DWYS

Yes FM Maynila (DWYS)

Pamayanan ng lisensya	Pasay
Lugar na pinagsisilbihan	Malawakang Maynila at mga karatig na lugar
Frequency	101.1 MHz
Tatak	101.1 Yes FM
Palatuntunan
Wika	Filipino
Format	Contemporary MOR, OPM
Network	Yes FM
Pagmamay-ari
May-ari	MBC Media Group (Pacific Broadcasting System)
Sister station	DZRH-TV, DZRH, 90.7 Love Radio, 96.3 Easy Rock
Kaysaysayn
Unang pag-ere	Mayo 31, 1968
Dating call sign	DZFX (1968–1985) DWKS (1985–1995) DWST (1995–1998)
Dating pangalan	DZFX (May 31, 1968 – October 11, 1985) Kiss FM (October 11, 1985 – June 1989) Kiss Jazz (June 1989 – December 1995) Showbiz Tsismis (December 18, 1995 – December 5, 1998) Yes The Best (July 18, 2016 – February 4, 2024)
Kahulagan ng call sign	YeS
Impormasyong teknikal
Awtoridad na naglisensiya	NTC
Class	C, D, E
Power	25,000 watts
ERP	75,000 watts
Link
Webcast	Listen Live
Website	Yes FM

Ang DWYS (101.1 FM), sumasahimpapawid bilang 101.1 Yes FM, ay isang himpilan ng radyo na pagmamay-ari at pinamamahala ng MBC Media Group sa pamamagitan ng Pacific Broadcasting System bilang tagahawak ng lisensya. Ito ay nagsisilbing punong himpilan ng Yes FM. Ang estudyo nito ay matatagpuan sa Ikalawang palapag, MBC Building, Star City, Vicente Sotto St., CCP Complex, Pasay, at ang transmiter nito ay matatagpuan sa BSA Twin Towers, Bank Drive, Ortigas Center, Mandaluyong.

Kasaysayan

1968–1985: DZFX

Itinatag ang himpilang ito noong Mayo 31, 1968 sa ilalim ng pag-aari ng Makati Broadcasting Network, na pagmamay-ari nina Tony, Bob Garcia at Adolfo Duarte. Sa ilalim ng call letters na DZFX, nagpatugtog ito ng musikang klasiko at muzak. Noong Oktubre 11, 1985, bago mag-tanghali, namaalam ito sa ere.

1985–1989: Kiss FM

Noong Oktubre 11, 1985 ng tanghali, muling inilunsad ang himpilang ito bilang Kiss FM 101.1 na may Top 40 na format. Nagpalit din ito ng call letters sa DWKS. Nung panahong yan, sumahimpapawid ito sa ika-14 na palapag ng Insular Life Building sa Makati. Kabilang sa mga personalidad ng himpilang ito ay si Martin Nievera bilang "Mad Man", na may sariling programa tuwing Sabado ng hapon. Dito nagsimula ang programang countdown na Top 20 at 12.

1989–1995: Kiss Jazz

Noong Hunyo 1989, naging Kiss Jazz 101.1 na may smooth jazz na format. Noong Disyembre 1995, namaalam ito sa ere.

1995–1998: Showbiz Tsismis

Noong Disyembre 18, 1995, binili ng Manila Broadcasting Company ang himpilang ito mula sa Makati Broadcasting Network at muling inilunsad ang himpilang ito bilang 101.1 Showbiz Tsismis, ang kauna-unahang himpilan sa bansang ito na may showbiz na format. Nagpalit din ito ng call letters sa DWST. Lumipat ito ng tahanan sa FJE Building sa Legazpi Village, Makati. Naka-riley din ito sa mga pangunahing lungsod sa bansa.

1998–kasalukuyan: Yes FM/Yes The Best

Noong Disyembre 6, 1998, muling inilunsad ang himpilang ito bilang Yes FM 101.1 na may pang-masa na format. Nagpalit din ito ng call letters sa DWYS.

Noong Hulyo 2002, lumipat ito sa Star City Complex sa Pasay.

In 2014, pinaragan ang Yes FM ng Gawad Tanglaw Hall of Fame bilang Best FM Station sa loob ng limang taon.

On July 18, 2016, naging Yes The Best ito na binansagang "The Millennials' Choice".

On May 1, 2017, naglunsag ng Yes The Best ang sarili nitong mobile application na Yes! The Best App.

Noong Oktubre 2, 2019, apektado ng sunog na galing sa Star City ang estudyo nito sa MBC Building. Dahil dito, pansamantala itong sumahimpapawid sa BSA Twin Towers sa Mandaluyong, kung saan nandoon ang transmiter nito.

Noong Nobyembre 15, 2021, bumalik ito sa bagong ayos na MBC Building. Sa parehong araw, iniluunsad ng MBC ang bansag Sama-Sama Tayo, Pilipino!.

Nong Pebrero 5, 2024, ibinalik ang pangalan nito sa Yes FM.