Teresa ng Lisieux
| Santa Teresa ng Lisieux | |
|---|---|
 Si Santa Teresa, sa edad na 15, bago pumasok sa samahang Karmelita |
|
| Birhen at Duktor ng Simbahan | |
| Kapanganakan | Enero 2, 1873, Alençon, Pransya |
| Kamatayan | Setyembre 30, 1897 (edad 24), Lisieux, Pransya |
| Benerasyon | Simbahang Romano Katoliko |
| Beatipikasyon | Abril 29, 1923 isinagawa ni/ng Papa Pio XI |
| Kanonisasyon | Mayo 17, 1925 isinagawa ni/ng Papa Pio XI |
| Pangunahing dambana | Basilika ni Santa Teresa[1], Lisieux, Pransya |
| Kapistahan | Oktubre 1 Oktubre 3 Tradisyonal na Katolikong Kalendaryo |
| Sagisag | Mga bulaklak |
| Patronahe | Mga may karamdamang AIDS; Anchorage, Alaska; Australia; mga abyador; mga karamdaman ng katawan; Cheyenne, Wyoming; Fairbanks, Alaska; Fresno, California; Juneau, Alaska; Pueblo, Colorado; mga nag-aalaga ng bulaklak; Pransya; karamdaman; Kisumu, Kenya; pagkawala ng mga magulang; misyonero; Rusya; tuberkulosis; Witbank, Timog Aprika |
 Portal ng mga Santo |
|
- Para sa ibang gamit, tingnan ang Santa Teresa (paglilinaw).
Si Santa Teresa ng Lisieux (Enero 2, 1873 – Setyembre 30, 1897) (Pranses: Saint Thérèse de Lisieux) o mas nararapat bilang Santa Teresa ng Batang Hesus at ng Banal na Mukha (Pranses:Sainte Thérèse de l'Enfant-Jésus et de la Sainte Face; Ingles: Saint Thérèse of the Child Jesus and of the Holy Face), ipinanganak bilang Marie-Françoise-Thérèse Martin, ay isang madreng Romano Katoliko ng mga Karmelita na nagdaan sa kanonisasyon ng pagka-santa, at kinikilala bilang isang Duktor ng Simbahan, isa lamang sa tatlong mga kababaihang nakatanggap ng ganitong karangalan. Tinatagurian din siya ng karamihan bilang Ang Munting Bulaklak ni Hesus o Ang Maliit na Bulaklak ni Hesus. [2]
Talambuhay [baguhin]
Isinilang si Santa Teresa ng Lisieux sa Alençon, Pransya, babaeng anak nina Louis Martin, isang magrerelo, at Zélie-Marie Guérin isang taga-tahi ng mga puntas o tiras (lacemaker). Kapwa makapananampalataya ang kaniyang mga magulang. Tinangka ni Louis Martin na maging isang monghe, ngunit tinanggihan sapagkat hindi siya maalam sa wikang Latin. Tinanggihan naman si Zélie-Marie Guérin sa pagkamadre dahil itinuring siyang walang bokasyon; sa halip, hiniling niya sa Diyos na bigyan siya ng maraming mga anak at bayaan silang maging mga tanging-alay para sa Diyos. Nagkita sina Louis at Zélie noong 1858 at nagkaisang-dibdib tatlong buwan lamang pagkaraan. Nagkaroon sila ng siyam na mga anak, lima ang mga kababaihan rito - sina Marie, Pauline, Léonie, Céline at Thérèse — at lahat umaabot sa pagiging taong nasa hustong edad. Si Thérèse - o Teresa - ang kanilang pinakabunso. Namatay siya noong Setyembre 1897, sa gulang na 24.[3]
Bilang madre [baguhin]
Sa edad na 15, pumasok sa kumbento ng mga Karmelita si Teresa at naging isang kasaping madre, sa Lisieux, Pransya. Sa pagtanggap ng relihiyosang pangalang Madre Teresa ng Batang Hesus at ng Banal na Mukha (Ingles: Sister Therese of the Child Jesus and the Holy Face), namuhay siya sa nakakubling buhay ng pagdarasal. Nabiyayaan siya ng marangal na pagkakalapit sa Diyos. Bagaman dumaan sa pagkakaroon ng karamdaman at kadiliman sa buhay, nanatili siyang may pananalig na naka-ugat sa makapangyarihang pagmamahal ng Diyos.[3]
Mga sanggunian [baguhin]
- ↑ Villes-Sanctuaires.com:Bayang Dambana ng Pransya. Nakuha noong Oktubre 1, 2006.
- ↑ CatholicForum.com: Patron Saints Index: Therese of Lisieux. Nakuha noong Oktubre 1, 2006.
- ↑ 3.0 3.1 Polyetong dalanginan: St. Therese, the Little Flower, St. Therese of the Child Jesus, Society of the Little Flower, Illinois, at The Monastery of Mount Carmel, Society of the Little Flower, Oregon
 |
May midya ang Wikimedia Commons kaugnay ng/sa: Teresa ng Lisieux |
|
|||||||||||||||||||||||||||||||||||||||||||||
