Rommel N. Angara

Mula sa Wikipediang Tagalog, ang malayang ensiklopedya
Jump to navigation Jump to search
Rommel N. Angara
Kapanganakan (1980-08-20) Agosto 20, 1980 (edad 39)
Baler, Aurora, Pilipinas
Trabaho
Wika
NasyonalidadPilipino
Alma materKolehiyong Monte Carmelo ng Baler
Henero

Si Rommel N. Angara (ipinanganak noong 20 Agosto 1980) ay isang Pilipinong makata[1] at mananaysay. Ang kanyang mga tula ay nalathala sa Pambata, isang magasin para sa mga batang Pilipino; Sipag Pinoy, isang pahayagan ng Kagawaran ng Paggawa at Empleyo; at Liwayway, ang pinakamatandang magasing Tagalog sa Pilipinas. Ang kaniyang mga sanaysay ay nalathala sa The Modern Teacher, isang magasin para sa mga gurong Pilipino.

Personal na buhay[baguhin | baguhin ang batayan]

Ipinanganak siya sa bayan ng Baler sa lalawigan ng Aurora sa Pilipinas. Pinakabata siya sa mga anak na lalaki nina Rodolfo R. Angara, Sr. ng Baler, Aurora at Milagros D. Nazareno ng Goa, Camarines Sur.

Sa kaniyang pagkabata hanggang maagang adolesensiya, nasaksihan niya ang paminsan-minsang karahasan ng kanyang ama sa kanyang ina, na sa bandang huli ay tumakas palayo sa kanilang bahay. Sa kaniyang pagkabata hanggang maagang pagkaadulto, nasaksihan din niya ang paminsan-minsang kalasingan at palagiang paninigarilyo ng nauna.

Bilang batang adulto, nagtrabaho siya bilang eskribyente, tiyutor, at kasambahay.

Sa huling bahagi ng Disyembre 2015, siya ay nasuring may sakit na Ménière.

Edukasyon[baguhin | baguhin ang batayan]

Nagtapos siya bilang balediktoryan sa mataas na paaralan noong 1997 at bilang mag-aaral sa kolehiyo na may karangalan noong 2013 taglay ang digring Batsilyer sa Edukasyong Sekundarya mula sa Kolehiyong Monte Carmelo ng Baler, ang pinakamatandang pangmisyong paaralang Katoliko sa lalawigan ng Aurora.[2]

Karera sa pagsusulat[baguhin | baguhin ang batayan]

Nang mapabilang sa isang wasak na pamilya sa kanyang maagang adolesensiya, bumaling siya sa pagsusulat ng mga tula upang makasumpong ng kaaliwan. Ang kaniyang unang tulang nalathala ay ang tulang pambata na “Why Do They Cut Me, Lord?” ("Bakit Nila Ako Pinuputol, Panginoon?") na lumitaw sa Pambata noong 1998. Sumulat siya ng ilang tula sa Sipag Pinoy mula 2000 hanggang 2002[3] at sa Liwayway mula 2011 hanggang 2012. Kabilang sa mga tulang isinulat niya sa Liwayway ang sonetong "En Su Incansable Labor" ("Sa Kaniyang Walang-pagod na Paggawa")[4] na inilakip sa katalogo ng Pambansang Aklatan ng Pilipinas noong 2012.[5] Sumulat siya ng ilang sanaysay sa The Modern Teacher mula 2016 hanggang 2019. Kabilang sa mga sanaysay na isinulat niya sa The Modern Teacher ang "Is It Time for You to Say 'I Do'?—An Open Letter to a Young Student in Love" ("Panahon Na ba para Sabihin Mong 'Oo'?—Isang Bukás na Liham sa Batang Mag-aaral na Umiibig").[6]

Paglalarawan sa midya[baguhin | baguhin ang batayan]

Ang kuwento ng kaniyang buhay ay itinampok sa episodyong “Pasa” ng Maalaala Mo Kaya? (MMK) na isinahimpapawid sa ABS-CBN noong Mayo 21, 2016,[7][8][9][10][11] kung saan gumanap na bida ang batang aktor na si Raikko Mateo at ang aktor, modelo, at video jockey na si Diego Loyzaga.[12][13][14][15] Inihayag ng Kantar Media na naabot ng episodyo ng MMK ang pambansang markang 30.2% kumpara sa mga markang 15.0% at 1.5% na nakuha ng episodyo ng Magpakailanman (MPK) (GMA 7) at episodyo ng Wattpad Presents (TV5).[16]

Sanggunian[baguhin | baguhin ang batayan]

  1. Liwayway. Muralla cor. Recolletos St., Intramuros, Manila: Manila Bulletin Publishing Corporation. 16 Mayo 2016.
  2. Gonzales, Galo S. (2009). “Reminiscence”. www.oocities.org. Hinango noong 12 Hulyo 2013.
  3. Morre, Eiryl (18 Enero 2013). “Writers of Central Luzon and their literary works”. prezi.com. Hinango noong 12 Hulyo 2013.
  4. En su incansable labor. wordpress.com. 27 Disyembre 2014. Hinango noong 1 Enero 2015.
  5. National Library of the Philippines online public access catalog. koha.nlp.gov.ph. National Library of the Philippines. 17 Mayo 2012. Hinango noong 12 Hulyo 2013.
  6. Is It Time for You to Say 'I Do'? (An Open Letter to a Young Student in Love). wordpress.com. 10 Marso 2017. Hinango noong 17 Mayo 2019.
  7. Pasa (broken child)”. mmk.abs-cbn.com. 21 Mayo 2016. Hinango noong 7 Agosto 2016.
  8. “Heartbreaking story of child caught between two mothers on MMK. abscbnpr.com. 19 Mayo 2016. Hinango noong 7 Agosto 2016.
  9. “Batang lumaki sa isang ama at dalawang ina, tampok sa MMK. Balita News Tabloid. Muralla cor. Recolletos St., Intramuros, Manila. 21 Mayo 2016. Hinango noong 7 Agosto 2016.
  10. Sermino, Dondon (21 Mayo 2016). “Isang bubong, dalawang ina sa MMK!”. Abante. 8272 Dr. A. Santos Ave. cor. Vitalez Cpd., Brgy. San Isidro, Parañaque City. Hinango noong 21 Disyembre 2016.
  11. Maalaala Mo Kaya? May 21, 2016 episode 'Pasa'”. www.imdb.com. 21 Mayo 2016. Hinango noong 15 Setyembre 2017.
  12. Loyzaga, Diego (2018). “Diego Loyzaga: Television”. www.diegoloyzaga.com. Hinango noong 19 Marso 2018.
  13. Santiago, Ervin (21 Mayo 2016). “'1 ama, 2 ina' sa MMK episode ni Diego Loyzaga”. Bandera. MRP Bldg., Mola St. cor. Pasong Tirad St., Makati City. Hinango noong 21 Disyembre 2016.
  14. MMK episode on May 21, 2016 features Raikko Mateo & Diego Loyzaga as child caught between two mothers”. attracttour.com. 19 Mayo 2016. Hinango noong 21 Disyembre 2016.
  15. Mateo, Pilar (20 Mayo 2016). “Diego at Raikko, may dalawang ina”. Hataw! D’yaryo ng Bayan. Rm. 103, National Press Club Bldg., Magallanes Drive, Intramuros, Manila. Hinango noong 21 Disyembre 2016.
  16. MMK scores more than double of Magpakailanman ratings”. www.lionheartv.net. 24 Mayo 2016. Hinango noong 21 Disyembre 2016.