Stockholm
Ang Estocolmo (Sweko at Inggles: Stockholm) ay ang kabisera at pinakamalaking lungsod ng Suwesya at bumubuo ng pinakamataong kalakhan sa Escandinavia.[1][2] Ito ang himpilan ng pamahalaang Sweko, ang Riksdag (parlamento), at ang tinitirhan ng monarkong Sweko at gayun din ng punong ministro. Mula noong 1980, ang monarko ay naninirahan sa Palasyo ng Drottningholm sa labas ng Estocolmo at ginagamit ang Palasyo Real ng Estocolmo bilang kaniyang tanggapan at opisyal na tahanan. Base sa 2010, ang kalakhang Estocolmo ay tinitirhan ng humigit-kumulang sa 22% ng populasyon ng Swesya. Ang Estocolmo ay siyang pinakamataong lungsod sa Swesya, na may populasyong 851,155 sa mismong lungsod (2010), 1.37 milyon sa mga karatig-pook (2010) at bandang 2.1 milyon naman sa 6,519 km-kw (2,517.00 mi-kw) kalakhan.
Itinaguyod noong 1250, ang Estocolmo ay magmula noon pang isa sa mga sentrong pangkultura, pangmedya, pampulitika at pang-ekonomiya ng Swesya. Ang magandang kinalalagyan nito sa 14 pulo sa timog-gitnang baybay ng Swesya sa bibig ng Lawa ng Mälaren, sa tabi ng Kapuluan ng Estocolmo, ay may kahalagahan noon pa man. Ang Estocolmo ay hinahalal ng GaWC bilang isang global city, na may kauriang Alpha-.[3] Sa 2008 Global Cities Index, ang Estocolmo ay nakalista bilang ika-24 sa daigdig, ika-10 sa Europa at unang-una sa Escandinavia.[4] Ang Estocolmo ay kilala sa kagandahan, mga gusali at arkitektura, sagana at malinis na tubig, at sa maraming mga parke nito.[5] Ito ay kadalasan tinaguriang Venecia ng Hilaga.[6]
[baguhin] Mga Talasanggunian
- ↑ Statistics Sweden. Retrieved 2011-06-16.
- ↑ http://www.dst.dk/pukora/epub/Nyt/2010/NR160_1.pdf
- ↑ http://www.lboro.ac.uk/gawc/world2008t.html
- ↑ "The 2008 Global Cities Index". Foreign Policy. November 2008. Retrieved 9 December 2008.
- ↑ http://www.iht.com/articles/2007/06/18/arts/rmon8stockholm.php
- ↑ Adventures in the 'Venice of the North', CNN.com June 5, 2009
Ang lathalaing ito na tungkol sa Suwesya ay isang usbong. Makatutulong ka sa Wikipedia sa pagpapalawig nito.
