Gregoria de Jesus

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Gregoria de Jesus
Kapanganakan Mayo 9, 1875
Kalookan
Kamatayan Marso 15, 1943
Maynila
Iba pang pangalan Aling Oriang, Lakambini
Hanapbuhay Maybahay, Katipunera
Kilala dahil sa Ina ng Katipunan
Asawa Andres Bonifacio (1893 – 1897), Julio Nakpil (1898 – 1943)

Si Gregoria de Jesus ay ipinanganak sa Kalookan noong ika-9 ng Mayo, taong 1875. Siya ay anak ng ulirang mag-asawang sina Nicolas de Jesus at Baltazara Alvarez. Siya ay kabiyak ng dibdib (asawa) ng supremo ng Katipunan na si Andres Bonifacio. Siya ay kilala sa bansag na "Ina ng Katipunan" , "Ina ng Himagsikan" at Lakambini ng Katipunan.[1]

Si Gregoria de Jesus na karaniwang tinatawag ng mga manghihimagsik na "Inang Oriang"[2] ay nagkaroon ng mahalagang tungkulin sa Katipunan. Siya ang taga-ingat ng mga mahahalagang kasulatan dito. Pinamahalaan ni Oriang ang pagpapakain at pagpapagamot sa mga kasapi ng Katipunan na minalas na masugatan. Nang minsang may nagtraydor sa Katipunan ay itinuro siya na siyang naghahawak ng mahahalagang kasulatan ng Katipunan, subalit ang mga ito ay madali niyang naitago sa malayong lugar.[2][3]

Nang madakip si Andres Bonifacio at ang kanyang kapatid na si Procopio, ay hindi na ito hiniwalayan ni Inang Oriang. Nang patayin sina Bonifacio ay hindi ito ipinaalam sa kanya. At nang malaman niya ito ay hinanap niya ang bangkay ng kanyang asawa ngunit ito'y hindi niya rin nakita. Napangasawa niya si Ginoong Julio Nakpil at sila ay nagkaroon ng limang na anak.[4] Nagkaroon siya ng isang anak kay Andres Bonifacio ngunit ito ay namatay nang sanggol pa lamang.

Si Gregoria de Jesus ay namatay noong Marso 15, 1943 sa Maynila sa gitna ng Ikalawang Digmaang Pandaigdig.

Sanggunian[baguhin | baguhin ang batayan]

  1. "Mga Tala ng Aking Buhay". http://www.filipiniana.net/ArtifactView.do?artifactID=GVH000000019&query=null&page=11.  Jesús, Gregoria de (1932). Mga Tala ng Aking Buhay at Mga Ulat ng Katipunan. Limbagang Fajardo. 
  2. 2.0 2.1 "Excerpt". http://www.salidumay.org/corner/articles/c2000_0922_01.htm.  Santiago, Lilia Quindoza (1997). Tales of Courage & Compassion: Stories of Women in the Philippine Revolution. HASIK inc.. 
  3. Jesus, Gregoria de. "Filipino Women". Solidarity Philippines Australia Network. http://cpcabrisbane.org/Kasama/1996/V10n2/Herstory.htm. Hinango noong 2006-12-28. 
  4. "The Katipunera (autobiography)". MSC. http://www.msc.edu.ph/centennial/gdjesus.html. Hinango noong 2006-12-28.