Eat Bulaga!

Mula sa Wikipediang Tagalog, ang malayang ensiklopedya
(Idinirekta mula sa Eat Bulaga)
Jump to navigation Jump to search
Eat Bulaga!
Eat Bulaga! title card.jpg
UriVariety, Game Show, Comedy
GumawaTelevision and Production Exponents (TAPE) Inc.
NagsaayosTAPE Inc.
Direktor
  • Bert de Leon
  • Poochie Rivera
  • Norman Ilacad
  • Pat Plaza
  • Moty Apostol
Pinangungunahan ni/ninaTito Sotto
Vic Sotto
Joey de Leon
at iba pa
Pambungad na tema"Eat Bulaga!"
Bansang pinagmulanPilipinas
WikaTagalog at Ingles
Bilang ng mga kabanata11,990
Paggawa
Gumawang tagapagpaganap
  • Antonio P. Tuviera (CEO)
  • Malou Choa-Fagar (COO)
  • Jeny P. Ferre (Creative Director)
  • Helen Atienza-Dela Cruz
  • Sheila Macariola-Ilacad
  • Liza Marcelo-Lazatin
  • Maricel Carampatana-Vinarao
GumawaAntonio P. Tuviera
LokasyonAPT Studios, Cainta, Rizal
iba't ibang baranggay
Oras ng pagpapalabas2.5 na oras (Lunes - Biyernes)
3 oras (Sabado)
Pagsasahimpapawid
Orihinal na himpilanRPN (1979-1989)
ABS-CBN (1989-1995)
GMA Network (1995-present)
Banghay ng larawan480i SDTV
Orihinal na pagtakbo30 Hulyo 1979 – kasalukuyan
Mga ugnay
Opisyal na websayt

Ang Eat Bulaga! ay isang variety show mula sa Pilipinas na ipinalalabas ng GMA Network at pinoprodyus ng Television And Production Exponents Inc. (TAPE). Ang palabas ay pinangungunahan nila Tito Sotto, Vic Sotto at Joey de Leon, kabilang ang iba pang mga co-host. Isinasagawa ang palabas mula sa APT Studios, na matatagpuan sa kahabaan ng Lansangang-Bayan Marcos sa Cainta, Rizal. Sumasahimpapawid ang palabas sa buong Pilipinas, pati na sa buong mundo sa pamamagitan ng GMA Pinoy TV at sa live streaming nito sa YouTube (maliban sa BOOM! na segment dahil sa mga isyu ng copyright mula sa tagapamahagi ng franchise na Keshet International)[1].

Hawak ng palabas ang rekord ng pagiging pinakamatagal na pantanghaling variety show sa kasaysayan ng telebisyon sa Pilpinas.[2] Unang ipinalabas ito noong 30 Hulyo 1979. Ngayong taon ay ipagdiriwang nito ang ika-40 guning-taon nito sa 30 Hulyo 2019.

Ang unang pang-ibayong dagat na franchise nito ay ang Eat Bulaga! Indonesia (na kalaunan ay naging The New Eat Bulaga! Indonesia mula 2014 hanggang 2016), na huling ipinalabas sa antv ng Indonesia at unang umere sa SCTV ng nasabing bansa noong 16 Hulyo 2012. Buhat nito, ang Eat Bulaga! ang naging kauna-unahang Pilipinong palabas na nagkaroon ng iba pang franchise sa ibang bansa.

Kasaysayan ng Eat Bulaga![baguhin | baguhin ang batayan]

Panahon sa RPN (1979–1989)[baguhin | baguhin ang batayan]

Ideya na noon ng Production Specialists, Inc., isang kompanyang pagmamay-ari ni Romy Jalosjos, na lumikha ng isang pantanghaling palabas para sa Radio Philippines Network o RPN. Naisip ni Antonio Tuviera, na nagtatrabaho para sa kompanya, na ang tanyag na troika nila Tito Sotto, Vic Sotto and Joey de Leon, mas kilala bilang TVJ (na sumikat sa noo'y palabas ng GMA na Discorama pati na bilang minsanang substitutes sa Student Canteen, na kalauna'y nilisan nila), ang magiging pinaka-akmang mga host para sa bagong palabas.[3] Sa isang pagpupulong sa paradahan ng InterContinental_Manila (na ngayo'y sarado na), inialok ni Tuviera ang ideya na kanila namang tinanggap.[3][4]

Si De Leon ang lumikha sa pamagat ng palabas: Eat , na nangangahulugang "kumain" ay kumakatawan sa tanghalian; samantalang ang Bulaga naman ay kumakatawan sa balak nilang punuin ang palabas ng mararami at malalaking sorpresa.[4] Hinango din daw ang pamagat sa dalawang larong pambata: Eat na katunog ng It mula sa larong taya-tayaan; habang ang Bulaga! naman ay tumutukoy sa Peek-a-boo!. Dahilan nito, ang islogan na "Hangga't may bata, may Eat Bulaga!" ay nilikha rin ni De Leon.[4]

Nagsimulang umere ang Eat Bulaga! noong 30 Hulyo 1979 sa isang live episode mula sa RPN Live Studio 1 sa Broadcast City.[5][6] Ang TVJ, na sinamahan nina Chiqui Hollmann[3] at Richie Reyes (mas kilala bilang si Richie d' Horsie) ang nagsilbing mga orihinal na hosts[6]. Naging mahina ang naging simula ng palabas, at napapanganiban ding makansela. Hindi lamang dahil sa kompetisyon laban sa pinakamatagal na umeereng pantanghaling palabas noon na Student Canteen, kundi pati na rin sa kakulangan nito sa mga tagapag-anunsyo, kahit na ibinaba na nila sa halagang 750 piso ang kanilang singil sa pagpapaadvertise. At saka hindi rin nakatanggap ng sweldo ang TVJ sa unang anim na buwan ng palabas[3]. Upang mapanatili ang pag-ere ng palabas, napagkasunduang magpalabas ito ng mga trailer ng mga pelikula, na mas mababa ang singilan kaysa mga karaniwang komersyal.

Unti-unting umakyat ang estado ng Eat Bulaga! sa ere noong 1980 nang ipakilala ang segment na "Mr. Macho"[3][5]. Sa panahon ding iyon inilipat ng Production Specialists ang pagpoprodyus ng palabas sa ngayo'y TAPE, Inc. ni Tuviera[7]. Ika-18 ng Mayo 1982 nang ilunsad ng RPN-9 ang kanilang domestic satellite (Domsat) sa isang espesyal na palabas ng Eat Bulaga! mula sa Folk Arts Theatre (na ngayo'y Tanghalang Francisco Balagtas). Sa nasabing espesyal din unang napanood si Coney Reyes bilang ang pinakabagong kasapi ng palabas, samantalang si Hollmann ay lumipat naman sa Student Canteen[7].

Taong 1987 nang sumali si Aiza Seguerra sa palabas matapos maging runner-up sa segment na Little Miss Philippines.[3][8]

Ang madaling-makilalang temang awit ng palabas na nagsisimula sa ngayo'y kilalang pariralang Mula Aparri hanggang Jolo ay ipinarinig noong 18 Mayo 1982, kaalinsabay ng paglunsad ng Domsat ng RPN at ang unang pagsama ni Coney Reyes bilang host ng Eat Bulaga.

Sa isang panayam kay Joey de Leon, isiniwalat niya na walang kontratang nilagdaan ang TVJ sa Eat Bulaga! noong sila ay inalok upang maging mga host ng palabas. Inamin ni Vic Sotto na tinanggap niya lamang ang alok at nagbalak na tumigil sa panahong may sapat na salapi na siya upang makabili ng sariling sasakyan. Ani Joey de Leon ay dapat panandaliang pagtatrabaho lamang ang dapat nilang gagawin sa Bulaga. Ngunit, nang matalo ng Eat Bulaga! ang Student Canteen sa labanan ng ratings matapos ang 2 taon ay napagdesisyunan ng TVJ na manatili sa palabas. Magpahanggang ngayon ay walang kontrata sina Tito Sotto, Vic Sotto at Joey de Leon sa programa at sa TAPE, Inc. Pagkakaibigan at katapatan sa programa daw ang nagpapanatili sa kanilang tatlo sa palabas. [9][10]

Kahit na matapos ang pagsamsam sa RPN-9 ng pamahalaan ni Corazon Aquino matapos ang Rebolusyon sa EDSA noong 1986, nanatili ang Eat Bulaga! sa pag-ere sa nasabing network, kahit na nagsialisan o nagsitapos na ang ibang palabas nito. Umalis sa Broadcast City ang programa noong 2 Disyembre 1987 at lumipat sa Grand Ballroom ng Celebrity Sports Plaza noong 3 Disyembre 1987. Ang RPN-9 ay dumanas ng matinding dagok matapos ang naging pagsamsam at humarap sa mga problemang dala ng papalit-palit na pamunuan, kaya naman minabuti ni Tony Tuviera na makipag-usap sa noo'y bagong-tatag muli na himpilan ng telebisyon, ang ABS-CBN, na ilipat na doon ang nasabing palabas.

Panahon sa ABS-CBN (1989-1995)[baguhin | baguhin ang batayan]

Taong 1989 nang lumipat ang Eat... Bulaga! sa ABS-CBN[11] (sa ilalim ng pagkakasundo na co-production) sa iba pang palabas na pinoprodyus ng TAPE na Agila, Coney Reyes on Camera and Okay Ka, Fairy Ko! (mula IBC) buhat ng mga naging suliraning dala ng pagkakasamsam ng RPN[12] Ika-18 ng Pebrero 1989 nang unang ipalabas ang Eat... Bulaga! sa bago nitong tahanan, sa isang TV special na pinamagatang Eat... Bulaga!: Moving On sa Araneta Coliseum.[13] Bago ang nangyaring paglipat, noong Enero hanggang Pebrero 1989 ay lumikha ang ABS-CBN ng isang TV plug na nagpapakita ng apat na mga tuldok, na kumakatawan sa apat na palabas na pinoprodyus ng TAPE.

Ang mga main hosts ng Eat... Bulaga! na sina Vic Sotto, Coney Reyes, Aiza Seguerra, Joey de Leon at Tito Sotto, sa Eat... Bulaga!: Moving On na ginanap sa Araneta Coliseum noong Pebrero 1989

Nagsilbing tahanan ng Eat... Bulaga! (pinalitan ang pangalan ng palabas na naglagay ng ellipsis pagkatapos ang "Eat") ang ABS-CBN Studio 1 (na ngayo'y Dolphy Theatre) sa ABS-CBN Broadcasting Centre. Samantalang sa Studio 2 naman sila nagshu-shoot kapag mayroong espesyal na mga okasyon ang palabas.

Ipinagdiwang noong ika-23 ng Setyembre 1989 ang ika-10 guning taon ng palabas sa Araneta Coliseum.[14]

Umalis sa palabas si Coney Reyes noong 1992[11], na pinalitan ng kampeon sa paglangoy na si Christine Jacob (kalauna'y lumipat sa Magandang Tanghali Bayan noong 1998)[11]. Si Tito Sotto naman, bagama't 'di umalis, ay tuwing Sabado na lang nakikita sa palabas matapos manalo at manguna sa halalan sa pagkasenador noong Mayo ng taon ding iyon.

Malaki at malakas na himpilang panghimpapawid na ang ABS-CBN sa dakong pagtatapos ng taong 1994, mayroon na rin itong kakayahang magprodyus ng mga sarili nitong palabas at hindi na kailangang umasa pa sa mga palabas na pang-blocktime. Inasahan ng TAPE, Inc. na hindi pakikialaman ng ABS-CBN ang mga palabas nito. Sa halip na ganoon ay sinubukan ng ABS-CBN na bilhin ang airing rights ng Eat... Bulaga! mula sa TAPE, Inc., na siya namang tinanggihan nina Antonio Tuviera at Malou Choa-Fagar. Kaya naman hindi na pina-renew ng ABS-CBN ang kontrata nito sa TAPE, Inc. at binigyan ng ultimatum ang mga palabas ng TAPE na Eat... Bulaga!, Valiente at Okey Ka, Fairy Ko (maliban sa Coney Reyes on Camera) umalis na mula sa mga talaan ng mga palabas sa ABS-CBN hanggang sa huling linggo ng Enero 1995. Nang umalis sa ABS-CBN ang Eat... Bulaga! ay pinalitan ang programa nito tuwing Linggo na Sa Linggo nAPO Sila at ginawa itong pang-isang linggo, 'Sang Linggo nAPO Sila bilang kapalit ng Eat... Bulaga!.[12]

Panahon sa GMA (1995-kasalukuyan)[baguhin | baguhin ang batayan]

Bago pa man pumasok ang palabas sa GMA Network, tila nagkaroon na ng unofficial homecoming ang mga main host ng Eat... Bulaga! na sina Tito Sotto, Vic Sotto at Joey de Leon noong 1994 nang magsimula silang magpakita sa mga palabas nito. Si Tito ay naging main host ng investigative news magazine program ng GMA na Brigada Siete samantalang sila Vic at Joey naman ay nasa night gag show tuwing Lunes na Mixed NUTS. Sa taon ding iyon ay umalis na ang Eat... Bulaga! sa ABS-CBN Studio 1 at muling bumalik sa Celebrity Sports Plaza sa mga huling bahagi ng 1994 bilang paghahanda sa paglipat nito sa GMA.

Ang pagbabalik nina Tito, Vic and Joey's sa GMA ay naging opisyal na noong 1995, nang pinili nito ang Eat Bulaga! upang maging pangunahing pantanghaling palabas. Isang espesyal na pirmahan ng kontrata sa pamamagitan ng TAPE, Inc. at GMA ang ginanap sa Shangri-La sa Makati noong ika-19 ng Enero 1995 na dinaluhan ng halos lahat ng mga host nito. Bago iyon ay nagprodyus ang GMA ng kanilang sariling pantanghaling programa, ang Lunch Date (na pumalit sa Student Canteen matapos ang 1986 Rebolusyon sa EDSA) at ang SST: Salo-Salo Together, na mayroong bahagyang tagumpay.[15] Ika-28 ng Enero 1995 nang magsimulang ipalabas ang Eat... Bulaga! sa bago nitong tahanan sa GMA. Ginunita ito sa isang TV special na pinamagatang Eat... Bulaga!: The Moving! na ginanap muli sa Araneta Coliseum.[16][15][17] Bago maganap ang paglipat na ito ay isang buwang pagpopromote ang ginawa mula Disyembre 1994 hanggang Enero 1995 na nagpakita ng mga patalastas na pumatok at bumenta sa masa gaya ng Totoo ang Sie7e at 9 - 2 =7, na kapwa pagpapahiwatig sa mga naging paglipat ng palabas mula Channel 9 (RPN) tungo sa Channel 2 (ABS-CBN) tungo sa Channel 7 (GMA).

Pansamantalang nanatili sa Celebrity Sports Plaza ang programa mula sa mga huling buwan ng 1994 hanggang sa lumipat ito sa Eastside Studios ng Broadway Centrum noong ika-16 ng Setyembre 1995, sa isang TV special na pinamagatang Eat Bulaga!: The East Side Story. Nadagdagan din ng mga bagong co-host ang programa, na kinabibilangan nila Toni Rose Gayda (na nagmula sa dating karibal na programa ng Eat... Bulaga! na Lunch Date), Allan K, Samantha Lopez and Francis Magalona noong 1995, at si [./https://en.wikipedia.org/wiki/Anjo_Yllana Anjo Yllana] noong 1998. Sa panahon sa pagitan ng 1995 at 1998, mangilan-ngilang artista din ang hinirang upang maging guest co-hosts.

Taong 1999 nang Eat Bulaga! ang maging unang palabas sa telebisyong Pilipino ang magpamigay ng milyon-milyon. Nang ipakilala ng noong pantanghaling palabas ng ABS-CBN na Magandang Tanghali Bayan ang "Pera o Bayong", pumatok ito kaagad sa masa, kaya naman naungusan ng MTB ang Eat Bulaga! sa kompetisyon ng ratings sa loob ng dalawang taon. Dahil dito ay napilitan ang pamunuan ng Eat Bulaga! na magpapremyo ng milyones, sa pamamagitan ng mga segment nito na "Meron o Wala" noong kalagitnaan ng 1999 at "Laban o Bawi" noong mga huling buwan ng 2000 upang maipanumbalik ang interes ng mga manonood.[18]

Noong unang araw ng Enero 2000 (Sabado), ipinalabas ng Eat Bulaga! ang millenium episode (na ginanap sa SM City North EDSA) nito noong ika-7:30 ng gabi upang magbigay daan sa espesyal na programang 2000 Today na ipinalabas noong tanghali ng araw na iyon.

Mayo ng taong 2001 nang matanggal si Francis Magalona sa programa dahil sa 'di umano'y pagkakasangkot sa droga. Pumalit sa kaniya ang artista at mang-aawit na si Janno Gibbs. Nang mapawalang-sala si Magalona ay nagbalik siya sa Eat Bulaga! noong Enero ng sumunod na taon.

Noong Abril 2002 naman ay napanumbalik ng Eat Bulaga! ang pangunguna nito sa ratings laban sa MTB bunsod ng pagsikat ng SexBomb Dancers (sa segment na "Laban o Bawi") at ang kontrobersyal na reality segment na "Sige, Ano Kaya Mo? SAKMO!". Sa parehong taon na iyon ay ipina-renew ng programa ang blocktime deal nito sa GMA Network, na siyang tumapos sa mga haka-hakang lilipat muli ng network ang palabas.

Bumalik sa regular na pang-araw-araw na paghohost si Tito Sotto noong 2003. Naidagdag din sa lumalaking listahan ng mga host ang komedyante at dating contestant ng palabas na si Michael V. at ang mga modelo na sina Tania Paulsen and Alicia Mayer. Itinampok din ang palabas ng dati nitong tahanang himpilan na ABS-CBN sa pagdiriwang nito ng ika-50 taong guning taon.

Ipinagdiwang ng Eat Bulaga! ang ika-25 taon nito sa telebisyon noong ika-19 ng Nobyembre 2004 sa ampitheatre ng Expo Pilipino sa Clark Freeport Zone, Angeles, Pampanga.[19] Ipinagdiwang din ng palabas ang pagiging pinakamahabang pantanghaling palabas nito sa kasaysayan ng telebisyon sa Pilipinas. Dinaluhan ng humigit 60 000 katao ang television special na ito[19] at tumamasa din ng pinakamataas na rating para sa pang-araw na palabas sa kasaysayan ng telebisyon sa Pilipinas. Napanalunan nito ang Best Entertainment (One-Off/Annual) Special sa Asian Television Award sa Singapore noong ika-1 ng Disyembre 2005.[20][21] Ang kaganapan na ito ay ang itinuturing na pinakamatagumpay sa kasaysayan ng telebisyon sa Pilipinas, na halos matapatan lamang ng [./https://en.wikipedia.org/wiki/StarStruck_(Philippine_TV_series) 1st Starstruck Final Judgement]. Ang pagtatanghal na ito, na pinamagatang Eat Bulaga Silver Special, way ipinalabas noong ika-27 (Sabado) at ika-29 (Lunes) ng Nobyembre 2004.[19] Sa mga panahong ito ay tinanggal na ng palabas ang tatlong tuldok sa pangalan nito: mula Eat... Bulaga! ay Eat Bulaga! na lamang ulit ang pamagat nito.

Nang ilunsad ng GMA ang GMA Pinoy TV noong 2005 ay sumahimpapawid na ang Eat Bulaga! sa iba't ibang bansa sa buong mundo.[22]

2006 nang umalis ang SexBond Girls sa programa dahil sa sigalot nito sa mga prodyuser ng programa..[23] Kaya naman nagbukas ang programa ng mga awdisyon para sa mga bagong mananayaw sa ilalim ng pangalang EB Babes, sa pamamagitan ng pagpapatimpalak. Agosto ng taon ding iyon nang magsimula ang grupo.[23] Marso 2007 naman nang bumalik ang SexBomb Girls, ngunit bilang mga co-host.[23][24][25]

Setyembre 2007 nang magkaroon ng matinding sagutan sa pagitan ni Joey de Leon at Willie Revillame, na noo'y host ng karibal na programa ng Eat Bulaga! na Wowowee, kasunod ng 'di umano'y Hello Pappy scandal.[26][27]

Nobyembre 2007 naman nang ilunsad ng Eat Bulaga! ang kauna-unahan nitong panrehiyon na adaptasyon sa GMA Cebu sa pamagat na Eat Na Ta!. Ang Eat na Ta sa Radyo (mula Lunes-Biyernes) ay inilunsad noong ika-12 ng Nobyembre samantalang ang Eat Na Ta sa TV (tuwing Sabado) ay inilunsad noong ika-24 ng Nobyembre ng taon ding iyon. Nagsilbi itong pampasigla bago ang mismong palabas sa Kabisayaan hanggang 2008.

Ika-6 ng Marso 2009 nang pumanaw ang isa sa mga host ng palabas na si Francis Magalona dahil sa leukemia. Nang sumunod na araw ay nagprodyus ang palabas ng isang tribute episode sa alaala niya, kung saan inawit ng buong cast ang mga awit na likha niya. Sa tribute ding iyon nalaman na si Magalona ang nagpasimula sa paggamit ng salitang "dabarkads", na magpahanggang ngayon ay ginagamit upang tukuyin ang pamilya at ang manonood ng Eat Bulaga!. Kilala din is Magalona sa naging tradisyunal na pagsigaw niya ng "seamless na!" na nagpahayag sa pagpapalit ng programa tuwing Sabado mula Eat Bulaga! tungo sa showbiz talk show na Startalk. Matapos ang kanyang pagpanaw ay itinuloy ng Eat Bulaga! at Startalk ang tradisyon hanggang sa itigil ito sa pagtatapos ng taon. Pinalitan si Magalona ng kilalang actor at television personality na si Ryan Agoncillo nang pumasok ito sa palabas noong 24 Oktubre 2009.

Ipinagdiwang naman ng Eat Bulaga! ang ika-30 guning taon nito sa ere, na pinangalanang Tatlong Dekads ng Dabarkads noong ika-30 ng Hulyo 2009. Sa espesyal na ito ay pinagtuunan ng pansin ng palabas ang mga kahanga-hangang mga tao, kabilang na ang 30 kapos sa buhay ngunit masisipag na estudyante, at ang iba pang mga "bayani sa araw-araw" bilang pagtanaw ng utang na loob sa mga manonood ng palabas.[28][29]

Ipina-renew ng palabas ang kontrata nitong blocktime partnership (para sa dalawang taon pa) sa GMA Network noong Disyembre 2009.

Unang araw ng Enero 2010 nang pansamantalang lumipat ang programa sa Westside Studios ng Broadway Centrum, na naging tahanan ng karamihan sa mga naging programa ng GMA mula 1987 hanggang 2010, habang nire-renovate anf Eastside Studios na nagdagdag ng mga bagong LED screens at mga upuang cushioned. Bumalik din sa renovadang studio ang palabas noong ika-6 ng Marso ng taon ding iyon.

Pebrero 2011 nang umalis muli ang SexBomb Girls, kasama ang choreographer nito na si Joy Cancio, ngayon ay para naman sa palabas ng ABS-CBN na Happy Yipee Yehey!.[30]

Marso 2011 nang pahabaan ng GMA Network ang blocktime deal nito sa palabas hanggang Enero 2016 na nagbigay ng isa pang oras para sa palabas, na siya namang nagbigay daan sa TAPE upang gumawa pa ng isang TV show na magsisilbing palabas pagkatapos ng Eat Bulaga!

Inilunsad naman ng Eat Bulaga! ang coffee table book nito na Ang Unang Tatlong Dekada[31] na isinulat ng beteranong kolumnista na si Butch Francisco at dinisenyo ng anak ni Joey de Leon na si Jako.[32] Kasama ng libro ay nagpamigay din ang Eat Bulaga! ng 3 000 limited edition CDs ng Silver Special nito.[33][34][35] Nagprodyus din ng isang dokumentaryo ang GMA News and Public Affairs na pinamagatang Kuwentong Dabarkads na ipinresenta ni Dingdong Dantes.[36]

Sa kauna-unahang pagkakataon sa kasaysayan ng Eat Bulaga! ay nag-ere ito ng commercial-free special episode na nagdiriwang ng ika-33 guning taon nito.[37] Isang soundtrack naman, ang Dabarkads D' Album: A Party for everyJUAN, na nagtampok sa mga awit na pinasikat at nilikha ng cast ng Eat Bulaga! pati ang ilan sa mga ginamit nitong temang-awit, ay inilunsad noong Hulyo 2013..[38]

Konsiyertong benipisyo ng Sa Tamang Panahon[baguhin | baguhin ang batayan]

Pangunahing lathalain: Sa Tamang Panahon

Tema ng Eat Bulaga![baguhin | baguhin ang batayan]

Eat Bulaga logo noong 2001-2003

Ang orihinal na tema ay nagsimula noong 1982 at isinulat ni Tito Sotto, Vic Sotto at Joey de Leon at inayos ni Homer Flores. Nang sumali si Aiza Seguerra sa palabas noong 1988 at nalipat sa ABS-CBN noong 1989, ang ikalawa at ikatlong linya ng ikalawang saknong ay naging "Si Aiza at si Coney/Silang lahat ay nagbibigay". Ang ikalawa at ikatlong linya ng saknong ay ginagamit pa rin kahit na si Coney ay umalis sa palabas noong 1991 at may kaunting artista na nadagdag tulad ni Jimmy Santos, Christine Jacob, Ruby Rodriguez, Lady Lee at si Rio Diaz ay madagdag sa mga tauhan sa palabas ng "Bulaga".

Nung ang Eat Bulaga! ay nalipat sa GMA noong ika-28 Enero 1995, pinalitan ang ikalawang linya sa ikalawang saknong at tinanggal ang pangalan ni Aiza at Coney sa liriko, at sa tugon sa lumalaking grupo ng Eat Bulaga. Ganito ang naging linya: "Barkada'y dumarami". Gayumpaman noong 2003, pinalitan ang linya ng SexBomb Girls ay gumawa ng sariling salin ng tema ng Eat Bulaga!. Sa komposisyon ni Lito Camo. Ang linya ay naging "Buong tropa ay kasali".

Noong ika-25 taong anibersaryo noong 2004, umaawit lahat ang naging kasapi Eat Bulaga! at ang linyang "Barkada'y dumarami" ang isinama sa liriko. Sa OBB noong 2004 ipinalit ang mga linya sa ibang wika ng Bikolano, Cebuano, Waray-waray at Tagalog.

At noong 2005, ilang liriko ay re-arrange ni Francis Magalona. Ang linya ay "Saan ka man ay halina tayo". Dinagdagan ng mga linya ni Francis Magalona ang sariling salin ng tema ng Eat Bulaga.

Gayumpan noong 2007 ibat-ibang musika tulad ng Rock, Jazz, Reggae, Dance-pop at Hip-hop. Kinanta na ang unang bersyon ni Allan, Jimmy, Toni Rose at Ruby. Ang ikalawang bersyon ay kinanta ni Pia, Ciara, Gladys, Paolo, Julia at Janno. Ang linya ay "Ligaya sa ating buhay" na pinagkanta ni Gladys sa unang bersyon ng OBB at ikinanta ni Julia Clarete ang linya sa ikalawang bersyon ng OBB. Sa ikatatlong linya kinanta ni Jose Manalo at Wally Bayola ang bersyon ng reggae. Kinanta ang ika apat na linya ang bersyon ng dance ni Sugar at ang mga EB Babes. Ikinanta ang ika't limang bersyon nina BJ, Francis M, Teri at Cindy, at dinagdagan ang Buong mundo na pinagrepeat ang ika apat na linya sa kanta.

Pantemang-awit ng Eat Bulaga!
1982 - 1987 1987 - 1995 1995 - 2004 2004 - kasalukuyan


Mula Aparri hanggang Jolo,

Saan ka man ay halina kayo

Isang libo't isang tuwa

Buong bansa... Eat Bulaga!


Buong bansa ay nagkakaisa

Sa tuwa't saya na aming dala

Isang libo't isang tuwa

Buong bansa... Eat Bulaga!


Sina Tito, Vic at Joey,

kasama pati si Coney

Apat silang nagbibigay

ligaya sa ating buhay


Buong bansa ay nagkakaisa

Sa tuwa't saya na aming dala

Isang libo't isang tuwa

Buong bansa... Eat Bulaga!


Mula Aparri hanggang Jolo,

Saan ka man ay halina kayo

Isang libo't isang tuwa

Buong bansa... Eat Bulaga!


Buong bansa ay nagkakaisa

Sa tuwa't saya na aming dala

Isang libo't isang tuwa

Buong bansa... Eat Bulaga!


Sina Tito, Vic at Joey,

si Aiza at si Coney

Silang lahat ay nagbibigay

ligaya sa ating buhay


Buong bansa ay nagkakaisa

Sa tuwa't saya na aming dala

Isang libo't isang tuwa

Buong bansa... Eat Bulaga!


Mula Aparri hanggang Jolo,

Saan ka man ay halina kayo

Isang libo't isang tuwa

Buong bansa... Eat Bulaga!


Buong bansa ay nagkakaisa

Sa tuwa't saya na aming dala

Isang libo't isang tuwa

Buong bansa... Eat Bulaga!


Sina Tito, Vic at Joey,

barkada'y dumarami

Silang lahat ay nagbibigay

ligaya sa ating buhay


Buong bansa ay nagkakaisa

Sa tuwa't saya na aming dala

Isang libo't isang tuwa

Buong bansa... Eat Bulaga!


Mula Batanes hanggang Jolo,

Saan ka man ay halina kayo

Isang libo't isang tuwa

Buong bansa... Eat Bulaga!


Buong bansa ay nagkakaisa

Sa tuwa't saya na aming dala

Isang libo't isang tuwa

Buong bansa... Eat Bulaga!


Sina Tito, Vic at Joey,

barkada'y dumarami

Silang lahat ay nagbibigay

ligaya sa ating buhay


Buong bansa ay nagkakaisa

Sa tuwa't saya na aming dala

Isang libo't isang tuwa

Buong bansa... Eat Bulaga!



Mga cast[baguhin | baguhin ang batayan]

Main hosts[baguhin | baguhin ang batayan]

Co-hosts[baguhin | baguhin ang batayan]

Featuring[baguhin | baguhin ang batayan]

  • Victor "Mama Ten" Mendoza (2018-present)

EB Babes (2006–present)

  • Rose Ann "Hopia" Boleche (2006–present)
  • Lyka Relloso (2012–present)
  • AJ Lizardo (2014–present)

That's My Baes (2015–present)

  • Kenneth Medrano (2015–present)
  • Joel Palencia (2015–present)
  • Tommy Peñaflor (2015–present)
  • Jon Timmons (2015–present)
  • Miggy Tolentino (2015–present)
  • Kim Last (2015–present)

Broadway Boys (2016–present)

Mga Dating hosts at mga tampok[baguhin | baguhin ang batayan]

Mga kasalukuyang Bahagi[baguhin | baguhin ang batayan]

  • Rush 4 Win Philippines: Slippery Stairs
  • Bulagaan
  • Juan for All, All for Juan: Bayanihan of d' Pipol
  • #Artistahin
  • Boom!

Mga pinagpatuloy na segments[baguhin | baguhin ang batayan]

Espesyal na programa[baguhin | baguhin ang batayan]

Sa kasaysayan nito ay marami-raming television specials na ang nai-ere ng Eat Bulaga! na pinagbobrodkast mula sa iba't ibang lugar na mayroong malalawak na espasyo upang makapaglaman ng maraming tao. Sa ibaba ay ang ilan (hindi kumpleto) sa mga naging television special ng programa:

Pamagat ng television special Petsa Lugar na pinagdausan Himpilang pantelebisyon
Eat Bulaga! The DOMSAT Launch 18 Mayo 1982 Folk Arts Theatre (Tanghalang Francisco Balagtas) RPN 9
Eat Bulaga! 3rd Anniversary Special 7 Agosto 1982 Araneta Coliseum
Eat Bulaga! Freedom Day Special 25 Pebrero 1987 Quirino Grandstand
Eat... Bulaga!: Moving On 18 Pebrero 1989 Araneta Coliseum ABS-CBN 2 [60]
Eat... Bulaga! 10th Anniversary Special 23 Setyembre 1989 Araneta Coliseum [61]
Eat... Bulaga!: The Moving! 28 Enero 1995 Araneta Coliseum GMA 7 [60][62]
Eat... Bulaga!: The East Side Story 16 Setyembre 1995 Broadway Centrum
Eat... Bulaga!: Jollibee's 20th Anniversary 5 Setyembre 1998 Araneta Coliseum
Eat... Bulaga!: SM Millennium Magic 1 Enero 2000 SM City North EDSA
Eat Bulaga! Silver Special idinaos: 19 Nobyembre 2004

ipinalabas: 28 at 30 Nobyembre 2004

Expo Pilipino (ngayo'y Clark Centennial Expo)
Eat Bulaga! 07 Big Surprise Sa 070707 7 Hulyo 2007 Broadway Centrum
Eat Bulaga! Little Miss Philippines

Global 2007 Grand Coronation Day

14 Hulyo 2007 Broadway Centrum
Eat Bulaga! Sa Abu Dhabi idinaos: 7 Disyembre 2007

ipinalabas: 29 Disyembre 2007

Abu Dhabi National Theatre
Eat Bulaga! Grand Fiesta Sa LA idinaos: 19 Hulyo 2008

ipinalabas: 2 Agosto 2008

Los Angeles Memorial Sports Arena
Eat Bulaga! Nonstop: The 33rd Anniversary Special 18 Agosto 2012 Broadway Centrum
Eat Bulaga! Super Sireyna: Queen of Queens 27 Hulyo 2013 Resorts World Manila
Eat Bulaga! Sa Tamang Panahon #ALDubEBTamangPanahon 24 Oktubre 2015 Philippine Arena [63]
Eat Bulaga! Miss Millennial Philippines 2017 Grand Coronation Day 30 Setyembre 2017 Mall of Asia Arena [64]
Eat Bulaga! Miss Millennial Philippines 2018 Grand Coronation Day 27 Oktubre 2018 New Frontier Theatre

Ang palabas ay nakapag-ere din ng mga special commercial-free episodes: ang Eat Bulaga!'s 33rd Anniversary Special[65] at Eat Bulaga: Sa Tamang Panahon.[63]

Telemovies[baguhin | baguhin ang batayan]

Ang Eat Bulaga! ay nakapag-ere na rin ng dalawang television films na nagtampok sa mga mismong Dabarkads. Nasa ibaba ang talaan ng mga telemovie ng palabas:

Pamagat ng telemovie Petsa
Love is... 21 Oktubre 2017
Pamana 28 Hulyo 2018

Mga parangal[baguhin | baguhin ang batayan]

  • Panalo, Best Variety Show - PMPC Star Awards for Television (1989-2009)
  • Panalo, Best Entertainment Program Winner "Eat Bulaga Silver Special" - 2005 Asian Television Awards sa Singapore

Studio na gamit ng Eat Bulaga[baguhin | baguhin ang batayan]

Pangunahing lathalain: Broadway Centrum

Ang Eat Bulaga! ay nagbo-brodkas noon sa Broadway Centrum sa lungsod Quezon. Noong Disyembre 8, 2018, nailipat na sa APT Studios (dating KB Entertainment Studios) in Cainta, Rizal para makita ang maraming tao.

Tingnan din[baguhin | baguhin ang batayan]

Mga ibang tulay[baguhin | baguhin ang batayan]

Padron:Eat Bulaga! Padron:GMA Network (current and upcoming original programming) Padron:ABS-CBN variety shows Padron:Noontime variety shows in the Philippines

Padron:AlDub

  1. https://www.youtube.com/user/eatbulaga1979
  2. Godinez, Bong (Oktubre 24, 2007). "Longest running television shows". PEP.ph. Philippine Entertainment Portal, Inc. Sininop mula sa orihinal noong 22 Hulyo 2015. Kinuhang muli noong 22 Hulyo 2015.
  3. 3.0 3.1 3.2 3.3 3.4 3.5 Dantes, Dingdong (Host) (2011). Kuwentong Dabarkads (Documentary). Philippines: GMA Network, Inc.
  4. 4.0 4.1 4.2 Garcia, Rose (26 November 2008). "Tito, Vic & Joey recall their road to success". PEP.ph. Philippine Entertainment Portal, Inc. Hinango noong 22 July 2015.
  5. 5.0 5.1 5.2 Francisco, Butch (2011). Eat Bulaga: Ang Unang Tatlong Dekada. TAPE, Inc. ISBN 9789719528302.
  6. 6.0 6.1 Godinez, Bong (24 October 2007). "Longest running television shows". PEP.ph. Philippine Entertainment Portal, Inc. Sininop mula sa orihinal noong 22 July 2015. Hinango noong 22 July 2015.
  7. 7.0 7.1 Francisco, Butch (8 December 2001). "Noontime shows through the years". Philstar Entertainment. Philstar. Hinango noong 21 May 2013.
  8. "Little Miss Philippines: Aiza Seguerra". Eat... Bulaga!. 1987. Radio Philippines Network. RPN-9.
  9. "Joey de Leon, wala raw kontrata sa 'Eat Bulaga'". Youtube. PinoyParazzi. 9 June 2014. Hinango noong 21 October 2014.
  10. Jimenez, Jocelyn (7 October 2011). "Vic Sotto says being part of Eat Bulaga! makes him feel like a "historical figure"". PEP.ph. Philippine Entertainment Portal, Inc. Hinango noong 22 July 2015.
  11. 11.0 11.1 11.2 Francisco, Butch (8 December 2001). "Noontime shows through the years". Philstar Entertainment. Philstar. Hinango noong 21 May 2013.
  12. 12.0 12.1 Godinez, Bong (24 October 2007). "Longest running television shows". PEP.ph. Philippine Entertainment Portal, Inc. Sininop mula sa orihinal noong 22 July 2015. Hinango noong 22 July 2015.
  13. "#EBThrowback: Ang Tahanan ng Eat Bulaga!". YouTube. 7 December 2018. Hinango noong 8 December 2018.
  14. "Eat Bulaga 10th Anniversary Opening Theme". Eat... Bulaga!. September 23, 1989. ABS-CBN.
  15. 15.0 15.1 Godinez, Bong (24 October 2007). "Longest running television shows". PEP.ph. Philippine Entertainment Portal, Inc. Sininop mula sa orihinal noong 22 July 2015. Hinango noong 22 July 2015.
  16. "#EBThrowback: Ang Tahanan ng Eat Bulaga!". YouTube. 7 December 2018. Hinango noong 8 December 2018.
  17. "'Eat Bulaga' premieres on GMA-7". Manila Standard. Google News Archive. 22 January 1995. p. 197. Hinango noong 22 July 2015.
  18. Almo, Nerisa (20 March 2007). ""Eat...Bulaga!" and 27 years of making the Pinoys happy!". PEP.ph. Philippine Entertainment Portal, Inc. Hinango noong 22 July 2015.
  19. 19.0 19.1 19.2 "Eat, Bulaga! silver special on DVD". LionhearTV. B&L Multimedia Co. Ltd. 11 March 2010. Hinango noong 22 July 2015.
  20. Francisco, Butch (17 December 2005). "Eat, Bulaga!’s road to victory". Philstar Entertainment. Philstar. Hinango noong 28 April 2015.
  21. Francisco, Butch (24 December 2005). "More Asian Television Awards". Philstar Entertainment. Philstar. Hinango noong 22 July 2015.
  22. Inc., GMA New Media,. "GMA international channels now available in Charter Spectrum TV in the US | GMA international channels now available in Charter Spectrum TV in the US" (sa English). Hinango noong 2017-05-19.
  23. 23.0 23.1 23.2 Borromeo, Eric (12 March 2007). "SexBomb returns to "Eat Bulaga!" as regular performers". PEP.ph. Philippine Entertainment Portal, Inc. Hinango noong 22 July 2015.
  24. Nicasio, Nonie (11 March 2007). "Rivalry between SexBomb and EB Babes heats up". PEP.ph. Philippine Entertainment Portal, Inc. Hinango noong 23 July 2015.
  25. Nicasio, Nonie (16 March 2007). "EB Babe Kim: "Wala namang dapat ika-insecure ang EB Babes sa SexBomb."". PEP.ph. Philippine Entertainment Portal, Inc. Hinango noong 23 July 2015.
  26. "Joey tells Willie: Explain before you complain". GMA News Online. GMA Network, Inc. 30 August 2007. Hinango noong 11 April 2009.
  27. "Roxas seeks probe on 'Hello, Pappy' game show controversy". GMA News Online. GMA Network, Inc. 30 August 2007. Hinango noong 23 July 2015.
  28. "Eat, Bulaga! awards cash & grants to scholars". Philstar Entertainment. Philstar. 1 June 2009. Hinango noong 23 July 2015.
  29. Francisco, Butch (16 May 2009). "Changing the lives of 30 young people". Philstar Entertainment. Philstar. Hinango noong 23 July 2015.
  30. Cruz, Marinel R. (14 June 2011). "No bad blood between these SexBombs". Inquirer.net. Philippine Daily Inquirer. Hinango noong 21 May 2013.
  31. Francisco, Butch (2011). Eat Bulaga: Ang Unang Tatlong Dekada. TAPE, Inc. ISBN 9789719528302.
  32. Francisco, Butch (11 October 2011). "Why it took 8 years to finish the Bulaga! book". Philstar Entertainment. Philstar. Hinango noong 23 July 2015.
  33. Jimenez, Jocelyn (7 October 2011). "Vic Sotto says being part of Eat Bulaga! makes him feel like a "historical figure"". PEP.ph. Philippine Entertainment Portal, Inc. Hinango noong 22 July 2015.
  34. Santiago, Erwin (8 October 2011). "Joey de Leon gets emotional as Eat Bulaga! launches book chronicling its first 30 years". PEP.ph. Philippine Entertainment Portal, Inc. Hinango noong 23 July 2015.
  35. Jimenez, Fidel R. (6 October 2011). "Eat Bulaga! launches coffee table book". GMA News Online. GMA Network, Inc. Hinango noong 23 July 2015.
  36. Dantes, Dingdong (Host) (2011). Kuwentong Dabarkads (Documentary). Philippines: GMA Network, Inc.
  37. "Eat Bulaga! celebrates 33rd anniversary". PEP.ph. Philippine Entertainment Portal, Inc. 20 August 2012. Hinango noong 23 July 2015.
  38. Dabarkads D'Album (A Party For Every Juan!) (Album). Eat Bulaga Dabarkads. Philippines: Ivory Music & Video, Inc. 2013.CS1 maint: others (link)
  39. 39.0 39.1 39.2 "Eat Bulaga and Beauty Queens". Missosology. 22 April 2012. Hinango noong 5 September 2016.
  40. 40.00 40.01 40.02 40.03 40.04 40.05 40.06 40.07 40.08 40.09 40.10 40.11 Francisco, Butch (2011). Eat Bulaga!: Ang Unang Tatlong Dekada. Designed by Jako de Leon. TAPE, Inc. pp. 124–125. ISBN 9789719528302.
  41. "EAT BULAGA! 2010 -> hangga't may BATA may EAT.... BULAGA! - Post #4658". PinoyExchange. 16 March 2012. Hinango noong 29 September 2016.
  42. "Bulagaan feb18 2005b - YouTube". YouTube. 21 September 2006. Hinango noong 5 September 2016.
  43. 43.0 43.1 43.2 43.3 43.4 "Eat Bulaga's 25 years celebration - Page 40". PinoyExchange. 23 November 2004. Hinango noong 5 September 2016.
  44. "Eat Bulaga's 25 years celebration - Post #231". PinoyExchange. 10 March 2004. Hinango noong 29 September 2016.
  45. "Eat Bulaga's 25 years celebration - Page 48". PinoyExchange. 29 November 2004. Hinango noong 26 June 2018.
  46. "Bulagaan CLASSIC with Vic, Joey, Francis, Christine, Allan". YouTube. 2 December 2016. Hinango noong 26 June 2018.
  47. "allan k on Twitter: "Siye si juannie- kalook alike ko"". Twitter. 17 August 2018. Hinango noong 24 August 2018.
  48. "kidz@work opening dance prod in eat bulaga "maria" by ricky martin - YouTube". YouTube. 3 October 2013. Hinango noong 5 September 2016.
  49. "kidz@work - YouTube". YouTube. 21 September 2007. Hinango noong 5 September 2016.
  50. "Eat Bulaga!'s 10th Anniversary TV Special (1989)". Facebook. 19 August 2017. Hinango noong 9 October 2017.
  51. 51.0 51.1 51.2 "Eat Bulaga's 25 years celebration - Page 48". PinoyExchange. 29 November 2004. Hinango noong 26 June 2018.
  52. "William Wallen Agbulos". Facebook. 2 August 2015. Hinango noong 7 September 2016.
  53. "ABS-CBN Memories". Facebook. 31 March 2016. Hinango noong 7 September 2016.
  54. "GrEAT BULAGA @ 28: 2007 - Post #1949". PinoyExchange. 13 July 2007. Hinango noong 29 September 2016.
  55. 55.0 55.1 "Eat Bulaga's 25 years celebration - Post #225". PinoyExchange. 10 March 2004. Hinango noong 29 September 2016.
  56. Clarin, Tess (21 July 2009). "NOONTIME TV SHOWS". Film Academy of the Philippines. Hinango noong 21 November 2018.
  57. "Eat Bulaga's 25 years celebration - Page 43". PinoyExchange. 27 November 2004. Hinango noong 26 June 2018.
  58. "YouTube - Eat Bulaga's Birit Baby Winners with Jaya". YouTube. 9 December 2015. Hinango noong 7 February 2017.
  59. "Eat Bulaga!'s 10th Anniversary TV Special (1989)". Facebook. 19 August 2017. Hinango noong 9 October 2017.
  60. 60.0 60.1 "#EBThrowback: Ang Tahanan ng Eat Bulaga!". YouTube. 7 December 2018. Hinango noong 8 December 2018.
  61. "Eat Bulaga 10th Anniversary Opening Theme". Eat... Bulaga!. September 23, 1989. ABS-CBN.
  62. "'Eat Bulaga' premieres on GMA-7". Manila Standard. Google News Archive. 22 January 1995. p. 197. Hinango noong 22 July 2015.
  63. 63.0 63.1 Hegina, Aries Joseph (26 October 2015). "'AlDub' posts record-breaking 41-M 'Tamang Panahon' tweets". Inquirer.net. Philippine Daily Inquirer, Inc. Hinango noong 2 November 2015.
  64. Eat Bulaga! (2017-09-30), Miss Millennial Philippines 2017 Grand Coronation Day | September 30, 2017, hinango noong 2017-10-01
  65. "Eat Bulaga! celebrates 33rd anniversary". PEP.ph. Philippine Entertainment Portal, Inc. 20 August 2012. Hinango noong 22 July 2015.