DZBB-AM

Super Radyo Manila (DZBB)

Pamayanan ng lisensya	Lungsod Quezon
Lugar na pinagsisilbihan	Malawakang Maynila at mga karatig na lugar
Frequency	594 kHz
Tatak	GMA Super Radyo DZBB 594
Palatuntunan
Wika	Filipino
Format	News, Public Affairs, Talk
Network	Super Radyo
Pagmamay-ari
May-ari	GMA Network Inc.
Sister station	DWLS (Barangay LS 97.1) DZBB-TV (GMA) DWDB-TV (GTV)
Kaysaysayn
Unang pag-ere	1 Marso 1950 (1950-03-01)
Dating frequency	580 kHz (1950–1978)
Kahulagan ng call sign	Bisig Bayan (dating pangalan) BoB Stewart (tagapagtatag)
Impormasyong teknikal
Awtoridad na naglisensiya	NTC
Class	A (clear frequency)
Power	50,000 watts
Link
Webcast	Listen Live
Website	gmanetwork.com/radio/dzbb

Ang DZBB (pronounced DZ-double-B; 594 AM) Super Radyo ay isang himpilan ng radyo na pagmamay-ari at pinamamahalaan ng GMA Network Inc. Ito ang nagsisilbing punong himpilan ng Super Radyo ng GMA Integrated News. Ang estudyo nito ay matatagpuan sa GMA Network Studio Annex, EDSA cor. GMA Network Drive, Diliman, Lungsod Quezon, at ang transmiter nitor ay matatagpuan sa Camia St., Brgy. Panghulo, Obando, Bulacan.

Kasaysayan

1950–1989: Dobol B

Super Radyo DZBB main logo ginamit mula 2002 hanggang 2017.

Itinatag ang DZBB noong 14 Hunyo 1950 ni Robert "Uncle Bob" Stewart, sa isang maliit na silid tanggapan sa Gusaling Calvo, Escolta, Maynila, gamit ang mga lumang kagamitan at isang lumang transmitter. Kahit na kulang sila sa bagong kagamitan, ang himpilan ay nakapuntos ng mga karangalan dahil sa kanilang pagsasahimpapawid sa mga balita, mga huling kaganapan, mga nangyayari sa Senado at sa Kapulungan ng mga Kinatawan, mga eksklusibo at blow-by-blow na pagtutok sa mga mahahalagang pangyayari sa bansa. Sila rin ang gumawa ng mga programang tumatak sa industriya tulad ng Camay Theater of the Air, Tawag ng Tanghalan, Newscoop, Kuwentong Kutsero at iba pa. Ang iba rito ay nasahimpapawid sa telebisyon.

Dahil sa pagiging matagumpay ng DZBB, napagpasyahan ni Bob Stewart na subukan ang telebisyon noong 23 Oktubre 1961 bilang RBS DZBB-TV Kanal 7 (na ngayo'y kilala na sa pangalang GMA-7 Maynila). Ang kanal 7 at ang DZBB ay naipagbili sa grupo nina Gilberto Duavit, Sr., Menandro Jimenez and Felipe Gozon noong 1974.

1989–1999 Bisig Bayan

Si Arman Roque sa loob ng studio ng DZBB.

Noong Hulyo 17, 1989, muling inilunsad ang himpilang ito bilang Bisig Bayan na may balita at talakayan sa format nito. Naging isa ito sa mga pinakapinakikinggan na himpilan sa Malawakang Maynila. Kabilang sa mga personalidad ng Bisig Bayan ay sina Rafael "Paeng" Yabut, Bobby Guanzon, Lito Villarosa, Rene Jose, Rey Pacheco, Raul Virtudazo, Jimmy Gil, Arman Roque, Rose "Manang Rose" Clores, German Moreno, Inday Badiday, Helen Vela, Augusto Victa, Manolo Favis, Henry Jones Ragas at Pol Caguiat.

Kilala ito sa pang-umagang programa na Kape at Balita, na inilunsad at nagpalawig sa telebisyon noong 1990.

Noong Enero 1995, naging bahagi si Mike Enriquez ng himpilang ito bilang personalidad at katiwala.

1999–kasalukuyan: Super Radyo

Sina Arnold Clavio (kanan) at Ali Sotto (malayong kaliwa) sa loob ng studio ng DZBB.

Noong Enero 4, 1999, naging Super Radyo DZBB 594 ito.

Noong 2010, nagsanib puwersa ang DZBB at DZMM sa pagtulong kina James at Jesus sa paghanap sa kanilang mga magulang na sina Pascual at Norma Bantillan na taga-Bohol sa Aksyon Ngayon Global Patrol ng DZMM. Muli silang magkasama sa Aksyon Oro Mismo ng DZBB.

Noong Pebrero 28, 2011, kasabay ng paglunsad ng GMA News TV, inilunsad ang TeleRadyo block ng DZBB bilang Dobol B sa News TV. Kabilang sa mga programang bahagi nito ay ang Saksi sa Dobol B at Super Balita sa Umaga Nationwide. Noong Setyembre 7, 2012, tinapos ang block na ito.

Noong Abril 24, 2017, bumalik ang Dobol B sa News TV.

Noong Pebrero 8, 2021, lumipat ang mga estudyo ng DZBB at Barangay LS sa GMA Network Annex Building. Sa susunod na araw, kasabay ng muling paglunsad ng GMA News TV bilang GTV, naging Dobol B TV ang TeleRadyo block nito.