DYAC-FM

Brigada News FM Cebu (DYAC)

Pamayanan ng lisensya	Lungsod ng Cebu
Lugar na pinagsisilbihan	Kalakhang Cebu at mga karatig na lugar
Frequency	90.7 MHz
Tatak	90.7 Brigada News FM
Palatuntunan
Wika	Cebuano, Filipino
Format	Contemporary MOR, News, Talk
Network	Brigada News FM
Pagmamay-ari
May-ari	Mareco Broadcasting Network
Operator	Brigada Mass Media Corporation
Kaysaysayn
Unang pag-ere	1989
Dating call sign	Brigada News FM: DYWF (2013–2023)
Dating pangalan	Magic 90.7 (1989–1995) DYAC (1995–1998) Energy FM (1998–2003) Crossover (2003–2020) Q Radio (2020–2023)
Dating frequency	Brigada News FM: 93.1 MHz (2013–2023)
Kahulagan ng call sign	Adult Contemporary (dating format)
Impormasyong teknikal
Awtoridad na naglisensiya	NTC
Power	20,000 watts
ERP	60,000 watts
Link
Webcast	Live Stream
Website	brigadanews.ph

Ang DYAC (90.7 FM), sumasahimpapawid bilang 90.7 Brigada News FM, ay isang himpilan ng radyo na pagmamay-ari ng Mareco Broadcasting Network at pinamamahalaan ng Brigada Mass Media Corporation. Ang estudyo at mga opisina nito ay matatagpuan sa Uptown Residences, V. Rama Ave. cor. B. Rodriguez St., Brgy. Guadalupe, Lungsod ng Cebu, habang ang transmitter nito ay matatagpuan sa Mt. Busay, Brgy. Babag 1, Lungsod ng Cebu.

Kasaysayan

1989-1995: Magic

Itinatag ang himpilang ito noong 1989 bilang Magic 90.7 sa ilalim ng pagmamay-ari ng Molave Broadcasting Network ni Arcadio Carandang. Meron itong smooth jazz na format. Nung panahong yan, nasa Doña Luisa Bldg. sa Fuente Osmeña ang tahanan nito.

1995-1998: DYAC

Noong 1995, binili ng Ermita Electronics Corporation ang himpilang ito na muling inilunsad bilang DYAC. Binansagan itong The Music Zone at meron itong Top 40 na format.

1998-2003: Energy FM

Talaksan:Energy907Cebu '01.jpg

Logo ng Energy FM mula 2001 hanggang 2003

Noong Hulyo 1998, binili ng Ultrasonic Broadcasting System ang operayon ng himpilang ito at muli itong inilunsad bilang 90.7 Energy FM. Binansagan itong "All hits superstation" at meron itong pang-masa na format. Sa halos labinlimang buwan, ito ang naging pinakapinakikinggang himpilan sa FM sa lungsod.

2003-2020: Crossover

Crossover (2003–2020)

Noong Oktubre 2003, pagkatapos nung lumipat ang Energy FM sa 89.1 FM na pinagmamay-ari ng Word Broadcasting Corporation, binili ng Mareco Broadcasting Network ang himpilang ito mula sa Ermita at inilipat ang Crossover sa talapihitang ito mula sa 93.1 FM na pinag-aarian ng Vimcontu Broadcasting Corporation. Sa panahong ito, nasa JSU-PSU Mariners' Court Cebu ang tahanan nito.

2020-2023: Q Radio

Talaksan:Q FM 90.7 Cebu logo.png

Q Radio (2020–2023)

Noong Disyembre 31, 2019, kinuha ng Horizon of the Sun Communications (produser ng Chinatown TV at Chinese News TV sa IBC 13) ang operasyon ng mga himpilan ng MBNI. Noong Nobyembre 15, 2020, namaalam ang Crossover sa ere.

Noong Nobyembre 16, 2020, opisyal na inilunsad ang mga himpilang panrehiyon ng MBNI bilang Q Radio at meron itong Top 40 na format. Bukod sa pagkakaroon ng sariling local programming, nag-simulcast din ito ng ilang programa mula sa punong himpilan nito sa Maynila.

2023-kasalukuyan: Brigada News FM

Noong Mayo 2023, binili ng Brigada Mass Media Corporation (BMMC) ang operayon ng himpilang ito at nagsagawa ito ng pagsusuri. Kabilang dito ang paglipat ng operasyon ng Brigada News FM Cebu sa talapihitang ito, dalawang buwan pagkatapos nang matapos ang kasunduan ng Brigada sa Vimcontu. Noong Mayo 15, bilang bahagi ng paglipat nito, sinimulan ng 90.7 FM ang pag-riley sa 93.1 FM sa mga bakanteng oras, kasabay ng paglipat ng tahanan nito sa Uptown Residences sa Brgy. Guadalupe.

Noong Hunyo 18, 2023, nagsimulang sumahimpapawid ang Brigada News FM sa talapihitang ito, kasabay ng paglunsad ng 20-kilowatt na transmiter sa ibabaw ng Mt. Busay. Isang araw bago nito, ginawa na lang riley ang dati nitong talapihitan, na tumagal hanggang Agosto 14.

Noong Hunyo 30, 2023, sa ganap na 9:31 ng gabi, ipinalabas ng Brigada News FM Cebu ang isang 2 oras na espesyal na countdown hanggang sa ganap itong lumipat sa talapihitang ito sa susunod na araw sa hatinggabi.

Noong Hulyo 1, 2023, bilang bahagi ng kumpanyang "Kalimti ang Ex, Mas Lami ang Bag-o!", opisyal nang inilunsad ang Brigada News FM Cebu sa Brgy. Guadalupe.