Martsa ng Milyong Katao

Martsa ng Milyong Katao
Petsa	Agosto 22–26, 2013
Pook	Mga pangunahing lungsod sa Pilipinas, nangunguna ang Liwasang Rizal sa Maynila. Ibang lugar sa ibang bansa.
Dulot ng	• Pag-aalsa ng mamamayan dahil sa Pork barrel scam. • Patuloy na maling paggamit ng mga politiko sa Priority Development Assistance Fund • Patuloy na korupsiyon
Goals	• Upang pilitin si Pangulong Benigno Aquino III at ibang mambabatas na buwagin ang Priority Development Assistance Fund . Hiling na maging aninaw ang lahat ng politiko at may pananagutan. •Maparusahan ang lahat ng mapapatunayang gumamit ng mali sa Priority Development Assistance, kahit anu pa man ang kanilang kaugnayan sa administrasyong Aquino o kahit sa oposisyon.
Methods	Pagpapahayag, martsa ng pag proprotesta, aktibismong online, welgang-paupo, mga petisyon
Katayuan	Kasalukuyan
Mga partido sa labanang sibil
Pilipinas: 75,000-400,000+ 75,000-400,000 sa Maynila 4,000 sa Kalakhang Cebu 3,000 sa Lungsod ng Dabaw 3,000 sa Lungsod ng Zamboanga 1,000 sa Lungsod ng Angeles ~1,000 sa Lungsod ng Iloilo ~1,000 sa Lungsod ng Vigan 800 sa Lungsod ng Puerto Princesa 700 sa Lungsod ng Baguio 500 sa Lungsod ng Olongapo 300 sa Lungsod ng Legazpi 300 in Surigao City 60 sa Lungsod ng Dagupan 20 sa Lungsod ng Santiago Elsewhere: 100 sa New York

Ang Martsa ng Milyong Katao ay isang kilos protesta sa Pilipinas kung saan layunin buwagin ang Priority Development Assistance Fund (o higit na kilala sa tawag na "Pork Barrel") dahil sa Pork Barrel Scam. Ang panawagan sa kilos protesta ay umikot sa social media, kagaya ng Facebook at Twitter, upang magsagawa ng malawakang protesta sa 26 Agosto 2013 sa Liwasang Rizal sa Maynila at sa ibang lungsod sa Pilipinas at sa ibang bansa. Isang pahina sa Facebook ang ginawa na may pamagat na "Abolish Pork Barrel" o "Buwagin ang Pork Barrel" kung saan nag-imbita ng mga kalahok para sa protesta. Sinabi ng isa sa tagapangasiwa na si Peachy Rallonza-Bretana, na walang pangunahing grupong nag organisa, ang protesta ay parang bola ng niyebe na mabilis na kumalat. Isang araw bago ang protesta, 18,000 katao ang nauna ng dumating sa Liwasang Rizal.

Lokasyon

Libo-libong mga nagproprotesta sa Quirino Grandstand

Mga imahen na ginamit ng mga demonstrator

Si Kardinal Tagle ay isa sa bumisita sa Quirino Grandstand

Ang kabuuang kilos protesta ay ginanap sa Quirino Grandstand sa Liwasang Rizal sa Maynila ang kabiserang lungsod. Nagkaroon din ng kilos protesta sa iba't-ibang pangunahing lungsod ng bansa, kabilang ang Lungsod ng Bacolod, Baguio, Cebu, Cagayan de Oro, Lungsod ng Dabaw, Dagupan, Digos, Dumaguete, Iloilo City, Lungsod ng Kidapawan, Legazpi, Lungsod ng Naga, Camarines Sur, Lungsod ng Puerto Princesa, Tacloban, Lungsod ng Zamboanga at Negros Occidental. Ilang manggagawang Filipino sa ibang bansa ay nag tipon tipon din at nagsagawa ng protesta laban sa Priority Development Assistance Fund. Ilang protesta ang ginanap sa Dammam at Riad sa Arabyang Saudi, Hinebra sa Suwisa, Bangkok sa Thailand, San Francisco, Los Angeles, California at New York sa Estados Unidos, London sa Nagkakaisang Kaharian, Hong Kong, Canada, Taiwan, Vietnam at sa United Arab Emirates.

Pagsakop sa mga Website ng Pamahalaan

Ang grupong PrivateX, isang pangkat ng mga aktibista sa internet ay nakapasok at napalitan ang 30 website ng pamahalaan noong kinaumagahan ng Agosto 26, ilang oras bago magsimula ang protesta.