Bulkang Kanlaon

Tungkol sa bulkan ang artikulo na ito. Para sa diyos na Bisaya, tingnan ang Kan-Laon. Para sa na lungsod, tingnan ang Lungsod ng Canlaon.

Bulkang Kanlaon
Bundok Kanlaon
Ang Bulkang Kanlaon habang tinatanaw mula sa silangan.
Pinakamataas na punto
Kataasan	2,435 m (7,989 tal)
Prominensya	2,435 m (7,989 tal)
Pagkalista	Ultra
Mga koordinado	10°24′42″N 123°07′54″E
Heograpiya
Bulkang Kanlaon Mapa ng Pilipinas
Lokasyon	Pulo ng Negros, Pilipinas
Rehiyon	PH
Heolohiya
Uri ng bundok	Istratobulkan
Arko/sinturon ng bulkan	Sinturong Mabulkan ng Negros
Huling pagsabog	2006

Bundok Kanlaon sa Binitin, Murcia, Negros Occidental

Ang Bulkang Kanlaon (Hiligaynon: Bulkan sang Kanlaon; Cebuano: Bulkan sa Kanlaon; Ingles: Kanlaon Volcano; Espanyol: Volcán de Canlaon, Malaspina), na binabaybay din bilang Kanla-on o Canlaon, ay isang bulkang masigla na nasa pulo ng Negros sa gitnang Pilipinas. Nakasaklang ang istratobulkang ito sa mga lalawigan ng Negros Occidental at Negros Oriental, na tinatayang 30 km (19 mi) sa timog-silangan ng Lungsod ng Bacolod, ang kabisera at pinakamataong lungsod sa Negros Occidental.

Ang bulkan ay isang paboritong pook ng mga mamumundok at pangunahing lugar ng Likas na Liwasan ng Bundok Kanlaon (Mt. Kanlaon Natural Park), isang pambansang liwasan na unang inilunsad noong 8 Agosto 1934. Isa ito sa masisiglang mga bulkan ng Pilipinas at kabahagi ng sinturong ng apoy sa Pasipiko.

Mitolohiya at alamat ng Bulkang Kanlaon

Si Laon (na ang ibig sabihin ay “ang sinauna”), kilala rin bilang Kanlaon o ang demonyong Lalahon, ay isang makapangyarihang diwata mula sa Bulkang Kanlaon sa isla ng Negros. Minsan siyang kinikilalang diyos ng apoy at ani, ngunit sa ibang kwento, isa siyang mapanirang demonyo. Maari siyang magbigay ng masaganang ani o magdulot ng kapinsalaan, gaya ng salot ng balang o pagputok ng bulkan. Sa mga alamat, si Laon ay minsang inilalarawan bilang lalaki, minsan naman bilang babae.

Pamana sa Astroheolohiya

Isang larawan ng Kanlaon Patera sa Io, na kinuha mula sa kalawakan.

Noong Abril 10 2023, isang aktibong bulkan sa Io, ang pangatlong pinakamalaking buwan ng planeta Hupiter, ay pinangalanang Kanlaon Patera ng Pandaigdigang Unyong Astronomiko (IAU sa Ingles), alinsunod sa patakaran na ang mga bulkan sa Io ay dapat pangalanan ayon sa mga diyos at diyosa sa mitolohiya na kaugnay ng apoy, mga bulkan, araw, kidlat, o pagpapanday. Noong panahon bago ang kolonisasyon, pinaniniwalaang naninirahan ang diyosa Kan-Laon sa tuktok ng Bundok Kanlaon, kaya siya ay iniuugnay sa mga bulkan.

Mga kawing na panlabas

• Philippine Institute of Volcanology and Seismology (PHIVOLCS), pahina ng Bulkang Kanlaon Naka-arkibo 2012-02-18 sa Wayback Machine.
• "Kanlaon". Global Volcanism Program. Smithsonian Institution.

Ang lathalaing ito na tungkol sa Heograpiya at Pilipinas ay isang usbong. Makatutulong ka sa Wikipedia sa pagpapalawig nito.