Likurang patinig

Likurang patinig (Ingles: back vowel) ang mga patinig na sinasalita sa pamamagitan ng pagpuwesto ng pinakamataas na bahagi ng dila sa likurang bahagi ng bibig nang hindi gumagawa ng pag-ipit kagaya ng sa mga katinig.^[1] Tinatawag din minsan ang mga likurang patinig bilang mga madidilim na patinig (Ingles: dark vowel) dahil sa pagiging mas "madilim" nito (kung papakinggan) kesa sa mga harapang patinig. Sa wikang Tagalog, [u] (hal. ulo) at [o] (hal. suntok) ang mga likurang patinig.^[2]

PPA: Mga patinig

	Harap	Sentro	Likod
Nakasara	i y	ɨ ʉ	ɯ u
Halos nakasara	ɪ ʏ		ʊ
Nakasarang gitna	e ø	ɘ ɵ	ɤ o
Gitna	e̞ ø̞	ə	ɤ̞ o̞
Nakabukang gitna	ɛ œ	ɜ ɞ	ʌ ɔ
Halos nakabuka	æ	ɐ
Nakabuka	a ɶ	ä	ɑ ɒ

Ayos ng patinig: di-bilog • bilog

Naglalaman po ang artikulong ito ng mga ponetikong simbolo ng PPA. Posible po kayong makakita ng mga tandang pananong, kahon, o iba pang mga simbolo imbes ng mga mga karakter ng Unicode kung hindi po suportado ang pag-render sa mga ito.

Isang uri ng mga likurang patinig ang mga halos likurang patinig (Ingles: near-back vowel). Walang wika sa mundo ang gumagawa ng isang malinaw na pagkakaiba sa pagitan ng mga likuran at halos likurang patinig.

Artikulasyon[baguhin | baguhin ang wikitext]

May dalawang kategorya ang mga likurang patinig ayon sa relatibong artikulasyon nito: nakaangat at nakaurong.

Nakaangat[baguhin | baguhin ang wikitext]

Nakaangat na patinig (Ingles: raised vowel) ang mga patinig na nabubuo sa pamamagitan ng pagpuwesto ng dila paangat sa likurang bahagi ng bibig, patungo sa ngala-ngala o dorsum.^[3]

[u ɯ] ang mga pinaka-nakaangat na mga patinig. Medyo nakaangat din ang mga patinig na [ʊ], [o ɤ], gayundin ang [ʉ ɨ].

Nakaurong[baguhin | baguhin ang wikitext]

Nakaurong na patinig (Ingles: retracted vowel) ang mga patinig na na nabubuo sa pamamagitan ng pagpuwesto ng dila nang pahila sa likurang bahagi ng bibig, patungo sa ngala-ngala at lalamunan.^[3]

[ɑ ɒ] ang mga pinaka-nakaurong na patinig: nakadikit na halos ang dila sa epiglotis at sa dingding ng lalamunan. Nakaurong din ang mga patinig na [ʌ ɔ].

Tingnan din[baguhin | baguhin ang wikitext]

Sanggunian[baguhin | baguhin ang wikitext]

↑ "back vowel" [likurang patinig]. Britannica (sa Ingles). Nakuha noong 20 Abril 2023.
↑ Llamzon, Teodoro A. (Enero 1966). "Tagalog phonology" [Ponolohiyang Tagalog]. Anthropological Linguistics (sa Ingles). 8 (1): 30–31. Nakuha noong 21 Abril 2023.
↑ ^3.0 ^3.1 Moisik, Scott; Czaykowska-Higgins, Ewa; Esling, John H. (2012). The Epilaryngeal Articulator: A New Conceptual Tool for Understanding Lignual -Laryngeal Contrasts [Ang Artikulator na Epilaryngeal: Isang Bagong Konseptong Kagamitan para sa Pag-unawa sa mga Pagkakaibang Lingual-Laryngeal] (PDF) (sa Ingles).

[1] "back vowel" [likurang patinig]. Britannica (sa Ingles). Nakuha noong 20 Abril 2023.

[llamzon-2] Llamzon, Teodoro A. (Enero 1966). "Tagalog phonology" [Ponolohiyang Tagalog]. Anthropological Linguistics (sa Ingles). 8 (1): 30–31. Nakuha noong 21 Abril 2023.

[angat-3] 3.0 ^3.1 Moisik, Scott; Czaykowska-Higgins, Ewa; Esling, John H. (2012). The Epilaryngeal Articulator: A New Conceptual Tool for Understanding Lignual -Laryngeal Contrasts [Ang Artikulator na Epilaryngeal: Isang Bagong Konseptong Kagamitan para sa Pag-unawa sa mga Pagkakaibang Lingual-Laryngeal] (PDF) (sa Ingles).

[1]

[2]

[3]