Wonsan

Mga koordinado: 39°08′51″N 127°26′46″E / 39.14750°N 127.44611°E / 39.14750; 127.44611
Mula sa Wikipedia, ang malayang ensiklopedya
Wŏnsan

원산시
Munisipal na lungsod
Transkripsyong Koreano
 • Chosŏn'gŭl원산시
 • Hancha元山市
 • McCune-ReischauerWŏnsan-si
 • Revised RomanizationWonsan-si
Tanawin ng Wonsan
Tanawin ng Wonsan
Wŏnsan is located in North Korea
Wŏnsan
Wŏnsan
Mga koordinado: 39°08′51″N 127°26′46″E / 39.14750°N 127.44611°E / 39.14750; 127.44611
Bansa Hilagang Korea
LalawiganLalawigan ng Kangwon (Hilagang Korea)
Itinatagmga 1800
Mga paghahati45 dong (mga neighborhood), 14 ri (mga nayon)
Lawak
 • Kabuuan269 km2 (104 milya kuwadrado)
Populasyon
 (2008)[1]
 • Kabuuan363,127

Ang Wŏnsan (Pagbabaybay sa Koreano: [wʌn.san]) ay isang puwertong lungsod at baseng pandagat na matatagpuan sa Lalawigan ng Kangwŏn, Hilagang Korea, sa silangang gilid ng Tangway ng Korea, sa Dagat ng Hapon (Silangang Dagat). Ito ang panlalawigang kabisera ng Kangwŏn. Binuksan ang pantalan ng mga nananakop na puwersang Hapones noong 1880. Bago ang Digmaang Koreano ng 1950–1953, napunta ito sa pamamahala ng noo'y lalawigan ng Timog Hamgyŏng, at noong digmaan ito ang kinaroroonan ng Paghadlang sa Wŏnsan. Noong senso ng 2008, may populasyon ito na 363,127 katao.[1] May mga panguanhing pagawaan ang lungsod. Taga-Wŏnsan si Kim Ki Nam, diplomatiko at Kalihim ng Partido ng mga Manggagawa ng Korea.

Ipinahayag noong 2013 na ang Wŏnsan ay gagawing destinasyon sa tag-init na may mga liwaliwan at pook-panlibangan.[2]

Pangalan[baguhin | baguhin ang wikitext]

Kilala rin ang Wŏnsan bilang Yonghunghang, Yuan-shan (元山) sa Tsina, Genzan o Gensan (Kana: ウォンサン, Kanji: 元山) sa Hapon, at Port Lazareva o Port Lazareff sa Rusya.

Kasaysayan[baguhin | baguhin ang wikitext]

Mga tanawin ng Wŏnsan noong 1898.

Binuksan ang Wŏnsan bilang isang pantalang pangkalakalan noong 1880. Ang orihinal na pangalan nito ay "Wŏnsanjin" (元山津), ngunit kilala rin ito sa pangalang Ruso nito na "Port Lazarev" (o "Lazaref") sa mga panahong iyon. Sa ilalim ng pamumuno ng Hapon (1910–45) tinawag itong "Gensan" (元山). Noong 1914 binuksan ang mga linyang daambakal na P'yŏngwŏn at Kyŏngwŏn na nagdudugtong ng lungsod sa Pyongyang (na kilala noon bilang "Heijo") at Seoul (na kilala noon bilang "Keijo" o "Kyŏngsŏng"). Bunga nito, unti-unting umusbong ang lungsod bilang isang sentro sa silangang Korea ng pamamahagi ng mga produkto. Sa ilalim ng pananakop ng mga Hapones, lubhang industriyalisado ang lungsod at nagsilbing lugar ng pag-aangkat sa pamamahagi ng kalakalan sa pagitan ng Korea at punong-lupaing Hapon.

Pagbomba sa Wŏnsan noong mga 1951.

Pagkaraang sumiklab ang Digmaang Koreano kinuha ito ng mga kawal ng Amerikano at Timog Koreano noong Oktubre 10, 1950 habang patungo sila sa hilaga. Nang lumisan sila sa harap ng ganting salakay ng mga Tsino, napunta ang lungsod sa pamamahala ng mga Tsino noong Disyembre 9, 1950. Binomba at kinanyon ito nang husto ng Mga Nagkakaisang Bansa sa Pagharang sa Wŏnsan noong Digmaang Koreano.[3] Ayon sa opisyal na kasaysayan ng Hukbong Dagat ng Estados Unidos, nasa ilalim ng patuloy na pagbobomba at pagkubkob ng Amerikanong hukbong dagat ang Wŏnsan mula Marso 1951 hanggang Hulyo 27, 1953, kung kaya ito ang pinakamahabang paglusob (siege) sa makabagong kasaysayang pandagat ng Amerika. Pagsapit ng wakas ng digmaan ang lungsod ay isang malawak na guho.[4]

Mga panlalawigang hangganan[baguhin | baguhin ang wikitext]

Wŏnsan noong mga 1960.

Dating matatagpuan ang Wŏnsan sa Timog Hamgyŏng, ngunit nang muling iginuhit ang mga hangganang panlalawigan noong 1946, umanib ito sa hilagang kalahati ng Kangwŏn (na nahati ng ika-38 paralelo sa hilaga noong 1945 sa dalawang bahagi: isang sonang nasa ilalim ng pamamahala ng Sobyet sa hilaga at isang nasa ilalim ng pamamahala ng Amerikano sa timog) at naging kabisera nito, sapagkat ang mga kinagisnang kabisera ng Kangwŏn na Wŏnju (1395–1895) at Ch'unch'ŏn (1896–kasalukuyan) ay kapuwa nasa timog ng ika-38 paralelo at timog ng Military Demarcation Line na pumalit sa ika-38 paralelo bilang isang hangganan noong 1953.

Heograpiya[baguhin | baguhin ang wikitext]

Ang lawak ng Wŏnsan ay 269 kilometro kuwadrado (104 milya kuwadrado). Matatagpuan ito sa lalawigan ng Kangwŏn, sa pinakakanlurang bahagi ng Dagat ng Hapon (Silangang Dagat ng Korea) at sa silangang dulo ng "leeg" ng Tangway ng Korea. Matatagpuan ang Bundok Changdok (Changdok-san) at Bundok Nap'al (Nap'al-san) sa kanluran ng lungsod. Higit sa 20 mga maliit na pulo ang nasa tabi ng pook-dalampasigan ng Wŏnsan, kabilang na ang Pulo ng Hwangt'o at Pulo ang Ryŏ. Itinuturing mahusay na lokasyon para sa likas na pantalan ang Wŏnsan. Matatagpuan malapit sa lungsod ang Kŭmgang-san.

Demograpiya[baguhin | baguhin ang wikitext]

Ayon sa senso noong 2008, may 363,127 katao ang Wŏnsan,[1] isang pagtaas mula sa tinatayang populasyon na 331,000 noong 2000.

Ekonomiya[baguhin | baguhin ang wikitext]

Ang Wŏnsan ay may pagawaan na nag-poproseso ng mga produkto na nabubuhay sa tubig, shipyard, negosyo ng kimika, pagawaan ng semento, gayundin ang 4 June Rolling Stock Works, na isa sa mga pinakamalaking pagawaan ng mga sasakyang daambakal sa Hilagang Korea.[5]

Mga kapatid na lungsod[baguhin | baguhin ang wikitext]

Tingnan din[baguhin | baguhin ang wikitext]

Mga sanggunian[baguhin | baguhin ang wikitext]

  1. ↑ 1.0 1.1 1.2 "2008 Census of Population of the Democratic People's Republic of Korea conducted on 1–15 October 2008" (PDF). United Nations Statistics Division. Inarkibo mula sa ang orihinal (PDF) noong 14 Mayo 2011. Nakuha noong 22 Septiyembre 2017. {{cite web}}: Check date values in: |access-date= (tulong)
  2. ↑ Ryall, Julian (27 Hunyo 2013). "North Korean leader Kim Jong-un orders the creation of nation's first beach resort". The Daily Telegraph. Nakuha noong 29 Hunyo 2013.
  3. ↑ "Wonsan Key Seaport Before War Started; Badly Crippled by U.N. Air and Sea Attacks". New York Times. June 30, 1951. Nakuha noong 2009-02-17.
  4. ↑ Jon Halliday and Bruce Cumings, Korea, the Unknown War (NY: Pantheon Books, 1988), p. 157.
  5. ↑ Kokubu, Hayato, 将軍様の鉄道 (Shōgun-sama no Tetsudō) p. 130, 2007, Tokyo, ISBN 978-4-10-303731-6
  6. ↑ Acuerdo de Hermanamiento entre la ciudad de Puebla de los Estados Unidos Mexicanos y la ciudad de Wonsan, Provincia de Kangwon, de la República Popular Democrática de Corea.
  7. ↑ Kim Jong Il Holds Third Summit Talks with Putin during Tour of Far Eastern Region of Russia

Mga karagdagang babasahin[baguhin | baguhin ang wikitext]

  • Dormels, Rainer. North Korea's Cities: Industrial facilities, internal structures and typification. Jimoondang, 2014. ISBN 978-89-6297-167-5

Mga kawing panlabas[baguhin | baguhin ang wikitext]

May kaugnay na midya tungkol sa Wonsan ang Wikimedia Commons.

Gabay panlakbay sa Wonsan mula sa Wikivoyage

nk.joins.com/map/view.asp?idx=i141.htm

 
Pinakamalalaking mga lungsod o bayan sa Hilagang Korea
Ranggo Pangalan Paghahating pampangasiwaan Pop. Ranggo Pangalan Paghahating pampangasiwaan Pop.
Pyongyang
Pyongyang
Hamhung
Hamhung 		1 Pyongyang Pyongyang Capital City 3,255,288 11 Sunchon Timog Pyongan 297,317 Chongjin
Chongjin
Nampo
Nampo
2 Hamhung Hilagang Hamgyong 768,551 12 Pyongsong Timog Pyongan 284,386
3 Chongjin Hilagang Hamgyong 667,929 13 Haeju Timog Hwanghae 273,300
4 Nampo Timog Pyongan 366,815 14 Kanggye Chagang 251,971
5 Wonsan Kangwon 363,127 15 Anju Timog Pyongan 240,117
6 Sinuiju North Pyongan 359,341 16 Tokchon Timog Pyonggan 237,133
7 Tanchon Timog Hamgyong 345,875 17 Kimchaek Hilagang Hamgyong 207,299
8 Kaechon Timog Pyongan 319,554 18 Rason Rason Special Economic Zone 196,954
9 Kaesong Hilagang Hwanghae 308,440 19 Kusong Hilagang Pyongan 196,515
10 Sariwon Hilagang Hwanghae 307,764 20 Hyesan Ryanggang 192,680
Kinuha sa "https://tl.wikipedia.org/w/index.php?title=Wonsan&oldid=2087853"