Mayo 2007

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Mayo 28, 2007 (Lunes) baguhin kasaysayan bantayan
  • Japan Natagpuang nakabigti ang Ministro ng Agrikultura ng Hapon na si Toshikatsu Matsuoka sa kanyang tirahan sa Tokyo. Ang kanyang pagpapakamatay ay naganap may ilang oras bago siya humarap sa Parlyamento upang sagutin ang mga bintang ng katiwalian laban sa kanya. Si Toshikatsu Matsuoka ang kauna-unahang ministro sa pamahalaang Hapones na nagpakamatay buhat noong Ikalawang Digmaang Pandaigdig.


Usbong Ang lathalaing ito ay isang usbong. Makatutulong ka sa Wikipedia sa pagpapalawig nito.

Mayo 29, 2007 (Martes) baguhin kasaysayan bantayan
  • Burma Pilipinas Nanawagan ang pamahalaan ng Pilipinas sa pamahalaang Myanmar sa pagpapalaya kay Aung San Suu Kyi makaraang palawigin ng junta militar ng isang taon ang house arrest ng lider oposisyon ng Myanmar.
  • Niherya Nanumpa bilang bagong pangulo ng Nigeria si Umaru Yar'Adua. Ang dating gobernador ay nagtamo ng landslide na pagkapanalo sa halalang pampanguluhan noong nakaraang buwan, na inilarawan ng nakakaraming foreign observers na di-katanggap-tanggap at napakarumi.
  • Mexico Nagwagi bilang bagong Miss Universe si Riyo Mori ng Hapon sa ginanap na kompetisyon sa Lungsod ng Mexico. Samantala ang mga runner-ups naman ay sina: Natalia Guimaraes ng Brazil (1st runner-up); Ly Jonaitis ng Venezuela (ika-2 na runner-up);Honey Lee ng Korea (ika-3 na runner-up); at Rachel Smith ng Estados Unidos (ika-4 na runner-up). Si Riyo Mori ang ikalawang Miss Universe mula sa bansang Hapon. Si Akiko Kojima ang kauna-unahang Haponesa at Asyana na nagwagi sa naturang timpalak noong 1959.



Usbong Ang lathalaing ito ay isang usbong. Makatutulong ka sa Wikipedia sa pagpapalawig nito.

Mayo 30, 2007 (Miyerkules) baguhin kasaysayan bantayan
  • Estados Unidos Ayon sa isang senior official sa White House. napipisil hirangin ni Pangulong George W. Bush si Robert Zoellick (nasa larawan) bilang bagong pangulo ng World Bank. Papalitan niya si Paul Wolfowitz na nagbitiw kamakailan makaraan itong masangkot sa isang eskandalo.
  • Pilipinas Nagbabala ang milantanteng Bagong Alyansang Makabayan o Bayan na sila'y magsasagawa ng malawakang kilos-protesta kapag itinuloy ng Komisyon sa Halalan o Comelec ang pagbibilang sa kontrobersiyal ng "certificate of canvass" ng Maguindanao, kung saan nakakuha ang Team Unity (ang koalisyon ng administrasyong Arroyo) nang 12-0 na pagkapanalo laban sa oposisyon. Pinaghihinalaang walang halalang naganap sa naturang lalawigan.
  • MalaysiaTinanggihan ng Kataas-taasang Hukuman ng Malaysia ang petisyon ni Azlina Jailani, isang dating Muslim na sumapi sa relihiyong Kristiyanismo, na tanggalin ang salitang Islam sa kanyang identity card. Bagama't kinikilala ng Saligang Batas ng Malaysia ang kalayaan sa pagsamba, sinasaad din dito na ang lahat ng etnikong Malay ay mga Muslim.
  • Alemanya Ang mga ministrong panlabas ng mga bansang kabilang sa walong pinaka-industriyalisadong mga bansa sa daigdig o G-8 ang magkikita-kita ngayon sa Alemanya bago ang nakatakdang pagpupulong sa susunod na linggo. Pagpupulungan nila ang iba't-ibang paksa sa daigdig kabilang ang pagbabago sa klima, mga kaguluhan sa Iraq, ang kontroberyal na programang nukleyar ng Iran at ang mga krisis sa Darfur, Afghanistan at Kosovo.


Usbong Ang lathalaing ito ay isang usbong. Makatutulong ka sa Wikipedia sa pagpapalawig nito.

Mayo 31, 2007 (Huwebes) baguhin kasaysayan bantayan
  • Estados Unidos Sinabi ng White House na nais ni Pangulong George W. Bush (nasa larawan) ng Estados Unidos ang pangmatagalang pananatili ng tropang Amerikano sa Iraq tulad ng sa Timog Korea upang mapangalaagan ang kapayapaan at kaayusan sa Iraq.
  • Pilipinas Apat na katao, kabilang ang isang Aleman na asawa ng isang Filipina, na dinukot noong Huwebes nang mga di kilalang armadong tao sa bayan ng Pikit sa North Cotabato ang pinakawalan ngayon sa kamay ng pamahalaang Pilipinas. Ang apat na katao ay sina Consuelo San Juan at Diego Daniel at ang mag-asawang Thomas Wallrath at May Sharon Jackson.
  • Pilipinas Pinag-utos ng Ombudsman ang pagtanggal sa pwesto ng punong tagapagtuos (Chief accountant) ng Sandatahang Lakas ng Pilipinas. Sa 29-pahinang hatol nito, napatunayan ni Ombudsman Merceditas Guttierez na nagkasala si Generoso Reyes del Castillo ng grave misconduct, dishonesty at conduct prejudicial to the best interest of the service matapos siyang magsinungaling sa kanyang Statement of Assets, Liabilities and Net Worth (SALN).


Usbong Ang lathalaing ito ay isang usbong. Makatutulong ka sa Wikipedia sa pagpapalawig nito.



Usbong Ang lathalaing ito ay isang usbong. Makatutulong ka sa Wikipedia sa pagpapalawig nito.