Koreanong barbikyu

Koreanong BBQ
Galbi
Hangul	고기구이
Binagong Romanisasyon	gogigui
McCune–Reischauer	kogikui

Ang Koreanong barbikyu (Koreano: 고기구이, Gogi-gu-i, 'karneng inihaw') ay tumutukoy sa sikat na paraan sa lutuing Koreano ng pag-ihaw ng karne, karaniwang baka, baboy, o manok. Ang mga nasabing putahe ay madalas na inihahanda sa mga ihawang de-gas o de-uling na nakakabit sa mismong mesa ng kainan. Nagbibigyan ang mga mamimili ng ilang mga Koreanong restawran na walang nakakabit na ihawan ng nabibitbit na kalan para magamit ng mga nagsisikain sa kanilang mga mesa. Bilang kahalili, gumagamit ang kusinero ng ihawang nakalagay sa sentro upang maghanda ng mga putaheng ioorder.

Ang pinakakinakatawang uri ng gogi-gu-i ay bulgogi na kadalasang gawa sa maninipis na hiwa ng timpladong tapadera o solomilyo ng baka. Isa pang sikat na uri ang galbi na gawa sa timpladong tagiliran ng baka. Gayunpaman, kabilang din sa gogi-gu-i ang iba pang mga uri ng timpladong at di-timpladong karne, at maaaring hatiin sa mga ilang kategorya. Sikat ang Koreanong barbikyu sa kanyang inang bayan, ngunit sumikat din ito sa buong mundo.

Mga uri

Karne	Timplado	Di-timplado
Baka	Bulgogi (불고기) (kilala rin bilang 'karneng maapoy') Galbi (갈비) Jumulleok (주물럭), mga maikling isteyk na minarinada sa mantika ng linga	Chadolbagi (차돌박이), manipis na hiniwang punta y petso Deungsim (등심), tapadera Kkot deungsim (꽃 등심), rolyo ng rib eye steak Ansim (안심), solomilyo Salchisal (살치살), kadera Galbisal (갈비살), kostilyas Chae kkeut (채끝), tapadera Buchaesal (부채살), top blade Anchangsal (안창살), sa outside skirt steak Chimasal yangji (치마살 양지), camto
Baboy	Dwaeji bulgogi (돼지불고기), maanghang na bulgoging baboy	Samgyeopsal (삼겹살), liempo
Manok	Dak galbi (닭갈비), maanghang na marinadong manok	Dak gui (닭 구이), inihaw na manok

Timpladong inihaw na karne

Ang pinakasikat na uri ng Koreanong barbikyu ay bulgogi. Bago lutuin, binababad ang karne sa pinaghalong toyo, asukal, mantika ng linga, bawang at paminta. Kinaugaliang niluluto ito sa mga parilya o butas-butas na hugis-bobidang ihawan na nakapatong sa mga brasero, ngunit naging karaniwan dingpinaglulutan ang kalan.

Sutbul (baga ng uling) para sa barbikyu

Ang galbi ay gawa sa mga tagiliran ng baka na binadbad sa sarsang naglalaman ng toyo, tubig, bawang, asukal at hiwa na sibuyas. Pinaniniwalaan na pinakamasarap ito kapag inihaw sa uling o agiw (숯, mga sunog na piraso ng kahoy).

Ang jumulleok ay short steak na tinimpla ng mantika ng lingga, asin at paminta. Halos magkatulad ito sa di-timpladong gogigui at ang itinatanggi nito sa iba pang mga uri ay ang malaisteyk at makatas na pagkakahabi. Karaniwan ding ginagamit ang mga hiniwang pato para sa jumulleok sa halip ng baka.

Ang daeji bulgogi (maanghang na baboy) ay isang tanyag na ulam pang-gogigui. Naiiba ito sa beef bulgogi dahil hindi nagmumula sa toyo ang pambabad, ngunit sa halip, nakababad ito sa mga sarsang galing sa gochujang at/o gochu garu (Koreanong pinulbos na sili).

Di-timpladong inihaw na karne

Koreanong barbikyung Galbi

Ang chadolbegi ay isang ulam na gawa sa mga maninipis na hiwa ng petso ng baka na di-timplado. Napakanipis nito kaya naluluto ito halos agad-agad sa sandaling nilalagay ito sa pinainit na kawali.

Ang samgyeopsal ay gawa sa mga mas makapal na hiwa ng di-inasnang liempo. Ito ay may taba at malambot. Sa Korea, mas madalas kinakain ang samgyeopsal kaysa sa chadolbegi dahil mas mababa ang presyo ng baboy roon. Karaniwan itong kinakain kasama ng soju (isang tradisyunal na alak).

Koreanong baribikyung liempo

Popular na pinagpipilian din bilang di-timpladong uri ng gogigui ang tapadera (deungsim, 등심) at tagilirang walang buto (galbisal, 갈비살).

Pamutat

Ang gogi-gui ay may kasamang iba't ibang uri ng banchan (mga pamutat). Sa mga restawran, halos palaging sinasamahan ang karne ng pajeori (ensaladang berdeng sibuyas) at isang sariwang putaheng gulay na may litsugas, pipino, at paminta. Ang isang kinaugaliang paraan ng pagkakain ng Koreanong barbikyu ay ang pagbalot ng karne sa litsugas at pagdaragdag ng mga pampalasa tulad ng pajoeri (maanghang na ensaladang iskalyon) at ssamjang (maanghang na masa na gawa sa doenjang na hinaluan ng gochujang).

Galerya

Mga ulam sa Koreanong barbikyu

• 
  Nalulutong galbi
• 
  Sariwang hiwa ng tapadera at tagilirang walang buto
• 
  Timpladong galbi na walang buto
• 
  Koreanong barbikyu
• 
  Galbisal, tagilirang walang buto bago maluto
• 
  Inihaw na galbisal pagkatapos maluto
• 
  Isang pamutat ng pajeori (파절이), ensaladang berdeng sibuyas

Tingnan din

• Asado
• Jeok
• Lutuing Koreano
• Yakiniku

Mga sanggunian

Talababa

Mga sanggunian

• 구이 (sa Koreano). Doosan Encyclopedia. Nakuha noong 2017-03-08.
• 구이 (sa Koreano). Encyclopedia of Korean Culture. Nakuha noong 2017-03-08.
• 구이 (sa Koreano). Empas/Encyclopædia Britannica. Nakuha noong 2008-03-15.

Mga kawing panlabas

• Paano Magluto ng Pagkaing Koreano sa Bahay Naka-arkibo 2008-04-20 sa Wayback Machine. - Ang Opisyal Sayt ng Gabay sa Turismo ng Korea (sa Ingles)