Helsinki
Lungsod ng Helsinki Helsinki Helsingfors | |||
|---|---|---|---|
municipality of Finland | |||
-2_(s%C3%A4%C3%A4t%C3%B6).jpg) | |||
| |||
 | |||
 | |||
| Mga koordinado: 60°10′15″N 24°56′15″E / 60.1708°N 24.9375°E | |||
| Bansa |  Finland | ||
| Lokasyon | Uusimaa, Southern Finland Regional State Administrative Agency, Finland | ||
| Itinatag | 12 Hunyo 1550 (Huliyano) | ||
| Pamahalaan | |||
| • Mayor of Helsinki | Juhana Vartiainen | ||
| Lawak | |||
| • Kabuuan | 214.42 km2 (82.79 milya kuwadrado) | ||
| Populasyon (29 Pebrero 2024)[1] | |||
| • Kabuuan | 675,747 | ||
| • Kapal | 3,200/km2 (8,200/milya kuwadrado) | ||
| Sona ng oras | UTC+02:00 | ||
| Wika | Wikang Pinlandes, Wikang Suweko | ||
| Websayt | https://www.hel.fi/ | ||
.svg)
Ang Helsinki (Suweko: Helsingfors; Lapon: Helsset) ay ang kabisera at pinakamalaking lungsod sa Pinlandiya. Ito ay nasa rehiyon ng Uusimaa, matatagpuan sa timog Pinlandiya, sa baybayin ng Golpo ng Pinlandiya, na isang bisig ng Dagat Baltiko. Ang populasyon ng lungsod ng Helsinki ay 588,941 (base sa Enero 2011)[2], at dahil dito ay siyang pinakamataong bayan sa Pinlandiya. Ang Helsinki ay matatagpuan sa kulang-kulang na 400 km (250 mi) silangan ng Estocolmo, Swesya, 300 km (190 mi) kanluran ng San Petersburgo, Rusya at 80 km (50 mi) hilaga ng Tallinn, Estonya. Ang Helsinki ay may malalapit na kaugnayang pangkasaysayan sa tatlong lungsod na ito.
Ang Kalakhang Helsinki ay sumasaklaw sa lungsod ng Helsinki at tatlo pang ibang mga lungsod: Espoo at Vantaa, na agad na nasa tabi ng Helsinki sa kanluran at hilaga nito; at ang Kauniainen, na isang engklabe sa loob ng lungsod ng Espoo. Ang Kalakhang Helsinki ay ang pinaka-hilagang kalakhan sa daigdig sa mga may populasyong higit sa 1 milyong tao, at ang lungsod ay ang pinaka-hilagang kabisera ng isang kasaping-bansa ng Unyong Europeo. Sa bilang na 1.3 milyong tao, tinatayang isa sa apat na mga Pinlandes, ang nakatira sa dako ng Kalakhang Helsinki.
Ang Helsinki ay ang pangunahing sentrong pampolitika, pang-edukasyon, pansalapian, pangkultura at pangsaliksikan at gayon din ay isa sa mga malalaking lungsod ng Hilagang Europa. Tinatayang 70% ng mga dayuhang kompanya na umiiral sa Pinlandiya ay nakabase sa rehiyon ng Helsinki.[3]
Ang karatig-lungsod na Vantaa sa kalakhang Helsinki ay ang kinalalagyan ng Paliparan ng Helsinki-Vantaa, na may madalas na mga biyahe sa maraming destino sa Europa at Asya. Simula noong 2009, ang Helsinki ay nagpaplano ng pagkikipag-isa (merger) sa Vantaa. Noong 30 Marso 2009 and konsilyong panlungsod ng Vantaa ay sumang-ayon na suriin ang mungkahi ng posibleng pagsasama, habang idiniin na ang pagsusuri ay hindi tungkol sa maaaring pagkawala ng pag-iral ng lungsod ng Vantaa[4]. Noong 31 Enero 2011 ang konsilyong panlungsod ng Vantaa ay tumanggi sa mungkahi ng Helsinki ng posibleng pagsasama, na may 45 boto laban sa mungkahi habang may 22 na sang-ayon dito.[5]
Noong 2009, ang Helsinki ay pinili bilang World Design Capital para sa 2012[6] ng International Council of Societies of Industrial Design. Mahigpit ang naging labanan sa pagitan ng Helsinki at ng Eindhoven para sa titulong ito.
Mga Kawing Panlabas
[baguhin | baguhin ang wikitext]Mga sanggunian
[baguhin | baguhin ang wikitext]- ↑ "Finland's preliminary population figure was 5,608,218 at the end of February 2024".
- ↑ Population Information System. Population Register Center of Finland. http://vrk.fi/default.aspx?docid=4258&site=3&id=0 Naka-arkibo 2014-09-19 sa Wayback Machine.. Retrieved 18 Pebrero 2011.
- ↑ "Archive copy". Inarkibo mula sa orihinal noong 2007-12-02. Nakuha noong 2007-12-02.
{{cite web}}: CS1 maint: archived copy as title (link) CS1 maint: date auto-translated (link) - ↑ "Archive copy". Inarkibo mula sa orihinal noong 2009-06-04. Nakuha noong 2011-07-12.
{{cite web}}: CS1 maint: archived copy as title (link) CS1 maint: date auto-translated (link) - ↑ Helsingin Sanomat, 1 Pebrero 2011, pp. A12-A13.
- ↑ Worlddesigncapital.com. 2009-11-25. Retrieved 2010-04-13.