Sinaunang Panahon ng mga Hudyo

Antigedades ng mga Hudyo
Sinaunang Panahon ng mga Hudyo

manuskritong ika-11 siglo
May-akda	Flavio Josefo
Orihinal na pamagat	Ἰουδαϊκὴ ἀρχαιολογία
Tagapagsalin	Thomas Lodge William Whiston Henry St. John Thackeray Ralph Marcus
Bansa	Imperyong Romano
Wika	Griyegong Koine
Paksa	Kasaysayan ng mga Hudyo
Dyanra	historyograpiya
Nilathala	93 o 94 CE
Nilathala sa Ingles	1602
Uri ng midya	manuskrito
Dewey Decimal	296.093
Klasipikasyon ng Aklatan ng Kongreso	DS116.J7418
Orihinal na teksto	Ἰουδαϊκὴ ἀρχαιολογία at Griyego Wikisource
Salin	Antigedades ng mga Hudyo Sinaunang Panahon ng mga Hudyo at Wikisource

Isang dahon mula sa 1466 manuskrito ngAntiquitates Iudaice, Pambansang Aklatan ng Polonya

Ang Antigedades ng mga Hudyo o Sinaunang Panahon ng mga Hudyo (Ingles:Antiquities of the Jews; Latin: Antiquitates Iudaicae; Griyego: Ἰουδαϊκὴ ἀρχαιολογία, Ioudaikē archaiologia) ay isang 20 bolyum na akdang historyograpikal na isinulat sa Sinaunang Griyego ng mananalaysay na si Flavio Josefo noong ika-13 taon ng pamumuno ng emperador ng Imperyong Romano na si Flavio Domiciano noong mga 93 o 94 CE. Sinasalaysay nito ang kasaysayan ng mga Hudyo para sa mga patron na hentil ni Josefo. Sa unang sampung bolyum, sinalaysay ni Josefo ang mga pangyayari sa Bibliyang Hebreo mula sa paglikha kina Adan at Eba. Sinasalaysay ng ikalawang bolyum ang kasaysayan ng mga Hudyo hanggang sa Unang Digmaang Hudyo-Romano noong mga 66-73 CE. Nagbibigay ang akdang ito ni Josefo kasama ang isa pang pangunahing akda, ang Digmaang Hudyo (De Bello Iudaico), ng mahalagang materyal para sa mga dalubhasa sa kasaysayan na nais maunawaan ang Hudaismo noong unang siglo CE at panahon ng sinaunang Kristiyanismo.

Nilalaman

Isang mahalagang mapagkukunan ang Sinaunang Panahon ng mga Hudyo para sa kasaysayan ng panahong intertestamentaryo at ang digmaan ng mga Hudyo laban sa Roma. Mahahati ito sa 20 bolyum:

Bolyum	Mula	Hanggang	Sakop na mga taon
I	Ang Paglikha ayon sa Bibliya	Kamatayan ng anak ni Abraham na si Isaac	3,833
II	Kasaysayan ng mga anak ni Isaac	Exodo ng mga Hudyo mula sa Ehipto	250
III	Exodo mula sa Ehipto	Unang 2 taon ng 40 taon sa ilang	2
IV	Ang natitirang 38 taon sa ilang	Kamatayan ni Moises sa padating sa Canaan	38
V	Pagpalit ni Josue kay Moises bilang pinuno	Kamatayan ng paring si Eli	476
VI	Pagkuha ng Kaban ng mga Filisteo	Kamatayan ni Haring Saul	32
VII	Pag-akyat ni David sa trono ng Kaharian ng Israel	Kamatayan ni David	40
VIII	Pag-akyat ni Solomon bilang Hari ng Israel	Kamatayan ni Haring Ahab sa pakikipaglaban sa hukbong Siria, at ang pagligtas ng hukbo ni Josapat	163
IX	Paghahari ni Haring Josapat	Pagbasak ng Samaria	157
X	Pagkabihag ng Babilonia ng mga Hudyo	Si Daniel at pagwasak ng Imperyong Neo-Asiryo	182
XI	Simula ng Imperyong Persa ni Dakilang Ciro	Kamatayan ni Alejandrong Dakila	253
XII	Kamatayan ni Alejandrong Dakila	Himagsikang Macabeo at ang kamatayan ni Judas Macabeo	170
XIII	Mga pinagmulan ng dinastiyang Asmoneo	Kamatayan ni Reyna Alejandra	82
XIV	Kamatayan ni Reyna Alejandra	Kamatayan ni Antigono Matatias	32
XV	Pagkuha ni Herodes ang Dakila ng Jerusalem	Pagkumpleto ng templo ni Haring Herodes sa Jerusalem	18
XVI	Pagkumpleto ng templo ni Haring Herodes	Kamatayan ng mga anak na lalaki ni Herodes	12
XVII	Kamatayan ng mga anak na lalaki ni Herodes	Pagpapatapon kay Haring Arkeleo	14
XVIII	Pagpapatapon kay Haring Arkeleo	Pagpapatapon ng mga Hudyo na nakatira sa Babilonia	32
XIX	Pagpapatapon ng mga Hudyo na nakatira sa Babilonia	Mga Fado, ang mga Romanong prokurador ng Judea	3
XX	Panahon ni Emperador Claudio	Prokurador ng Judea Floro, na inaaway ang mga Hudyo na nagdulot ng Digmaang Hudyo	22