Si Mao Zedong (o Mao Tse-tung) (26 Disyembre 1893 - 9 Setyembre 1976), ay isang rebolusyonaryo at komunistang pinuno ng Tsina. Siya ang pinuno ng Republikang Popular ng Tsina magmula nang itatag ito noong 1949 hanggang sa kaniyang kamatayan noong 1976. Nagapi ni Mao, na isang Intsik na Han, ang isang hukbong makabansa para sa pagkontrol ng Tsina.[1] Karaniwan siyang tinutukoy bilang Chairman Mao ("Tagapangulong Mao") sapagkat pinamunuan niya ang Republikang Popular ng Tsina bilang tagapangulo o chairman ng Partidong Komunista ng Tsina. Ang kaniyang mga teoriyang Marxista-Leninista, mga estratehiyang militar at mga patakarang pampulitika ay magkakasamang nakikilala bilang Marxismo-Leninismo-Maoismo (na madalas pinaiikli bilang Maoismo) o Kaisipang Mao Zedong (Kaisipang Mao Tse-tung).