Hinduismo sa Asya

Mula sa Wikipedia, ang malayang ensiklopedya

Isa sa mga pinakamalalaki at pangunahing relihiyon ang Hinduismo sa Asya, kung saan 26% ng populasyon ng kontinente ang kabilang rito.[1] Noong 2020, tinatayang nasa 1.2 bilyong Hindu ang naninirahan sa kontinente.[2] 99% ng mga Hindu sa buong mundo ang nasa Asya, na pinangunahan ng India, na tinitirhan ng 94% ng mga Hindu sa mundo.[3] Bukod sa India, maraming mga bansa sa kontinente ang may malaking populasyon ng mga Hindu: ang mga karatig-bansa ng India na Nepal, Bangladesh, Sri Lanka, at Pakistan, gayundin ang mga bansa sa Timog-silangang Asya tulad ng Indonesia at Malaysia.[4][5][6] May malaki ring populasyon ng mga Hindu sa Emiratos, dahil na rin sa mga migranteng nanggaling mula sa subkontinente ng India.[7]

Kasaysayan[baguhin | baguhin ang wikitext]

Pagkalat ng Hinduismo sa Asya.

Nagsimula ang Hinduismo sa Asya, partikular na sa Lambak ng Indus sa ngayo'y India, noong bandang 3000 BKP. Lumaganap ito sa sibilisasyong Indus at kalaunan sa kabuuan ng subkontinente ng India,[8] kasabay ng pagdebelop at paglaganap ng ibang mga relihiyon sa rehiyon. May iilang mga tradisyon sa Hinduismo ang nanggaling pa noon pang Panahon ng Bakal at Bronse sa lugar, partikular na sa mga relihiyong nabuo bago pa ang nakatalang kasaysayan. Dahil dito, madalas na itinuturing ang Hinduismo bilang ang "pinakaluma" o "pinakaunang" relihiyon sa kasaysayan.[9]

Mula sa subkontinente, lumaganap pa nang husto ang relihiyon sa kalapit na rehiyon ng Timog-silangang Asya noong panahon ng Imperyong Gupta, ang itinuturing na "ginintuang panahon" ng Hinduismo. Lumaganap din ang relihiyon sa Gitnang Asya, partikular na sa ngayo'y Apganistan sa pamamagitan ng Daang Sutla na kumokonekta sa Europa at Asya.[10][11][12] Nagtatag ang mga Hindu ng mga maliliit na kolonya at posteng pangkalakal sa iba't-ibang bahagi ng Asya, at nakipagkalalakan sa mga karatig rehiyon nito tulad ng sa Gitnang Silangan, Aprika, at Europa.[13] Gayunpaman, ang pag-usbong at ang paglaganap kalaunan ng Islam mula sa Gitnang Silangan, at ang paglalakbay ng mga Muslim sa subkontinente, Apganistan, at sa Timog-silangang Asya, partikular na sa Indonesia, ang naging pangunahing balakid sa pagkalat ng relihiyon sa mas marami pang lugar. Ngayon, ang malaking bahagdan ng populasyon ng mga Hindu sa mundo ay matatagpuan sa subkontinente ng India.[14][15]

Demograpiya[baguhin | baguhin ang wikitext]

Isang pamilyang Hindu matapos ng puja sa templo ng Bratan sa Bali, Indonesia.

Paalala: ang mga estadistikang makikita sa baba ay mga pagtataya mula sa iba't-ibang sanggunian. Ibig sabihin, posibleng hindi ito sumasalamin sa aktwal na bilang ng mga Hindu sa naturang lugar. Posible ring iba-iba ang mga taon ng pagtataya para sa bawat lugar. Nakahilis ang mga teritoryo o dependensiyang nakalista sa baba.

Gitnang Asya[baguhin | baguhin ang wikitext]

Bansa Kabuuan (pop) Mga Hindu (%) Mga Hindu (pop)
Kazakhstan Kasakistan 18,744,548 0.01% 12,732
Kyrgyzstan Kirgistan 6,019,480 <0.01% <1,000
Tajikistan Tayikistan 8,734,951 <0.01 <1,000
Turkmenistan Turkmenistan 5,851,466 <0.01 <1,000
Uzbekistan Usbekistan 32,653,900 0.01% 2,778
Kabuuan 72,004,345 <0.01% 16,000 (taya)

Gitnang Silangan[baguhin | baguhin ang wikitext]

Bansa Kabuuan (pop) Mga Hindu (%) Mga Hindu (pop)
Bahrain Bareyn 1,496,300 9.8% 144,286
Nagkakaisang Arabong Emirato Emiratos 9,582,340 7.5%[α] 660,000
Qatar Katar 2,561,643 13.8% 358,800
Kuwait Kuwait 4,226,920 7.1%[β] 300,667
Oman Oman 4,651,706 5.7% 182,679
Saudi Arabia Saudi 33,413,660 1.1% 303,611
Yemen Yemen 28,915,284 0.7% 200,000
Kabuuan 84,847,853 2.52% 2,140,574

Kanlurang Asya[baguhin | baguhin ang wikitext]

Bansa Kabuuan (pop) Mga Hindu (%) Mga Hindu (pop)
Armenya Armenya 2,975,000 <0.01% <1,000
Azerbaijan Aserbayan 10,027,874 <0.01% <1,000
Iraq Irak 39,339,753 <0.01% <1,000
Iran Iran 81,871,500 <0.01% 20,000
Israel Israel 8,930,680 0.12% 11,500
Lebanon Libano 6,093,509 <0.01% <1,000
Estado ng Palestina Palestina 4,816,503 <0.01% <1,000
Syria Siria 18,284,407 <0.01% <1,000
Turkey Turkiya 80,810,525 <0.01% <1,000
Kabuuan 253,149,751 0.018% 46,000 (taya)

Silangang Asya[baguhin | baguhin ang wikitext]

Bansa Kabuuan (pop) Mga Hindu (%) Mga Hindu (pop)
Hapon Hapon 126,420,000 <0.01% 30,000
Hong Kong Hong Kong 7,448,900 1.6% 119,182
Hilagang Korea Hilagang Korea 25,610,672 <0.01% <1,000
Timog Korea Timog Korea 51,635,256 0.04% 24,414
Macau Macau 658,900 <0.01% <1,000
Mongolia Mongolia 3,231,200 <0.01% <1,000
Taiwan Taiwan 23,577,488 <0.01% 1,900
Republikang Bayan ng Tsina Tsina 1,394,620,000 0.1% 1,373,541
Kabuuan 1,633,202,416 0.09% (taya) 1,551,037

Timog Asya[baguhin | baguhin ang wikitext]

Bansa Kabuuan (pop) Mga Hindu (%) Mga Hindu (pop)
Afghanistan Apganistan 37,466,414 <0.01% <1,000
Bangladesh Banglades 165,158,616 7.95% 13,130,109
Bhutan Butan 742,737 22.6% 185,700
India India 1,320,000,000 79.8% 1,053,000,000
Maldives Maldibas 369,031 0.01% <1,000
Nepal Nepal 28,901,790 81.3% 23,500,000
Pakistan Pakistan 224,864,293 2.14% 4,678,078
Sri Lanka Sri Lanka 21,200,000 12.6% 2,671,000
Kabuuan 1,437,326,682 70.05% 1,068,728,901

Timog-silangang Asya[baguhin | baguhin ang wikitext]

Bansa Kabuuan (pop) Mga Hindu (%) Mga Hindu (pop)
Vietnam Biyetnam 85,262,356 0.07% 70,000
Brunei Brunei 374,577 0.035% 131
Indonesia Indonesia 259,000,000 1.74% 4,646,357[γ]
Cambodia Kamboya 13,995,904 0.3% 41,988
Malaysia Malasya 30,949,962 6.3% 1,949,850
Myanmar Myanmar 50,279,900 0.5% 252,763
Pilipinas Pilipinas 102,000,000 <0.1% 10,000
Singapore Singapura 5,600,000 5.0% 280,000
Thailand Taylandiya 65,068,149 0.1% 65,000
Kabuuan 571,337,070 1.118% 6,386,614

Talababa[baguhin | baguhin ang wikitext]

  1. Sa Emiratos, tanging mga Sunni Muslim lang ang pwedeng maging mamamayan ng bansa. Nagtatrabaho sa loob ng isang tinakdang panahon o kontrata bilang mga trabahador at empleyado ang mga hindi Muslim doon.[16]
  2. Nakadepende ang pagtataya kung kasama ba o hindi ang mga pansamantalang manggagawa - bahagdan ng populasyon na walang tirahan o karapatang manalig nang malaya. Hindi itinuturing na residente o mamamayan ng Kuwait ng opisyal na senso ng pamahalaan ang mga Hindu.
  3. Ang mababang bilang ay ayon sa pagtatayang ginawa ng Pew Research, na tumutok sa isla ng Bali at sa mga karatig nitong lalawigan. Samantala, ang mataas na bilang naman ay mula sa isang pagtataya noong 2010 na ginawa ng Ministeryo ng Ugnayang Panrelihiyon ng Pamahalaan ng Indonesia.[17] Sinasabi ng pinakamalaking organisasyong Hindu sa Indonesia, ang Parisada Hindu Dharma Indonesia na masyadong maliit ang pagtatayang ginawa para sa populasyon ng mga Hindu sa senso, dahil hindi kinikilala ng Indonesia, isang bansang Muslim, ang lahat ng mga anyo ng Hinduismo, at tanging kinikilala lang ang mga monoteistikong Hinduismo sa ilalim ng kanilang konstitusyon.[18][19]

Sanggunian[baguhin | baguhin ang wikitext]

  1. "Projected Changes in the Global Hindu Population" [Inaasahang Pagbabago sa Pandaigdigang Populasyon ng mga Hindu]. Pew Research Center (sa Ingles). 2 Abril 2015. Nakuha noong 24 Nobyembre 2022.
  2. "Hindus" [Mga Hindu]. Pew Research Center (sa Ingles). 18 Disyembre 2012. Nakuha noong 25 Nobyembre 2022.
  3. "Will Muslims 'Outnumber' Hindus In India In The Near Future?" ['Lalampasan' ba ng mga Muslim ang mga Hindu sa India sa Malapit na Hinaharap?]. Youth Ki Awaaz (sa Ingles). 20 Nobyembre 2020. Nakuha noong 25 Nobyembre 2022.
  4. "Table: Religious Composition by Country, in Numbers" [Talahanayan: Komposisyon ng Relihiyon kada Bansa, sa mga Bilang]. Pew Research Center (sa Ingles). 18 Disyembre 2012. Nakuha noong 25 Nobyembre 2022.
  5. Reyaz, M. (30 Mayo 2014). "[Analysis] Are there any takeaways for Muslims from the Narendra Modi government?" [[Pagsusuri] Meron bang mga makukuha ang mga Muslim mula sa pamahalaan ni Narendra Modi?]. DNA India (sa Ingles). Nakuha noong 25 Nobyembre 2022.
  6. "Gorkhas to march for restoration of Nepal's Hindu nation status" [Magmamartsa ang mga Gorkha para sa pagbabalik muli ng katayuan ng Nepal bilang isang bansa ng mga Hindu]. Hindustan Times (sa Ingles). 10 Agosto 2017. Nakuha noong 25 Nobyembre 2022.
  7. "Hinduism - The spread of Hinduism in Southeast Asia and the Pacific" [Hinduismo - Ang pagkalat ng Hinduismo sa Timog-silangang Asya at sa Pasipiko]. Encyclopedia Britannica (sa Ingles). Nakuha noong 25 Nobyembre 2022.{{cite web}}: CS1 maint: url-status (link)
  8. Brodd 2003.
  9. Klostermaier 2007, p. 1.
  10. Flood, Gavin D. (1996). An Introduction to Hinduism [Pagpapakilala sa Hinduismo] (sa Ingles). Cambridge University Press. p. 21. ISBN 978-0-521-43878-0.
  11. Klostermaier 2007, p. 78-81.
  12. Michaels 2004, p. 40.
  13. Pillalamarri, Akhilesh. "The Origins of Hindu-Muslim Conflict in South Asia". thediplomat.com (sa Ingles). Nakuha noong 2021-06-08.
  14. Werner, Karel (11 Agosto 2005). A Popular Dictionary of Hinduism [Popular na Diksyonaryo ng Hinduismo] (sa Ingles). Routledge. p. 728. ISBN 978-1-135-79753-9.
  15. Brodd 2003, p. 57; Michaels 2004, pp. 147-158.
  16. Marsh 2015, p. 3.
  17. "Indonesia". US Department of State. 13 Setyembre 2011. Nakuha noong 25 Nobyembre 2022. The Ministry of Religious Affairs estimates that 10 million Hindus live in the country and account for approximately 90 percent of the population in Bali. Hindu minorities also reside in Central and East Kalimantan, the city of Medan (North Sumatra), South and Central Sulawesi, and Lombok (West Nusa Tenggara). Hindu groups such as Hare Krishna and followers of the Indian spiritual leader Sai Baba are present in small numbers. Some indigenous religious groups, including the "Naurus" on Seram Island in Maluku Province, incorporate Hindu and animist beliefs, and many have also adopted some Protestant teachings. [Tinataya ng Ministeryo ng Ugnayang Panrelihiyon na may 10 milyong Hindu na naninirahan sa bansa at tinatayang 90 porsyento [sa kanila] ang nasa Bali. Nakatira rin ang mga minoridad na Hindu sa Gitna at Silangang Kalimantan, sa lungsod ng Medan (Hilagang Sumatra), Timog at Gitnang Sulawesi, at sa Lombok (Kanlurang Nusa Tenggara). Meron din ditong mga maliliit na bilang ng mga grupong Hindu tulad ng Hare Krishna at ang mga tagasunod ng Indiyanong pinunong espirituwal na si Sai Baba. May iilang panrelihiyong grupong katutubo, kabilang na ang mga "Naurus" sa isla ng Seram sa lalawigan ng Maluku ang nagsasama sa mga paniniwalang Hindu at animismo, at marami din ang nagsasama sa mga turo ng Protestantismo.]
  18. Bakker, Freek L. (1997). "Balinese Hinduism and the Indonesian State: Recent Developments" [Hinduismo sa Bali at ang Estado ng Indonesia: Mga Kamakailang Pagbabago]. Bijdragen tot de Taal-, Land- en Volkenkunde. Brill (153). Nakuha noong 25 Nobyembre 2022.
  19. Ramstedt, Martin (2004). Hinduism in Modern Indonesia: A Minority Religion Between Local, National, and Global Interests [Hinduismo sa Modernong Indonesia: Isang Minoridad na Relihiyon sa Pagitan ng mga Lokal, Pambansa, at Pandaigdigang Interes]. Routledge. pp. 7–12. ISBN 978-0-7007-1533-6.

Bibliograpiya[baguhin | baguhin ang wikitext]

Link sa labas[baguhin | baguhin ang wikitext]

May kaugnay na midya ang Hinduismo sa Asya sa Wikimedia Commons