Abenida ADB

Mula sa Wikipediang Tagalog, ang malayang ensiklopedya
Jump to navigation Jump to search
Abenida ADB mula sa sangandaan nito sa Abenida Ortigas.
Punong-himpilan ng Bangko sa Pagpapaunlad ng Asya (ADB).

Ang Asian Development Bank Avenue (o mas-kilala sa tawag na ADB Avenue o Abenida ADB, at maaaring isalin nang literal bilang Abenida ng Bangko sa Pagpapaunlad ng Asya) ay isang maiksing lansangang mula hilaga-patimog sa Lundayang Ortigas, silangang Kalakhang Maynila, Pilipinas. Isa itong abenidang hinahatian sa gitna at nahahati sa walong linya (apat sa bawat direksyon) na nag-uugnay ng Abenida Ortigas sa hilaga sa Abenida Julia Vargas sa timog. Ang daang ito ay dating bahagi ng Abenida San Miguel (na pinangalanan sa pinakamalaking kompanya ng mga pagkain at inumin na nakahimpil sa sangandaan nito sa Julia Vargas). Ang bahagi ng abenida mula Julia Vargas hanggang Abenida Ortigas ay binigyan ng bagong pangalan noong 1991, pagkaraang lumipat ang Bangko sa Pagpapaunlad ng Asya mula sa lumang gusali nito sa Bulebar Roxas (okupado ngayon ng Departamento ng Ugnayang Panlabas (o DFA) papunta sa kasalukuyan nitong 6.5 na hektaryang himpilan sa sangandaan nito sa Guadix Drive.[1] [2]

Kapwa bumubuo ang Abenida ADB at Abenida San Miguel sa silangang hangganan ng Mandaluyong at kanlurang hangganan ng Pasig. Sa hilaga ng Guadix Drive, papasok ang abenida sa Ugong Norte, Lungsod Quezon, kung saan matatagpuan ang gusaling pampamilihan ng Robinsons Galleria.

Tignan din[baguhin | baguhin ang batayan]

Mga sanggunian[baguhin | baguhin ang batayan]

  1. "Greenbacks & green buildings". BusinessWorld. Hinango noong 01 Nobyembre 2013. Check date values in: |accessdate= (tulong)
  2. "Executive Order No. 466, s. 1991". Official Gazette of the Republic of the Philippines. Hinango noong 01 Nobyembre 2013. Check date values in: |accessdate= (tulong)

Mga koordinato: 14°35′16″N 121°03′35″E / 14.58790°N 121.05965°E / 14.58790; 121.05965