Komisyon ng Halalan (Pilipinas)

Komisyon ng Halalan Commission on Elections
Ang sagisag ng Komisyon ng Halalan
Kabatiran ng ahensiya
Pagkabuo	Abril 11, 1940
Hurisdiksyon	Pamahalaan ng Pilipinas
Mga himpilan	Intramuros, Maynila, Pilipinas
Tagapagpaganap ng ahensya	Sixto Brillantes, Jr., Tagapangulo
Pinagmulan na ahensya	Komisyong konstitusyonal
Websayt
www.comelec.gov.ph

Pilipinas

Ang lathalaing ito ay bahagi ng mga serye: Pulitika at pamahalaan ng Pilipinas

Pamahalaan Saligang-batas Tagapagbatas Kongreso (Ika-15 ng Kongreso) Senado Pangulo ng Senado Juan Ponce Enrile Mga kasalukuyang senador Kapulungan ng mga Kinatawan Ispiker Feliciano Belmonte Jr. Mga distritong tagapagbatas Tagapagpaganap Pangulo (talaan) Benigno Aquino III Pangalawang Pangulo (talaan) Jejomar Binay Gabinete Mga kagawarang tagapagpaganap Panghukuman Kataas-taasang Hukuman Punong Mahistrado Renato Corona Hukuman ng Apelasyon Hukuman ng Apelasyon sa Buwis Sandiganbayan Tanodbayan Halalan Komisyon ng Halalan Tagapangulo: Sixto Brillantes, Jr. Mga halalan: 2010 | 2007 | 2004 | Lahat Mga lapiang pampulitika Lakas-Kampi-CMD NPC Liberal Nasyonalista UNO PDP-Laban PMP LDP Bayan Mga iba pa Mga hati ng pamahalaan Kabisera Mga rehiyon Mga lalawigan Mga lungsod Mga bayan Mga barangay Mga paksang may kaugnayan Ugnayang panlabas Karapatang pantao

Mga iba pang bansa · Atlas  Portal ng Pamahalaan ng Pilipinas

Ang Komisyon ng Halalan (COMELEC) (Inggles: Commission on Elections) ay isa sa mga pinagpipitaganang mga Komisyong Konstitusyon sa Pilipinas. Ang COMELEC ang naatasang magpatupad ng mga batas panghalalan at magsagawa ng malinis, maayos, tahimik at malayang halalan.

Kabuuan

Ang Komisyon ay binubuo ng isang Tagapangulo at anim na mga Komisyonado. Ang mga kwalipikasyon ay ang mga sumusunod:

1. Katutubong inianak na mamamayan ng Pilipinas;
2. Tatlumpu't limang taong gulang sa panahon ng pagkakahirang sa kanila;
3. Naghahawak ng titulo sa kolehiyo; at
4. Hindi kailanman naging kandidato sa anumang katungkulang halal sa halalang kagyat na sinundan

Ang mayorya, kasama na ang Tagapangulo, ay dapat na mga kabilang sa Philippine Bar na nagpraktis bilang abugado sa loob ng sampung taon man lamang.

Ang Tagapangulo at mga Komisyonado ay dapat hinihirang ng Pangulo sa pagsang-ayon ng Komisyon sa Paghihirang sa isang pitong taong taning ng panunungkulan na hindi muling mahihirang. Sa mga naunang nahirang, tatlong (3) kagawad ang manunungkulan sa loob ng pitong taon, dalawang kagawad sa limang taon at mga nalalabing kagawad sa tatlong taon na hindi na muling mahihirang. Ang paghirang ukol sa ano mang bakante ay dapat lamang na sa di-natapos na bahagi ng taning na panahon ng panunungkulan ng hahalinhan. Hindi dapat hirangin o italaga ang sinumang kagawad sa katayuang pansamantala.

Kapangyarihan ng Komisyon sa Halalan

Nasa ika-5, 7 at 8 palapag ng Palacio del Gobernador sa Intramuros, Maynila ang punong tanggapan ng Komisyon sa Halalan.

Ang Komisyon ay may kapangyarihan ng tulad ng sumusunod:

1. Magpatupad at mamahala sa pagpapatupad ng lahat mga batas at regulasyon na kaugnay ng padaraos ng halalan, plebisito, initiatibo, reperendum at recall;
2. Gampanan ang eksklusibong orihinal na hurisdiksyon sa lahat ng mga hidwaan tungkol sa mga halalan, mga kinalabasan, at katangian ng lahat ng halal na mga pinunong pangrehiyon, panlalawigan, at panglungsod;
3. Magpasya, magtangi doon sa mga may kinalaman sa karapatan sa pagboto, sa lahat ng mga suliranin tungkol sa mga halalan, kasama ang pagpapasya sa bilang at kinalabasan ng mga botohan , paghirang ng mga pinuno at mga inspektor ng halalan, at pagrerehisto ng mga botante;
4. Magsugo,sa pagsang-ayon ng Pangulo, sa mga sangay at kasangkapang taga-pagpatupad ng batas ng Pamahalaan, kasama ang Sandatahang Lakas ng Pilipinas, ukol sa tanging layuning matiyak ang malaya, maayos, malinis, mapayapa at kapani-paniwalang halalan;
5. Irehistro, pagkaraan ng sapat na paglalathala, ng mga partido, mga organisasyon,o mga koalisyong pampulitika na bukod sa iba pang mga katangian, ay kinakailangang magharap ng kanilang plataporma o programa ng pamahalaan, at kilalanin ang mga lingkod-bayan ng Komisyon sa Halalan;
6. Batay sa beripikadong sumbong o sa pagkukusa nito, magharap ng mga petisyon sa hukuman ukol sa pagdarakip o pagwawaksi ng mga botante sa rehistro ng mga kwalipikadong botante, sisiyasatin at usigin ang paglabag sa mga batas sa halalan;
7. Itagubilin sa Kongreso ang mga mabisang hakabangin upang mapaliit ang gastos sa halalan, ang pagtatakda ng lugar na paglalagyan ng mga kagamitan sa propaganda, mapigil at maparusahan ang lahat ng uri ng pandaraya, mga pagkakasala at masasamang gawain sa halalan;
8. Itagubilin sa Pangulo ang pag-aalis sa sinumang pinuno o kawani na isinugo nito o pagpapataw ng anumang iba pang aksyong disiplinaryo, dahil sa paglabag o pagwawalang-bahala , o pagsuway sa mga tagubilin, utos , o pasya nito, at;
9. Iharap sa Pangulo at sa Kongreso ang komprehensibong ulat tungkol sa pamalakad ng bawat halalan, plebesito, initiative, reperendum, o recall.

Ang Komisyon ay may kapangyarihang magpasya en banc o sa dalawang dibisyon. Dapat ding maglagda ng mga alituntunin ng pamamaraan nito upang mapadali ang pagpapasya sa mga kaso na may kaugnayan sa halalan kabilang ang mga hidwan bago iproklama ang nanalo.

Ang alin mang patawad, amnestiya, o suspensyon ng kaparusahan sa paglabag sa mga batas , tuntunin, at mga alituntunin ng halalan ay hindi dapat ipagkaloob ng Pangulo nang walang pagsang-ayon ng Komisyon.

Mga Kagawaran ng Komisyon

Ang punong tanggapan ng Komisyon sa Intramuros, Maynila ay binubuo ng siyam na kagawaran:

1. Kagawaran ng Batas (Law Department)
2. Eleksyon at Gawaing Pambarangay
3. Protestang Elektoral at Adhudikasyon
4. Kagawaran ng Edukasyon at Kabatiran (Eduacation and Information Department)
5. Talaan ng Eleksyon at Estadistika
6. Gawaing Administratibo
7. Gawaing Pananalapi
8. Pantauhan (Personnel)
9. Pagpaplano (Planning Department)

Kasaysayan

Ang Komisyon ng Halalan noong 1978 ay binubuo nina [mula sa kaliwa]:Komisyonado Flores A. Bayot, Komisyonado Venancio S. Duque, Tagapangulo Leonardo B. Perez, Komisyonado Domingo C. Pabalete at Komisyonado Vicente Santiago, Jr.

Bago naitatag ang Komisyon, ang mga halalan sa Pilipinas ay pinamamahalaanan ng mga Kalihim Panloob na may malawak na kapangyarihan at karapatang pigilin o alisin sa tungkulin, sa pahintulot ng Pangulo ng Pilipinas, ang sino mang inaakalang hindi kanais-nais na opisyal sa pamahalaan. Ang hukuman ang dumidinig sa mga suliraning kaugnay sa karapatan sa pagboto at protesta ng mga kandidatong talunan. Ang Komisyong Elektoral na binubuo ng tatlong (3) Mahistrado ng Kataas-taasang Hukuman at anim (6) na kasapi ng Pambansang Asembleya (National Assembly) ang siyang dumirinig at humahatol sa mga protesta ng mga kaanib nito.

Subali't sumapit ang sandaling nagkaroon ng hinalang ang halalan ay ginagamit na kasangkapan ng mga Kalihim Panloob upang pagbigyan ang partido pulitikal ng Pangulo na kanila ring kinaaaniban. Ang malapit na ugnayang namamagitan sa Pangulo at Kalihim Panloob ang hinihinalang sanhi ng kalimita'y hindi malinis na halalang nagaganap. Upang maiwasan ang ganitong pangyayari, ang Pambansang Asembleya ay nagpasyang susugan ang Saligang Batas (ng 1935) at bumubuo ng isang Komisyon sa Halalan na papalit sa gawain ng Kalihim Panloob. Pinagtibay ng Pambansang Asembleya sa bisa ng resolusyon Bilang 73 noong ika-11 ng Abril 1940 ang tatlong susog sa probisyon ng Saligang Batas (ng 1935) na:

1. Payagan ang re-eleksyon ng Pangulo;
2. Magtatag ng sistemang bikameral na lehislatura na bubuhay sa Senado; at
3. Lumikha ng nagsasariling Komisyon sa Halalan.

Ang mga susog na ito sa Saligang Batas ay niratipikahan ng mamamayan ng magdaos ng plebisito noong ika-17 ng Hunyo 1940 na isinumite sa Pangulong Franklin Delano Roosevelt upang pagpasyahan. Sa dahilang hindi pa nagkakabisa ang mga pagbabagong nabanggit, ipinasa ng Pambansang Asembleya ang Batas Komonwelt Bilang 607 nagtatag ng isang Komisyon sa Halalan na mamamahala sa halalang idadaos sa ika-10 ng Disyembre 1940. Samantala, ang mga susog sa Saligang Batas ay ganap na nagkabisa noong ika-2 ng Disyembre 1940 matapos itong sang-ayunan ng Pangulo ng Estados Unidos.

Sa kauna-unahang pagkakataon ay nagkaroon ng reorganisasyon ang Komisyon noong ika-22 ng Hunyo 1941 at sa bisa ng Batas Komonwelt Bilang 657, mula sa pagiging batas ay naging ganap na katauhang Konstitusyonal ang Komiyon. Itinakda ng 1935 Saligang Batas, na sinusugan, na manunungkulan ang Tagapangulo nito ay manunungkulan ng siyam (9) na taon, ang unang kagawad ay anim (6) na taon at ang pangalawang kagawad ay tatlong (3)taon. Sila ay maari lamang maalis sa kanilang tungkulin sa pamamagitan ng impeachment. Sila ay tatanggap ng sahod ma hindi maaring dagdagan o bawasan sa panahon ng panunungkulan, mamamahala at magpapatupad ng mga batas panghalalan at may kapangyarihang humatol sa mga suliraning may kinalaman sa halalan maliban sa karapatan sa pagboto na tanging mga hukuman lamang ang may kapangyarihang humatol.

Mga Dating Opisyal ng Komisyon

LEONARDO B. PEREZ
Tagapangulo
Mayo 29, 1973 - Mayo 17, 1980

VICENTE SANTIAGO, JR.
Tagapangulo
Mayo 17, 1980 - Mayo 17, 1985
Komisyonado
Mayo 18, 1978-Mayo 17, 1980

HAYDEE B. YORAC
Pansamantalang Tagapangulo
Dis. 7, 1989-Hun. 5, 1991
Komisyonado
Hul. 15, 1986-Peb. 11, 1993

BERNARDO P. PARDO
Tagapangulo
Peb. 17, 1995-Okt. 08, 1998.

BENJAMIN S. ABALOS, SR.
Tagapangulo
2002-Nobyembre 2007.

Taon	Pangalan	Tungkulin	Panunungkulan
1940	Pedro Concepcion Jose C. Abreu Rufino Luna	Tagapangulo Komisyonado Komisyonado	Sety. 01, 1940-Mayo 11, 1941 Sety. 01, 1940-Okt. 11, 1944 Sety. 12, 1940-Hul. 12, 1945
1941	Jose Lopez Vito Jose C. Abreu Rufino Luna	Tagapangulo Komisyonado Komisyonado	Mayo 13, 1941-Mayo 07, 1947 Hul. 12, 1945-Nob. 09, 1949 Sety. 12, 1940-Hul. 12, 1945
1945	Jose Lopez Vito Francisco Enage Vicente de Vera	Tagapangulo Komisyonado Komisyonado	Mayo 13, 1941-Mayo 7, 1947 Sept. 01, 1940-Okt. 11, 1944 Hul. 12, 1945-Abr. 08, 1947
1947	Vicente de Vera Leopoldo Rovira Rodrigo Perez, Jr.	Tagapangulo Komisyonado Komisyonado	Abr. 09, 1947-Abr. 10, 1951 Mayo 22, 1947-Sety. 10, 1954 Dis. 08, 1949-Hun 21, 1956
1951	Domingo Imperial Leopoldo Rovira Rodrigo Perez, Jr.	Tagapangulo Komisyonado Komisyonado	Ago. 14, 1951-Mar. 31, 1958 Mayo 22, 1947-Sety. 10, 1954 Dis. 08, 1949-Hun. 21, 1956
1955	Domingo Imperial Rodrigo Perez, Jr. Gaudencio Garcia	Tagapangulo Komisyonado Komisyonado	Ago. 14, 1951-Mar. 31, 1958 Dis. 08, 1949-Hun. 21, 1956 Mayo 18, 1955-Mayo 11, 1960
1956	Domingo Imperial Gaudencio Garcia Sixto Brillantes	Tagapangulo Komisyonado Komisyonado	Ago. 14, 1951-Mar. 31, 1958 Mayo 18, 1955-Mayo 11, 1960 Dis. 20, 1956-Hun. 20, 1965
1958	Jose P. Carag Gaudencio Garcia Sixto Brillantes	Tagapangulo Komisyonado Komisyonado	Mayo 19, 1958-June 20, 1959 Mayo 18, 1955-Mayo 11, 1960 Dis. 20, 1956-Hun. 20, 1965
1958	Gaudencio Garcia Sixto Brillantes Genaro Visarra	Tagapangulo Komisyonado Komisyonado	Mayo 12, 1960-Hun. 20, 1962 Dis. 20, 1956-Hun. 20, 1965 Mayo 12, 1960-Nob. 10, 1962
1958	Juan V. Borra Sixto Brillantes Genaro Visarra Cesar Miraflor	Tagapangulo Komisyonado Komisyonado Komisyonado	Ago. 02, 1962-Hun. 20, 1968 Dis. 20, 1956-Hun. 20, 1965 Mayo 12, 1960-Nob. 10, 1962 Nob. 11, 1962-Hun. 20, 1971
1962	Juan V. Borra Sixto Brillantes Genaro Visarra Cesar Miraflor	Tagapangulo Komisyonado Komisyonado Komisyonado	Ago. 02, 1962-Hun. 20, 1968 Dis. 20, 1956-Hun 20, 1965 Mayo 12, 1960-Nob. 10, 1962 Nob. 11, 1962-Hun. 20, 1971
1965	Juan V. Borra Cesar Miraflor Gregorio Santayana	Tagapangulo Komisyonado Komisyonado	Ago. 02, 1962-Hun. 20, 1968 Nob. 11, 1962-Hun. 20, 1971 Hun. 26, 1965-Mayo 31, 1966
1966	Juan V. Borra Cesar Miraflor Francisco Ortega	Tagapangulo Komisyonado Komisyonado	Ago. 02, 1962-Hun 20, 1968 Nob. 11, 1962-Hun. 20, 1971 Dis. 25, 1966-Mar. 20, 1967
1967	Juan V. Borra Cesar Miraflor Manuel Arranz	Tagapangulo Komisyonado Komisyonado	Ago. 02, 1962-Hun. 20, 1968 Nob. 11, 1962-Hun. 20, 1971 Ago. 27, 1967-Okt. 17, 1968
1968	Manuel Arranz Cesar Miraflor Jaime N. Ferrer	Tagapangulo Komisyonado Komisyonado	Okt. 18, 1968-Hun. 02, 1969 Nob. 11, 1962-Hun. 20, 1971 Mayo 23, 1969-Hun. 09, 1969
1969	Jaime N. Ferrer Cesar Miraflor Lino M. Patajo	Tagapangulo Komisyonado Komisyonado	Hun. 10, 1969-Mayo 28, 1973 Nob. 11, 1962-Hun. 20, 1971 Hun. 16, 1969-Mayo 31, 1973
1971	Jaime N. Ferrer Lino M. Patajo Jose M. Mendoza	Tagapangulo Komisyonado Komisyonado	Hun. 10, 1969-Mayo 28, 1973 Hun. 16, 1969-Mayo 31, 1973 Sety. 06, 1971-Mayo 17, 1976
1973	Leonardo B. Perez Jose M. Mendoza Venancio S. Duque Flores A. Bayot Venancio L. Yaneza Casimiro R. Madarang,Jr. Fernando R. Veloso Liningding Pangandaman [1]	Tagapangulo Komisyonado Komisyonado Komisyonado Komisyonado Komisyonado Komisyonado Komisyonado	Mayo 29, 1973-Mayo 17, 1980 Sety. 06, 1971-Mayo 17, 1976 Hun. 01, 1973-Mayo 17, 1980 Mayo 30, 1973-Mayo 17, 1980 Mayo 30, 1973-Mayo 17, 1978 Mayo 30, 1973-Mayo 17, 1978 Mayo 30, 1973-Mayo 17, 1978 Mayo 30, 1973-Nob. 15, 1973
1974	Leonardo B. Perez Jose M. Mendoza Venancio S. Duque Flores A. Bayot Venancio L. Yaneza Casimiro R. Madarang,Jr. Fernando R. Veloso Hashim R. Abubakar	Tagapangulo Komisyonado Komisyonado Komisyonado Komisyonado Komisyonado Komisyonado Komisyonado	Mayo 29, 1973-Mayo 17, 1980 Sety. 06, 1971-Mayo 17, 1976 Hun. 01, 1973-Mayo 17, 1980 Mayo 30, 1973-Mayo 17, 1980 Mayo 30, 1973-Mayo 17, 1978 Mayo 30, 1973-Mayo 17, 1978 Mayo 30, 1973-Mayo 17, 1976 Hul. 25, 1974-Mayo 17, 1976
1976	Leonardo B. Perez Venancio S. Duque Flores A. Bayot Venancio L. Yaneza Casimiro R. Madarang,Jr.	Tagapangulo Komisyonado Komisyonado Komisyonado Komisyonado	Mayo 29, 1973-Mayo 17, 1980 Hun. 1, 1973-Mayo 17, 1980 Mayo 30, 1973-Mayo 17, 1980 Mayo 30, 1973-Mayo 17, 1978 Mayo 30, 1973-Mayo 17, 1978
1978	Leonardo B. Perez Venancio S. Duque Flores A. Bayot Venancio L. Yaneza Vicente M. Santiago, Jr. Domingo C. Pabalate	Tagapangulo Komisyonado Komisyonado Komisyonado Komisyonado Komisyonado	Mayo 29, 1973-Mayo 17, 1980 Hun. 01, 1973-Mayo 17, 1980 Mayo 30, 1973-Mayo 17, 1980 Mayo 18, 1978-Mayo 17, 1983 Mayo 17, 1978-Mayo 17, 1980 Mayo 17, 1980-Mayo 20, 1985
1980	Vicente M. Santiago, Jr. Domingo C. Pabalate Victorino A. Savellano Jaime C. Opinion Noli M. Sagadraca Romeo N. Firme. Ide C. Tillah Luis L. Lardizabal	Tagapangulo Komisyonado Komisyonado Komisyonado Komisyonado Komisyonado Komisyonado Komisyonado	Mayo 17, 1980-Mayo 17, 1985 Mayo 17, 1980-Mayo 20, 1985 Mayo 17, 1980-Abr. 1, 1986 Mayo 17, 1980-Mayo 17, 1985 Mayo 17, 1980-Mayo 17, 1983 Mayo 17, 1980-Mayo 17, 1983 Mayo 17, 1980-Mayo 17, 1983
1983	Vicente M. Santiago, Jr. Domingo C. Pabalate Victorino A. Savellano Jaime C. Opinion Noli M. Sagadraca	Tagapangulo Komisyonado Komisyonado Komisyonado Komisyonado	Mayo 17, 1980-Mayo 17, 1985 Mayo 17, 1980-Mayo 20, 1985 Mayo 17, 1980-Mayo 20, 1985 Mayo 17, 1980-Abr. 01, 1986 Mayo 17, 1980-Mayo 17, 1985
1984	Vicente M. Santiago, Jr. Domingo C. Pabalate Victorino A. Savellano Jaime C. Opinion Noli M. Sagadraca Froilan M. Bacungan Ramon H. Felipe, Jr.	Tagapangulo Komisyonado Komisyonado Komisyonado Komisyonado Komisyonado Komisyonado	Mayo 17, 1980-Mayo 17, 1985 Mayo 17, 1980-Mayo 20, 1985 Mayo 17, 1980-Mayo 20, 1985 Mayo 17, 1980-Abr. 01, 1986 Mayo 17, 1980-Mayo 17, 1985 Mar. 21, 1984-Ago. 31, 1986 Mar. 21, 1984-Abr.11,1986
1985	Victorino A. Savellano Jaime C. Opinion Froilan M. Bacungan Ramon H. Felipe , Jr. Mario D. Ortiz Quirino A. Marquinez Mangontawar B. Guro	Tagapangulo Komisyonado Komisyonado Komisyonado Komisyonado Komisyonado Komisyonado	Mayo 20, 1985-Mar. 24, 1986 Mayo 17, 1980-Abr. 01, 1986 Mar. 21, 1984-Ago. 31, 1986 Mar. 21, 1984-Abr.11,1986 Hul. 30, 1985-Hul. 23, 1986 Ago. 1, 1985-Hul. 23, 1986 Hul. 30, 1985-Abr. 11, 1986
1986[2]	Victorino A. Savellano Jaime C. Opinion Froilan M. Bacungan Ramon H. Felipe, Jr. Mario D. Ortiz Quirino A. Marquinez Mangontawar B. Guro Ruben Agpalo Jaime J. Layosa	Tagapangulo Komisyonado Komisyonado Komisyonado Komisyonado Komisyonado Komisyonado Komisyonado Komisyonado	Mayo 20, 1985-Mar. 24, 1986 Mayo 17, 1980-Abr. 1, 1986 Mar. 21, 1984-Ago. 31, 1986 Mar. 21, 1984-Abr.11,1986 Hul. 30, 1985-Hul. 23, 1986 Ago. 1, 1985-Hul. 23, 1986 Hul. 30, 1985-Abr. 11, 1986 Ene. 02, 1986-Hul. 23, 1986 Ene. 02, 1986-Hul. 23, 1986
1986[3]	Ramon H. Felipe, Jr. Froilan M. Bacungan Leopoldo L. Africa Haydee B. Yorac [4] Anacleto D. Badoy, Jr. Andres R. Flores Dario C. Rama Tomas V. dela Cruz	Tagapangulo[5] Komisyonado Komisyonado Komisyonado Komisyonado Komisyonado Komisyonado Komisyonado	Hul. 11, 1986-Peb. 03, 1988 Mar. 21, 1984-Ago. 31, 1986 Hul. 14, 1986-Peb. 15, 1991 Hul. 15, 1986-Peb. 11, 1993 Hul. 16, 1986-Peb. 3, 1988 Hul. 17, 1986-Peb. 15, 1991 Hul. 18, 1986-Peb. 15, 1993 Dis. 11, 1986-Sety. 13, 1987
1987	Ramon H. Felipe , Jr. Leopoldo L. Africa Haydee B. Yorac Anacleto D. Badoy, Jr. Andres R. Flores Dario C. Rama Tomas V. dela Cruz Alfredo E. Abueg, Jr.	Tagapangulo Komisyonado Komisyonado Komisyonado Komisyonado Komisyonado Komisyonado Komisyonado	Hul. 11, 1986-Peb. 03, 1988 Hul 14, 1986-Peb. 15, 1991 Hul. 15, 1986-Peb. 11, 1993 Hul. 16, 1986-Peb. 3, 1988 Hul. 17, 1986-Peb. 15, 1991 Hul. 18, 1986-Peb. 15, 1993 Dis. 11, 1986-Sety. 13, 1987 Dis. 16, 1987-Nob. 3, 1994
1988	Hilario G. Davide Jr. Leopoldo L. Africa Haydee B. Yorac Andres R. Flores Dario C. Rama Alfredo E. Abueg, Jr. Magdara B. Dimaampao	Tagapangulo Komisyonado Komisyonado Komisyonado Komisyonado Komisyonado Komisyonado	Peb. 15, 1988-Dis. 7, 1989 Hul. 14, 1986-Peb. 15, 1991 Hul. 15, 1986-Peb. 11, 1993 Hul. 17, 1986-Peb. 15, 1991 Hul. 18, 1986-Peb. 15, 1993 Dis. 16, 1987-Nob. 3, 1994 Peb. 15, 1988-Peb. 15, 1995
1989	Haydee B. Yorac[6] Leopoldo L. Africa Andres R. Flores Dario C. Rama Alfredo E. Abueg, Jr. Magdara B. Dimaampao	Pansamantalang Tagapangulo Komisyonado Komisyonado Komisyonado Komisyonado Komisyonado	Dis. 7, 1989-Hun. 5, 1991 Hul. 14, 1986-Peb. 15, 1991 Hul. 17, 1986-Peb. 15, 1991 Hul. 18, 1986-Peb. 15, 1993 Dis. 16, 1987-Nob. 3, 1994 Peb. 15, 1988-Peb. 15, 1995
1991	Christian S. Monsod Haydee B. Yorac Andres R. Flores Dario C. Rama Alfredo E. Abueg, Jr. Magdara B. Dimaampao Regalado E. Maambong	Tagapangulo Komisyonado Komisyonado Komisyonado Komisyonado Komisyonado Komisyonado	Hun. 6, 1991-Peb. 15, 1995 Hul. 15, 1986-Peb. 11, 1993 Hul. 17, 1986-Peb. 15, 1991 Hul. 18, 1986-Peb. 15, 1993 Dis. 16, 1987-Nob. 03, 1994 Peb. 15, 1988-Peb. 15, 1995 Hun. 6, 1991-Peb. 15, 1998
1991	Christian S. Monsod Haydee B. Yorac Andres R. Flores Dario C. Rama Alfredo E. Abueg, Jr. Magdara B. Dimaampao Regalado E. Maambong	Tagapangulo Komisyonado Komisyonado Komisyonado Komisyonado Komisyonado Komisyonado	Hun. 6, 1991-Peb. 15, 1995 Hul. 15, 1986-Peb. 11, 1993 Hul. 17, 1986-Peb. 15, 1991 Hul. 18, 1986-Peb. 15, 1993 Dis. 16, 1987- Peb. 15, 1988-Peb. 15, 1995 Hun. 6, 1991-Peb. 15, 1998
1992	Christian S. Monsod Haydee B. Yorac Dario C. Rama Magdara B. Dimaampao Regalado E. Maambong Vicente B. de Lima Remedios Salazar- Fernando	Tagapangulo Komisyonado Komisyonado Komisyonado Komisyonado Komisyonado Komisyonado	Hun. 6, 1991-Peb. 15, 1995 Hul. 15, 1986-Peb. 11, 1993 Hul. 18, 1986-Peb. 15, 1993 Peb. 15, 1988-Peb. 15, 1995 Hun. 6, 1991-Peb. 15, 1998 Peb. 7, 1992-Nob. 04, 1994 Peb. 14, 1992-Peb. 15, 1998

1. ^  Si Lininding Pangandaman ang kauna-unahang Muslim na nahirang bilang Komisyonado ng Komisyon sa Halalan.

2. ^  Ang mga bumubuo ng Komisyon bago naganap ang Rebolusyong Lakas Sambayanan sa EDSA

3. ^  Ang mga bumubuo ng Komisyon bago naganap ang Rebolusyong Lakas Sambayanan sa EDSA

4. ^  Si Haydee B. Yorac ay ang kauna-unahang babaeng nahirang na Komisyonado ng Komisyon.

5. ^  Si Ramon H. Felipe ay gumanap na Tagapangulo ng Komisyon mula Abril 11, 1986 hanggang sa siya'y hirangin ni Pangulong Corazon C. Aquino bilang ganap na Tagapangulo noong ika-23 ng Hulyo, 1986.

6. ^  Nang si Davide ay hirangin ni Pangulong Aquino bilang Tagapangulo ng Fact Finding Commission na naatasang magsiyasat sa kudeta noong 1989, si Yorac ang gumanap na tagpanhulo ng Komisyon hanggang ang bagong Tagapangulo Christian S. Monsod at mapili noong 1991.

Mga Halalang Pinangasiwaan ng Comelec

Pampanguluhan (Presidential)

Petsa	Deskripsyon	Resulta
Disyembre 10, 1940	Unang halalang sa pagka-Pangulo, Pangalawang Pangulo, mga Senador at kasapi ng Kapulungan ng mga Kinatawan na pinangasiwaan ng Komisyon sa bisa ng Batas Komonwelth Bilang 666.	Pangulo:Manuel L. Quezon (Partido Nacionalista) Pangalawang Pangulo:Sergio Osmeña
Abril 23, 1946	Halalan sa pagka-Pangulo, Pangalawang Pangulo, mga Senador at mga kasapi ng Kapulungan ng mga Kinatawan, sa bisa ng Batas Komonwelt Bilang 725	Pangulo: Manuel Roxas(Partido Nacionalista - Liberal wing) Pangalawang Pangulo: Elpidio Quirino
Nobyembre 8, 1949[1]	Halalan sa pagka-Pangulo, Pangalawang Pangulo, mga Senador at mga kasapi ng Kapulungan ng mga Kinatawan	Pangulo:Elpidio Quirino (Partido Liberal- Quirino Wing) Pangalawang Pangulo: Fernando Lopez
Nobyembre 10, 1953	Halalan sa pagka-Pangulo, Pangalawang Pangulo, walong (8) Senador at mga kasapi ng Kapulungan ng mga Kinatawan	Pangulo: Ramon Magsaysay (Partido Nacionalista) Pangalawang Pangulo: Carlos P. Garcia
Nobyembre 12, 1957	Halalan sa pagka-Pangulo, Pangalawang Pangulo, walong (8) Senador at mga kasapi ng Kapulungan ng mga Kinatawan	Pangulo:Carlos P. Garcia (Partido Nacionalista) Pangalawang Pangulo:Diosdado Macapagal (Partido Liberal)
Nobyembre 14, 1961	Halalan sa pagka-Pangulo, Pangalawang Pangulo, walong (8) Senador at mga kasapi ng Kapulungan ng mga Kinatawan	Pangulo:Diosdado Macapagal (Partido Liberal) Pangalawang Pangulo:Emmanuel Pelaez
Nobyembre 9, 1965	Halalan sa pagka-Pangulo, Pangalawang Pangulo, walong (8) Senador at mga kasapi ng Kapulungan ng mga Kinatawan	Pangulo:Ferdinand Marcos (Partido Nacionalista) Pangalawang Pangulo: Fernando Lopez
Nobyembre 11, 1969	Halalan sa pagka-Pangulo, Pangalawang Pangulo, walong (8) Senador at mga kasapi ng Kapulungan ng mga Kinatawan	Pangulo:Ferdinand Marcos (Partido Nacionalista) Pangalawang Pangulo: Fernando Lopez
Hunyo 16, 1981	Halalan sa pagka-Pangulo at reperendum tungkol sa pagdadaos ng halalang pambaranggay	Pangulo:Ferdinand Marcos (Kilusang Bagong Lipunan) Pangalawang Pangulo:[2]
Pebrero 7, 1986	Halalang "Snap" sa pagka-Pangulo at Pangalawang Pangulo	Pangulo:Ferdinand Marcos[3] (Kilusang Bagong Lipunan) Pangalawang Pangulo: Arturo Tolentino
Mayo 11, 1992	Halalan sa pagka-Pangulo, Pangalawang-Pangulo, (24) na Senador, mga Kinatawan at mga lokal na posisyon	Pangulo:Fidel Ramos (Lakas-NUCD) Pangalawang Pangulo: Joseph Ejercito Estrada (Partido ng Masang Pilipino-Nationalist People's Coalition)
Mayo 11, 1998	Halalan sa pagka-Pangulo, Pangalawang-Pangulo, (12) na Senador, mga Kinatawan at mga lokal na posisyon	Pangulo:Joseph Ejercito Estrada (LDP-PMP-NPC-LAMMP Coalition) Pangalawang Pangulo:Gloria Macapagal-Arroyo (Lakas-NUCD-KAMPI)
Mayo 10, 2004	Halalan sa pagka-Pangulo, Pangalawang-Pangulo, (12) na Senador, mga Kinatawan at mga lokal na posisyon	Pangulo:Gloria Macapagal-Arroyo (Lakas CMD-KAMPI-Liberal-Nacionalista Party-K4 Coalition) Pangalawang Pangulo: Noli de Castro

1. ^ Batay sa Batas Republika Bilang 725, gaganapin tuwing ikalawang Martes sa buwan ng Nobyembre kada apat na taon ang halalan sa pagka-Pangulo, Pangalawang Pangulo, mga Kinatawan sa Kongreso at mga lokal na posisyon, at kada dalawang taon naman sa mga Senador.

2. ^ Ang tanggapan ng Pangalawang Pangulo ay inalis sa Saligang Batas ng 1973 ngunit ito ay ibinalik ng susugan ang Saligang Batas noong 1984

3. ^ Si Ferdinand Marcos ang opisyal na ipinoroklama ng Batasang Pambansa na nagwagi sa halalang Snap ngunit ito ay pinawalang-bisa ng EDSA People Power Revolution na nagpabagsak sa pamahalaang Marcos noong ika-25 ng Pebrero 1986. Ayon sa bilang ng NAMFREL, si Corazon Aquino diumano ang tunay na nagwagi sa halalan.

Kongresyonal (Congressional)

Petsa	Deskripsyon
Disyembre 10, 1940	Unang halalang sa pagka-Pangulo, Pangalawang Pangulo, mga Senador at kasapi ng Kapulungan ng mga Kinatawan na pinangasiwaan ng Komisyon sa bisa ng Batas Komonwelth Bilang 666.
Abril 23, 1946	Halalan sa pagka-Pangulo, Pangalawang Pangulo, labing-anim (16) na Senador at mga kasapi ng Kapulungan ng mga Kinatawan, sa bisa ng Batas Komonwelt Bilang 725.
Marso 11, 1947	Espesyal na halalan sa pagka-Kinatawan sa ikaunang distrito kongresyonal ng Iloilo, ikalimang distrito kongresyonal ng Pangasinan, at sa nag-iisang distrito kongresyonal ng Bukidnon.
Nobyembre 11, 1947	Halalan sa walong (8) Senador Espesyal na halalan sa pagka-Kinatawan ng ika-6 na distrito kongresyonal ng Cebu (sa bisa ng Proklamasyon Bilang II 33).
Marso 23, 1948	espesyal na halalan sa pagka-Kinatawan ng ika-4 na distrito kongresyonal ng Iloilo at ikaunang distrito kongresyonal ng Leyte (sa bisa ng Batas Republika Bilang 25).
Nobyembre 8, 1949[1]	Halalan sa pagka-Pangulo, Pangalawang Pangulo, mga Senador at mga kasapi ng Kapulungan ng mga Kinatawan.
Nobyembre 13, 1951	Halalan sa walong (8) Senador at mga lokal na posisyon sa mga lalawigan, lungsod, at bayan.
Nobyembre 10, 1953	Halalan sa pagka-Pangulo, Pangalawang Pangulo, walong (8) Senador at 102 kasapi ng Kapulungan ng mga Kinatawan.
Nobyembre 8, 1955	Halalan sa walong (8) Senador at mga lokal na posisyon sa mga lalawigan, lungsod, at bayan. Espesyal na halalan sa pagka-Senador upang punan ang posisyong iniwan ni Carlos P. Garcia na nahalal na Pangalawang Pangulo noong 1953 Espesyal na halalan sa pagka-Kinatawan ng ikaunang distrito kongresyonal ng Albay, at ikaunang distrito kongresyonal ng Samar (sa bisa ng Proklamasyon Bilang 178 [Agosto 10, 1955]).
Nobyembre 12, 1957	Halalan sa pagka-Pangulo, Pangalawang Pangulo, walong (8) Senador at 102 kasapi ng Kapulungan ng mga Kinatawan.
Nobyembre 10, 1959	Halalan sa walong (8) Senador at mga lokal na posisyon sa mga lalawigan, lungsod, at bayan.
Nobyembre 14, 1961	Halalan sa pagka-Pangulo, Pangalawang Pangulo, walong (8) Senador at 104 kasapi ng Kapulungan ng mga Kinatawan.
Nobyembre 12, 1963	Halalan sa walong (8) Senador at mga lokal na posisyon sa mga lalawigan, lungsod, at bayan. Espesyal na halalan sa pagka-Kinatawan sa ikaunang distrito kongresyonal ng Batangas (upang punan ang iniwang posisyon ng yumaong Apolinario Apacible) at ikaunang distrito kongresyonal ng Negros Occidental (upang punan ang posisyong iniwan ng yumaong Vicente Gustillo, Sr.)[sa bisa ng Proklamasyon Bilang 154 at 150].
Nobyembre 9, 1965	Halalan sa pagka-Pangulo, Pangalawang Pangulo, walong (8) Senador at 104 kasapi ng Kapulungan ng mga Kinatawan.
Nobyembre 14, 1967	Halalan sa walong (8) Senador at mga lokal na posisyon sa mga lalawigan, lungsod, at bayan. Espesyal na halalan sa pagka-Kinatawan sa: unang distrito ng Ilocos Norte; at tig-iisang distrito ng Davao del Sur, Davao Oriental, Northern Samar at South Cotabato.
Nobyembre 11, 1969	Halalan sa pagka-Pangulo, Pangalawang Pangulo, walong (8) Senador at mga kasapi ng Kapulungan ng mga Kinatawan.
Nobyembre 8, 1971	Halalan sa walong (8) Senador at mga lokal na posisyon sa mga lalawigan, lungsod, at bayan.
Mayo 11, 1987	Halalan sa dalawampu't-apat na (24) Senador at mga Kinatawan sa Kongreso Sa halalang ito, 22 Senador ang nahalal mula sa koalisyon ni Pangulong Corazon Aquino at dalawa mula sa oposisyong Grand Alliance for Democracy, sina Juan Ponce Enrile at Joseph Estrada.
Mayo 11, 1992	Halalan sa pagka-Pangulo, Pangalawang-Pangulo, dalawampu't-apat na (24) na Senador, mga Kinatawan sa Kongreso at mga lokal na posisyon.
Marso 7, 1994	Espesyal na halalan sa pagka-Kinatawan ng unang distrito ng Rizal
Mayo 8, 1995	Halalan sa labindalawang (12) Senador, mga Kinatawan sa Kongreso, at mga lokal na posisyon.
Mayo 11, 1998	Halalan sa pagka-Pangulo, Pangalawang-Pangulo, (12) na Senador, mga Kinatawan at mga lokal na posisyon.
Mayo 14, 2001	Halalan sa labindalawang (12) Senador, mga Kinatawan sa Kongreso, at mga lokal na posisyon. Espesyal na halalan para sa posisyong iniwan ni Teofisto Guingona, Jr na hinirang ni Pangulong Gloria Macapagal Arroyo bilang Pangalawang Pangulo noong Pebrero 2001.
Mayo 10, 2004	Halalan sa pagka-Pangulo, Pangalawang-Pangulo, (12) na Senador, mga Kinatawan at mga lokal na posisyon.
Mayo 14, 2007	Halalan sa labindalawang (12) Senador, mga Kinatawan sa Kongreso, at mga lokal na posisyon.

Halalan sa Batasang Pambansa

Petsa	Deskripsyon
Abril 7, 1978	Halalan sa pagka-Kagawad sa Pansamantalang Batasang Pambansa (sa Rehiyon) Rehiyon I - 14 Rehiyon II - 8 Rehiyon III - 16 Rehiyon IV - 21 Rehiyon IV-A (Kalakhang Maynila) - 20 Rehiyon V - 12 Rehiyon VI - 16 Rehiyon VII - 13 Rehiyon VIII - 10 Rehiyon IX - 8 Rehiyon X- 9 Rehiyon XI - 10 Rehiyon XII -8
Abril 27, 1978	Halalan ng 14 na Sektoral na kinatawan sa Pansamantalang Batasang Pambansa.
Mayo 14, 1984	Halalan sa pagka-Kagawad sa Batasang Pambansa

Mga panlabas na kawing

1. Opisyal na Pahina ng Komisyon sa Halalan
2. Opisyal na Pahina sa Web ng National Movement for Free Elections (NAMFREL)
3. Opisyal na Pahina sa Web ng Parish Pastoral Council for Responsible Voting