alkalde noong Hunyo 30, 2019.[13]
Bilang isang independiyenteng konsehal, hinarap ni Sotto ang matinding pagtutol sa kanyang mga inisyatiba, kaya naging mahirap para sa kanya ang magpanukala ng mga batas. Itinuon niya ang kanyang pansin sa "Pasig Transparency Mechanism Ordinance" o "Ordinansa sa Mekanismo ng Transparensiya ng Pasig." na naglalayong gawing bukas sa publiko ang mga rekord ng pamahalaan, kabilang ang mga dokumentong pinansiyal at mga kontrata, kapag hinihingi ng mga karaniwang mamamayan.[5] Nang maipasa ito, naging ito ang kauna-unahang lokal na bersyon ng batas sa kalayaan ng impormasyon sa Kalakhang Maynila.[14]
Mga sanggunian
[baguhin | baguhin ang wikitext]- ↑ "Pasig Mayor Vico Sotto files his certificate of candidacy for the 2022 elections". facebook.com (sa wikang Ingles). CNN Philippines. Nakuha noong Oktubre 2, 2021.
- ↑ "Recognizing Anticorruption Champions Around the World - United States Department of State". U.S. Department of State. 9 Disyembre 2021. Nakuha noong 13 Mayo 2025.
- ↑ Gonzales, Catherine (24 Pebrero 2021). "Vico Sotto named 'anti-corruption champion' by US state department". Inquirer.net. Inarkibo mula sa orihinal noong 25 Pebrero 2021.
- ↑ Cabico, Gaea Katreena (Mayo 6, 2019). "#IbaNaman vs continuity: Political 'payanig' in Pasig". The Philippine Star (sa wikang Ingles). Nakuha noong Hunyo 3, 2019.
- 1 2 Carpio, Audrey. "Will Vico Sotto be Pasig's final answer?". ABS-CBN News (sa wikang Ingles). Inarkibo mula sa orihinal noong Abril 22, 2019. Nakuha noong Hunyo 3, 2019.
- ↑ Malasig, Jeline (Hulyo 5, 2021). "How Vico Sotto reacted to throwback photos of him and Janine Gutierrez". Interaksyon (sa wikang Ingles). Nakuha noong Setyembre 20, 2023.
- ↑ Libarios, Gabby (Setyembre 29, 2019). "Vico Sotto: The son also rises". Philippine Entertainment Portal (sa wikang Ingles). Nakuha noong Marso 26, 2020.
- ↑ Sabillo, Kristine (Marso 14, 2020). "Change in Pasig: How Vico Sotto toppled a dynasty". ABS-CBN News (sa wikang Ingles). Nakuha noong Mayo 22, 2019.
- ↑ "Vico Sotto chosen as one of 12 global anti-corruption champions". Sunstar (sa wikang Ingles). Pebrero 24, 2021. Nakuha noong Abril 30, 2021.
- ↑ Bernardino, Stephanie (Agosto 19, 2021). "Vico Sotto's other career option". Manila Bulletin (sa wikang Ingles). Nakuha noong Agosto 20, 2021.
- ↑ Madarang, Catalina Ricci S. (Oktubre 15, 2018). "'I am not your father': Pasig City councilor Vico Sotto clarifies 'dad' tag of newspaper – Interaksyon". interaksyon.com (sa wikang Ingles). Inarkibo mula sa orihinal noong October 15, 2018. Nakuha noong Hulyo 1, 2019.
- ↑ Carpio, Audrey. "Will Vico Sotto be Pasig's final answer?". ABS-CBN News (sa wikang Ingles). Inarkibo mula sa orihinal noong Abril 22, 2019. Nakuha noong Hunyo 3, 2019.
- ↑ "PEP SPECIAL REPORT. How did showbiz clans fare in #Eleksyon2016?" (sa wikang Ingles). Philippine Entertainment Portal. Mayo 11, 2016. Nakuha noong Mayo 18, 2019.
- ↑ Enano, Jhesset (Oktubre 10, 2018). "Pasig passes own version of FOI bill" (sa wikang Ingles). Philippine Daily Inquirer. Nakuha noong Mayo 18, 2019.