Mineral

Para sa ibang mga gamit, tingnan ang Mineral.

Bahagi ng isang serye sa
Heolohiya
Mahahalagang bahagi Mineral Bato (Apuying bato, Tininging bato, Banyuhing bato) Latak Tektonika ng plaka Stratum Weathering Erosyon Heolohikal na Iskala ng Panahon
Mga batas, prinsipyo at teorya Mga prinsipyo ng estratigrapiya Prinsipyo ng orihinal na pagkakapahalang Batas ng superposisyon Prinsipyo ng lateral na pag-ilid Mga prinsipyo ng pagbiyak at pagsambad Prinsipyo ng pagkakasunud-sunod ng asembleyang faunal Batas ng pagkakatatal Batas ni Walther
Mga paksa Komposisyon Heokimika Mineralohiya Sedimentolohiya Petrolohiya Istruktura ng Daigdig Mga istruktura ng anyong lupa Heomorpolohiya Glasyolohiya Istruktural na Heolohiya Bulkanolohiya Kasaysayang pangheolohiya Kasaysayang pangheolohiya ng Daigdig
Pananaliksik Balangkas ng Dignayan Healogo (Listahan) Mga paraan Heolohikal na pagsisiyasat
Mga aplikasyon Heolohikal na Inhinyeriya Heolohiya at Pagmimina Heolohiya at Pakikidigma
Heolohiyang pamplaneta Mga heolohikal na istruktura sa sistemang solar Heolohiya ng mga panloob na planeta ng sistemang solar ayon sa planeta at anyo Merkuryo Benus Buwan Marte Vesta Ceres Io Titan Pluto Charon

Sari-saring mga mineral.

Ang mineral o batong mineral ay isang solido at inorganikong bagay na kusa o likas na nabubuo sa loob ng Mundo. Mayroon itong kayariang kristal at natural na nangyayari sa pamamagitan ng sarili lamang dahil sa prosesong heolohiya. Tinatawag na mineralohiya ang pag-aaral ng mga mineral. Mayroon din itong kumposisyon o kabuuang kimikal. Isa rin itong matigas na bagay na itinuturing na elementong kimikal at may buong kumpuwestong kimikal. May lagpas sa 4,000 mga tipo o uri ng nakikilalang mga mineral. Dalawa sa pangkaraniwang mga mineral ang kuwarts at ang peldespato habang matatagpuan lamang ang iba sa ilang lugar sa mundo

Ang mga mineral ay nag-iiba sa komposisyon, mula sa mga purong elemento at simpleng mga asin hanggang sa napakakomplikadong silikato na may libu-libong kilalang mga anyo. Sa kabaligtaran, ang isang sampol ng bato ay isang walang-piling na pinagsama-samang mga mineral at/o mineraloide, at walang tiyak na komposisyong kemikal. Karamihan sa mga bato ng sa ibabaw ng Daigdig ay may kuwarso (kristalinang skibidi), peldespato, mika, klorito, kaolin, kalsita, epidota, olibino, augita, hornblenda, magnetita, hematita, limonita at ilang iba pang mineral. Ang pinakamalaking pangkat ng mga mineral sa ngayon ay ang silikato (karamihan sa mga bato ay ≥95% silikato), na higit sa lahat ay gawa sa silisiyo at oksihino, kasama rin ng mga iono ng aluminyo, magnesiyo, bakal, kaltsiyo at iba pang mga metal.

Mga katangian ng mineral

Ang mineral ay isang sustansiya na karaniwan na:

• isang inorganikong solido (eksepsyon ang asogeng elemental)
• May tiyak na pang-kimikang pag-buo
• karaniwang may kristal na istraktura; ang ilan ay hindi
• natural na nabuo sa pamamagitan ng mga prosesong heolohiya

Mga mineral at bato

Ang mga mineral ay iba sa mga bato. Isang kompuwestong kemikal ang mineral na may ibinigay na komposisyon at isang tinukoy na istraktura ng kristal. Ang bato ay pinaghalong isa o ilang mineral, sa iba't ibang sukat.

Ang bato ay may dalawa lamang sa mga katangiang taglay ng mga mineral—ito ay isang solido at natural itong nabubuo. Karaniwang naglalaman ang isang bato ng dalawa o higit pang uri ng mineral. Ang dalawang sampol ng parehong uri ng bato ay maaaring may iba't ibang uri ng mineral sa kanila. Ang mga mineral ay palaging binubuo ng parehong mga materyales sa halos parehong sukat. Ang rubi ay isang mineral. Samakatuwid, ang isang rubi na matatagpuan sa Indya ay may katulad na komposisyon tulad ng isang rubi na matatagpuan sa Australya .