Pangunahing pagkain

Pamanang bigas mula sa Cordillera

Ang pangunahing pagkain, pagkaing isteypol, o isteypol lamang, ay isang pagkain na madalas kinakain at sa ganoong dami ay bumubuo ng karamihang bahagi ng isang karaniwang diyeta para sa isang indibidwal o isang pangkat ng populasyon, na nagbibigay ng malaking bahagi ng kinakailangang enerhiya at bumubuo rin ng makabuluhang proporsiyon ng pagkonsumo ng mga iba pang sustansiya. Kapag tao ang pinag-uusapan, araw-araw o sa bawat kainan kinakain ang isteypol ng isang partikular na lipunan, at nabubuhay ang karamihan ng mga tao sa diyetang batay lamang sa iilang baryante ng isteypol. Nag-iiba ang mga isteypol sa bawat lugar, ngunit tipikal na mura at madaling hanapin ang mga ganitong pagkain na nagsusuplay ng isa o higit pa sa mga makrosustansiya at mikrosustansiya na kinakailangan para mabuhay at maging malusog: mga karbohidrata, protina, taba, mineral, at bitamina. Kabilang sa mga karaniwang halimbawa ang mga butil (siryal at legumbre), binhi, nuwes at halamang-ugat (mga bukol at ugat). Sa mga ito, bumubuo sa halos 90% ng pagkonsumo ng kaloriyang de-pagkain sa mundo ang mga siryal (bigas, trigo, obena, mais, atbp.), mga legumbre (lentehas at bins) at mga bukol (e.g. patatas, gabi at tugi).

Galeriya

• 
  Kanin
• 
  Tinapay na gawa sa harinang de-trigo
• 
  Pasta
• 
  Couscous
• 
  Mais
• 
  Edamame (berdeng balatong)
• 
  Bitsuwelas
• 
  Mga binhi ng batad at binusang batad
• 
  Butil ng dawa
• 
  Amaranto (kaliwa) at karaniwang beri ng trigo
• 
  Koloradong quinoa
• 
  Mga ugat ng kamoteng-kahoy
• 
  Tugi
• 
  Ensaladang kamote
• 
  Ulluco
• 
  Oca
• 
  Mga ugat ng gabi
• 
  Patatas
• 
  Platano at saging