Miss World Philippines

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Miss World Philippines
Pagkakatatag Beauty in Giving
Pagkakabuo 2011
Uri Patimpalak pangkagandahan
Punong-tanggapan Maynila
Lokasyon  Pilipinas
Kasapi ng Miss World
Direktor Arnold Vegafria[1]
Mahahalagang tao Julia Morley
Website www.missworldphilippines.com

Ang Miss World Philippines ay ang pambansang prangkisa ng Miss World pageant sa Pilipinas na siyang pumipili ng kakatawan sa bansa sa naturang patimpalak. Ang CQ Global Quest, Inc. na pinamumunuan ni Cory Quirino ang nakukuha ng prangkisa nito noong Enero 25, 2011 na inilipat naman kay Arnold Vegafria noong Enero 15, 2017, nang bitawan na ito ni Quirino.[1][2] Bago pa ang Miss World Philippines, ang titulo ay iginagawad sa Miss Republic of the Philippines pageant mula 1969 hanggang 1976, tapos nito sa Mutya ng Pilipinas mula 1977 hanggang 1991, at sa Binibining Pilipinas mula 1992 hanggang 2010.[3]

Humugot ng inspirasyon ang naturang paligsahan sa sawikaing ginagamit ng Miss World Ltd. na "Beauty with a Purpose" (transliterasyon: "Kagandahang may Layunin"), kaya ang naging tema nito'y "Beauty in Giving" (transliterasyon: "Kagandahan sa Pagbibigay"). Tumutulong ang mga nananalo at kanilang kaniyang korte sa mga gawaing mapagkawang-gawang sumusuporta sa kapakanan at pangangailangan ng mga kabataan, at lumalahok din sila sa mga kilusang umaalalay sa karapatan ng mga kababaihan at kabataan at iba't iba pang adbokasiya.[4]

Ang kasalukuyang may hawak ng titulong Miss World Philippines ay si Catriona Gray mula Albay. Siya ang naging kinatawan ng Pilipinas sa Miss World 2016 na ginanap sa Washington, D.C., Estados Unidos noong Disyembre 18, 2016 kung saan siya'y napabilang sa Top 5.[5]

Kasaysayan[baguhin | baguhin ang batayan]

Si Megan Young ay nananatiling tanging Pilipinang nakapag-uwi ng korona ng Miss World noong 2013.

Bago inorganisa ang Miss World Philippines, nasa ilalim ng iba't ibang organisasyon ang pambansang prangkisa ng Miss World sa Pilipinas. Inabot ng labing-anim na taon bago lumahok ang Pilipinas sa Miss World na nagsimula noong 1951. At unang naging kandidata ng Pilipinas ay si Vivien Lee Austria na lumahok sa Miss World 1966. Si Austria na "1966 Intercollegiate Girl"[6] ay pinili ng College Editors Guild of the Philippines upang maging kinatawan ng Pilipinas.[7] Nang sumunod na taon, napili si Margarita Gomez mula sa Top 10 Fashion Models of the Philippines at siya'y tinanghal na Miss Philippines 1967.[8][9]

Miss Republic of the Philippines[baguhin | baguhin ang batayan]

Pangunahing lathalain: Miss Republic of the Philippines

Noong Oktubre 6, 1968 nakuha ng Beauty World Ltd. ang prangkisa para sa Miss World, at nang taon ding iyon, kinoronahan si Cecilia Amabuyok na Miss Philippines, at nagtapós na 4th runner-up sa ginanap na Miss World 1968. Nang sumunod na taon, nakuha ng Spotlight Promotions na pinamumunuan ni Ferdie Villar ang prangkisa at nagsimulang ganapin ang Miss Republic of the Philippines, kung saan ang nagwawagi'y ang nagiging kandidata ng Pilipinas sa Miss World hanggang 1976.[7][10] Sa panahong ito, nakamit ng Pilipinas ang pinakamataas na puwesto nito sa Miss World—na di-natumbasan sa loob ng halos apat na dekada—nang pumangalawa si Evangeline Pascual, bilang 1st runner-up noong Miss World 1973. Bukod pa rito, nakapasok din sa Top 15 sina Minerva Cagatao noong 1970 at Evangeline Reyes noong 1972.

Mutya ng Pilipinas[baguhin | baguhin ang batayan]

Pangunahing lathalain: Mutya ng Pilipinas

Inilipat sa Mutya ng Pilipinas ang prangkisa ng Miss World noong 1977, at ang huling nagwagi ng Miss Republic of the Philippines na si Josephine Conde ay kinilala na kauna-unang Mutya ng Pilipinas – World,[7][10] upang maitangi siya sa isa pang nagwawagi sa Mutya ng Pilipinas na lumalaban sa Miss Asia Quest, na siya namang tinawag na Mutya ng Pilipinas – Asia. Sa loob ng labinlimang taon, dalawang ulit lamang na nakapasok sa Top 15 ang Pilipinas sa Miss World, ito'y noong 1982 at 1986.[9]

Binibining Pilipinas[baguhin | baguhin ang batayan]

Pangunahing lathalain: Binibining Pilipinas

Noong 1992, nakuha ng Binibining Pilipinas Charities sa ilalim ni Stella Araneta ang prangkisa ng Miss World, at ang mga naging kandidata ng Pilipinas sa Miss World ay binigyan ng titulong Binibining Pilipinas – World. Ito'y naging isa sa apat na titulong iginawad ng Binibining Pilipinas noong 1992. Nanatili ito sa isa tatlong pangunahing titulo ng Binibining Pilipinas kasabay ng Binibining Pilipinas – Universe at Binibining Pilipinas – International. Labinsiyam na ulit na nagpadala ng mga kandidata ang Binibining Pilipinas sa Miss World mula 1992 hanggang 2010, hanggang magpasiya si Julia Morley na magkaroon ng eksklusibong lisensiya ang Miss World.[11][12] Sa panahong ito, nagwaging 2nd runner-up noong 1993 si Ruffa Gutierrez at nagtapós naman sa Top 5 sina Rafaela Yunon at Karla Bautista noong 2003 at 2004, ayon sa pagkakasunod. Bukod pa rito nakapasok din sa semi-finals ng Miss World sina Caroline Subijano noong 1994, Katherine Manalo noong 2002 at Carlene Aguilar noong 2005.[9]

Mga edisyon[baguhin | baguhin ang batayan]

Taon Petsa Blg. ng Kandidata Lugar
2011 Setyembre 18 25 Philippine International Convention Center, Pasay
2012 Hunyo 24 25 Manila Hotel Tent City, Maynila
2013 Agosto 18 25 Solaire Resort & Casino, Parañaque
2014 Oktubre 12 26 Mall of Asia Arena, Pasay
2015 Oktubre 18 26 Solaire Resort & Casino, Parañaque
2016 Oktubre 9 30 Resorts World Manila, Pasay

Mga nagwagi[baguhin | baguhin ang batayan]

Mula nang unang sumali ang Pilipinas sa Miss World, wala pang Pilipinang nakoronahang Miss World hanggang si magwagi si Megan Young sa Bali, Indonesia noong 2013 na unang nang nagwagi bilang Miss World Philippines 2013.

Taon Miss World Philippines Kinalabasan ng paglahok
2011 Gwendoline Ruais[13][14]
1st Runner-up[15]
2012 Queneerich Rehman[16]
Top 15[17]
2013 Megan Young
Miss World 2013[18]
2014 Valerie Weigmann[19]
Top 25
2015 Hillarie Parungao[20]
Top 11
2016 Catriona Gray
Top 5[5]
2017 Laura Lehmann malalaman pa

Tingnan din[baguhin | baguhin ang batayan]

Talasanggunian[baguhin | baguhin ang batayan]

  1. 1.0 1.1 Bondoc, Marlly Rome C. (Enero 16, 2016). "Arnold Vegafria gets Miss World PHL franchise after Cory Quirino lets go" (sa Ingles). GMA News Online. http://www.gmanetwork.com/news/story/595927/lifestyle/arnold-vegafria-gets-miss-world-phl-franchise-after-cory-quirino-lets-go. Hinango noong Enero 16, 2016. 
  2. "Arnold Vegafria is new Miss World PH franchise owner" (sa Ingles). ABS-CBN News. Enero 16, 2016. http://news.abs-cbn.com/life/01/15/17/arnold-vegafria-is-new-miss-world-ph-franchise-owner. Hinango noong Enero 16, 2016. 
  3. Adina, Armin (Agosto 18, 2011). "25 vie to represent Philippines in Miss World contest" (sa Ingles). Philippine Daily Inquirer. http://lifestyle.inquirer.net/10097/25-vie-to-represent-philippines-in-miss-world-contest. Hinango noong Oktubre 6, 2013. 
  4. Esteves, Patricia (Enero 26, 2011). "A separate Miss World-Philippines search" (sa Ingles). The Philippine Star. http://www.philstar.com/entertainment/651164/separate-miss-world-philippines-search. Hinango noong Oktubre 6, 2013. 
  5. 5.0 5.1 "Adina" (sa Ingles). Philippine Daily Inquirer. Disyembre 19, 2016. http://lifestyle.inquirer.net/248164/philippines-catriona-gray-finishes-miss-world-top-5/. Hinango noong Disyembre 19, 2016. 
  6. "Vivien Lee Austria". Veestarz.com. http://www.veestarz.com/mementos/paat/1960s/66austria/index.html. Hinango noong Setyembre 5, 2015. 
  7. 7.0 7.1 7.2 Villar, Ferdie (Oktubre 3, 2013). "Philippines’ Megan Young finally brings home the elusive Miss World crown" (sa Ingles). Asian Journal. http://asianjournal.com/lifestyle/philippines-megan-young-finally-brings-home-the-elusive-miss-world-crown/. Hinango noong Setyembre 5, 2015. 
  8. "Maita Gomez". Veestarz.com. http://www.veestarz.com/mementos/paat/1960s/67gomez/index.html. Hinango noong Setyembre 5, 2015. 
  9. 9.0 9.1 9.2 Burton-Titular, Joyce (Oktubre 1, 2013). "From Vivien to Megan: The PH in Miss World history" (sa Ingles). Rappler. http://www.rappler.com/life-and-style/specials/miss-world/40304-philippines-miss-world-history. Hinango noong Setyembre 5, 2015. 
  10. 10.0 10.1 "Philippine Delegates to Miss World in the 70's (Miss Republic of the Philippines)". Veestarz.com. http://www.veestarz.com/mementos/paat/1970s/rp70s/index.html. Hinango noong Setyembre 5, 2015. 
  11. Sibonga, Glen P. (Hunyo 8, 2012). "Cory Quirino explains decision to transfer Miss World Philippines from GMA-7 to TV5". Philippine Entertainment Portal. http://www.pep.ph/news/34414/cory-quirino-explains-decision-to-transfer-miss-world-philippines-from-gma-7-to-tv5. Hinango noong Setyembre 5, 2015. 
  12. Esteves, Patricia (Enero 26, 2011). "A separate Miss World-Philippines search" (sa Ingles). The Philippine Star. http://www.philstar.com/entertainment/651164/separate-miss-world-philippines-search. Hinango noong Setyembre 5, 2015. 
  13. "Gwendolyn Ruais named Miss World-Philippines" (sa Ingles). Philippine Daily Inquirer. Setyembre 19, 2011. http://entertainment.inquirer.net/14221/gwendolyn-ruais-named-miss-world-philippines. Hinango noong Oktubre 6, 2013. 
  14. Santiago, Erwin (Setyembre 19, 2011). "Gwendolyn Ruais wins Miss World Philippines" (sa Ingles). Philippine Entertainment Portal. http://www.pep.ph/news/31136/Gwendolyn-Ruais-wins-Miss-World-Philippines. Hinango noong Oktubre 6, 2013. 
  15. Eclarinal, Rose (Nobyembre 7, 2011). "Gwendoline Ruais is Miss World first runner-up" (sa Ingles). ABS-CBN Interactive. http://www.abs-cbnnews.com/entertainment/11/07/11/gwendoline-ruais-miss-world-first-runner. Hinango noong Setyembre 5, 2015. 
  16. Santos, Reynaldo Jr. (Hunyo 25, 2012). "Beatboxing singer wins 2012 Miss World Philippines crown" (sa Ingles). Rappler. http://www.rappler.com/entertainment/7527-former-best-in-swimsuit-awardee-wins-2012-miss-world-philippines. Hinango noong Oktubre 8, 2013. 
  17. Cayabyab, Nes (Agosto 2, 2013). "Megan Young, ayaw sa kanyang celebrity status sa Miss World-Phl". Bombo Radyo Philippines. http://www.bomboradyo.com/news/entertainment/item/15324-megan-young-ayaw-pakampante-sa-celebrity-status-kahit-pasok-na-official-candidate-sa-miss-world-phl. Hinango noong Setyembre 5, 2015. 
  18. "Megan Young, nanalong Miss World Philippines 2013". GMA News. Agosoto 19, 2013. http://www.gmanetwork.com/news/story/322657/showbiz/megan-young-nanalong-miss-world-philippines-2013. Hinango noong Oktubre 8, 2013. 
  19. "Miss World Philippines 2014 Contestant" (sa Ingles). Adventures of a Beauty Queen. Oktubre 11, 2014. http://adventuresofabeautyqueen.com/2014/09/10/21-girls-who-made-it-as-official-miss-world-philippines-2014-candidates/. Hinango noong Oktubre 11, 2014. 
  20. "Hillarie Danielle Parungao crowned Miss World Philippines 2015" (sa Ingles). Rappler.com. Oktubre 19, 2015. http://www.rappler.com/life-and-style/specials/miss-world/philippines/109757-hillarie-danielle-parungao-winner-miss-world-philippines-2015. Hinango noong Oktubre 19, 2015.