Talaan ng naiulat na mga minumultong lugar sa Pilipinas

Mula sa Wikipediang Tagalog, ang malayang ensiklopedya
Jump to navigation Jump to search
Ang Education Building (ngayo'y Gusaling Ospital ng UST) ay isa sa mga pangunahing gusali na pinamamahayan ng mga nakapiit sa Kampong Piitan ng Santo Tomas. Makikita ang mga kubo at hardin ng behetasyon malapit sa gusali at nasa likuran ang pader ng kompound ng pamantasan.

Ito ay isang talaan ng naiulat na mga minumultong pook o lugar sa Pilipinas. Ang mga ganitong uri ng ulat ay bahagi ng ghostlore na isang anyo ng alamát o kuwentong-bayan.

Nasa wikang Ingles ang mga entry upang maintindihan nang lubusan, ngunit ang mga kawing ay nasa wikang Tagalog at kumakawing sa mga tinutukoy na artikulo.

Luzon[baguhin | baguhin ang batayan]

Kalakhang Maynila[baguhin | baguhin ang batayan]

Kalye Balete
Manila Film Center
Gusaling Panlungsod ng Maynila sa gabi.
  • Manila City Hall: Naniniwala ang ilang mga empleyado na ang gusaling panlungsod ay minumulto paglampas ng 6:00 sa gabi. Ayon din sa mga naniniwala, ang gusaling panlungsod ay hugis-"kabaong" pag-tiningnan mula sa itaas, ngunit sinasabi naman ng iba na kahawig lamang ito ng kalasag ng Knights Templar.[2][6][10]
  • Manila Film Center: Isang pangunahing bahagi ng Sentrong Pangkultura ng Pilipinas, naging sityo ang pasilidad ng isang sakuna sa pagtatayo noong 1981. Nang minadali ang pagtatayo ng sentrong pampelikula para sa isang kapistahang pampelikula, bumagsak ang andamyong sumusuporta sa kisame na ikinasawi ng ilang manggagawa. Sa halip na ihinto ang pagtatayo upang sagipin ang mga nakaligtas at kunin ang labi ng mga namatay, pinaniniwalaang inutos ni dating Unang Ginang Imelda Marcos (ang pangunahing mamumuhunan ng proyekto) na buhusan ng semento ang orkestra na nagpalibing sa mga nahulog na manggagawa, ilan pa sa kanila ay nailibing nang buhay. Naiulat ang mga samu't-saring pagpaparamdam ng mga multo tulad ng mga hindi maipaliwanag na mga tunog, tinig, at aktibidad ng poltergeist. Noong huling bahagi ng dekada-1990, isang pangkat na nagngangalang Spirit Questors ay nagsimulang bumisita sa pasilidad upang subukang tawagin at papayapain ang mga kaluluwa. Sinasabing tumahimik na ang ilan sa kanila, ngunit nananatili pa umano ang iba sa kanila.[2][6][13][14]
  • Miriam College: Sinasabi ng mga naniniwalang mag-aaral na may isang multo ng madre na nagpaparamdam sa banyo ng mga babae sa ikalawang palapag ng Gusaling Caritas.[15]
Ozone Disco noong 2008.
  • Ozone Disco: Isang dating disco sa Lungsod Quezon na pinangyarihan ng pinakamalalang sunog sa kasaysayan ng Pilipinas. Ikinasawi ito ng di-bababa sa 162 katao at ikinasaktan ito ng di-bababa sa 95 katao.[16][17][18][19] Giniba ang gusali ng disco noong 2015, at kasalukuyang inookupahan ang lugar ng GoodAh!!!, isang 24-oras na kainan na pinatatakbo rin ni Boy Abunda, at sinasabing nabawasan ang mga pagpaparamdam ng mga multo sa lugar magmula noon.[10][14][20][21]
  • PNB Branch Pasay: Ang ikalimang palapag ng sangay ng PNB sa Pasay sa Bulebar Roxas ay ginamit bilang morge para sa 16-hanggang-25 biktima sa isang sunog sa otel ng Regent of Manila noong Pebrero 13, 1985. Sa hiling ng mga dating umokupa, nagsagawa ng mga eksorsismo (o pagpapalayas ng mga masasamang espiritu) sa nabanggit na palapag dahil sa napapadalas na aktibidad-paranormal.[2]
  • Polytechnic University of the Philippines: Ang Bulwagang Claro M. Recto ay kinaroroonan ng isang tanghalang kung saan ang mga silid sa likod ng entablado ay lugar ng pagpapakita ng isang sunog na nilalang na pinatunayan ni Segundo "Dodie" Dizon, direktor at propesor ng tanghalan. Isa ring lugar ng mga aktibidad paranormal ang Kolehiyo ng Inhenyeriya kung saang malimit na tinutunguhan ito ng kaluluwa ng isang yumaong propesor, maliban sa multo ng isang bata at isang babaeng nakaputi. Itinampok ang unibersidad sa programang Magandang Gabi, Bayan ng ABS-CBN bilang bahagi ng Espesyal na Kabanatang Pang-Halloween nito noong 2005.
  • Robinsons Galleria: Iniwasan ng karamihan sa mga babaeng mamimili ang almasen (department store) nito noong dekada-1980 dahil sa mga bulung-bulungan ng isang kalahating-tao at kalahating-ahas na nilalang na nakatira umano sa silong ng gusaling-pampamilihan.[6]
  • Starmall Alabang: Matatagpuan ito sa dating kinatatayuan ng Sementeryong Alabang. Sinasabi ng mga naniniwala na may mga multong nagpaparamdam sa mga teatro o sinehan nito.[2][6][8]
  • University of the Philippines Diliman Campus: Sinasabi ng mga naniniwala na ang mahabang kasaysayan nito ay sanhi ng umano ay mga pagpapamulto nito. Ilan sa mga pook ng iniulat na aktibidad paranormal ay Kolehiyo ng Musika, Gusaling Vanguard, at Bulwagang Palma. Ang Tanghalang Guerrero na nasa ikalawang palapag ng Bulwagang Palma ay di-umano pinamamahayan ng kaluluwa ng isang batang babaeng aktres ng bulwagan na nagpakamatay sanhi ng pangingibabaw ng isang bagong aktres sa kaniyang katanyagan.[2][22]
  • University of Santo Tomas: Pinaniniwalaang minumulto rin ang pinakamatandang pamantasan sa bansa dahil sa napakahabang kasaysayan nitong buhat pa ng panahon ng mga Kastila. Nagsilbi rin itong kampong piitan noong Ikalawang Digmaang Pandaigdig kung saang karamihan sa mga bihag ay "mga kalabang banyaga," karamihan ay mga Amerikano, na nakatira sa Pilipinas. Marami sa mga nabilanggo ay namatay sa gutom, sakit, at iba pa. Saksi rin ang unibersidad sa pagpapatiwakal ng sinawing-palad na mga mag-aaral, tulad ng babaeng multo sa isa sa mga banyo ng Pangunahing Gusali.[2][10][9] Pinatunayan ni Rolando de la Rosa, dating Rector Magnificus ng UST, sa isang panayam hinggil sa di umano ay isang lansakang libingan malapit sa museo ng UST.

Bataan[baguhin | baguhin ang batayan]

  • Ruins of Lazareto de Mariveles: Matatagpuan ito sa gitna ng Mariveles. Ito ay ang unang himpilan ng pagkukuwarentas o paghihiwalay sa iba na binomba noong panahon ng pananakop ng mga Hapones.[23]

Benguet[baguhin | baguhin ang batayan]

Baguio[baguhin | baguhin ang batayan]

Sinasabing pinagmumultuhan nang husto ang Baguio, na pinakamalaking lungsod sa Hilagang Luzon at tanyag na paroroonan ng mga turista. Nakakalat sa lungsod ang ilang mga minumultong lugar tulad ng mga sementeryo, lumang otel, at ibang mga sityo na kung saang dating nakatayo ang mga istraktura hanggang sa naganap ang lindol noong 1990 na ikinawasak ng mga ito at ikinasawi o ikinasugat ng mga tao sa loob ng mga nabanggit na istraktura. Naging lugar din ang lungsod ng ilan sa mga malupit na kabuktutan noong Ikalawang Digmaang Pandaigdig.[8][24][25][26] Kabilang sa mga gayong lugar ay:

  • Casa Vallejo: Ang pinakalumang otel sa lungsod na itinayo noong 1909 upang tirhan ng mga pangunahing tauhan ng Bureau of Public Works, bago maging isang otel noong 1923. Sinasabing naging lugar ng detensiyon ito noong 1917 para sa mga Alemang nabihag[25]
  • Dominican Hill Retreat House: Kadalasang kilala bilang Diplomat Hotel, isa itong seminaryo na naging isang otel paglaon. Matatagpuan sa ibabaw ng Burol Dominikano, itinuturi itong pinakaminumultong lugar ng lungsod dahil ito'y naging sityo ng maraming mga karahasang ginawa ng mga sundalong Hapones noong Ikalawang Digmaang Pandaigdig[8][14][25][26]
  • Hyatt Terraces Hotel: Dati isang otel na may labindalawang palapag na naguho noong lindol ng 1991. Ikinamatay ito ng hindi bababa sa 50 katao. Sinasabi ng mga naniniwala na lumilibot ang mga kaluluwa ng mga nasawi sa ngayo'y bakanteng sityo.[25][26]
  • Laperal White House: Kilala rin bilang Laperal Guesthouse, itinatag ito ni Roberto Laperal noong dekada-1930 bilang bahay-bakasyunan para sa kaniyang pamilya. Noong Ikalawang Digmaang Pandaigdig, inokupa ito ng mga sundalong Hapones at ginawang kampamento na kung saang gumawa sila ng samu't-saring mga karahasan, tulad ng labis na pagpapahirap o pagpatay sa mga hinihinalaan nilang tiktik na naglilingkod sa Estados Unidos at mga kaalyadong bansa nito. Noong 2007 binili ito ni Lucio Tan na isa sa mga tanyag na Pilipinong Intsik na negosyanteng bilyonaryo. Kasalukuyan itong museo ng gawang-lokal na mga Filipinong sining-gawa yari sa kawayan at kahoy.[9][26][12]
  • Loakan Road: Ang pasukang daan sa Paliparan ng Loakan, ipinahahayag ng mga naniniwala na may nagmumulto na naglalahong nakikisakay sa daan, na sinasabing isa siyang biktima ng panggagahasa.[25][26]
  • Philippine Military Academy: Pinaniniwalaang minumulto rin ang paaralang militar ng Sandatahang Lakas ng Pilipinas (AFP), tulad ng mga parang multong plutonyo (platoons) na nagmamattsa sa bakuran ng parada sa kahulihan ng gabi.[8]
  • Teacher's Camp: Unang itinayo ng mga Tomasitong guro na Amerikano bilang lugar ng pagsasanay, isa na itong sentro ng pagsasanay sa mga guro ng bansa. Sinasabing itinayo ito sa lugar ng pakikibaka ag digmaan ng mga dating katutubo.[8][9][25][26]

Bulacan[baguhin | baguhin ang batayan]

Bahay na Pula in 2014

Cavite[baguhin | baguhin ang batayan]

Mga guho ng ospital ng Corregidor. Ayon sa mga naniniwala, maririnig pa rin sa naturang sityo ang mga tunog ng mga yapak ng paa pati karaniwang mga gawaing ospital.
  • Corregidor: Isang makasaysayang pulo sa pasukan ng Loók ng Maynila na may mahalagang papel noong Ikalawang Digmaang Pandaigdig, sa kasagsagan ng pananalakay at pagpapalaya ng Pilipinas mula sa mga hukbong Hapones. Isang minumultong lugar sa pulo ay ang Tunel ng Malinta, na unang ginamit ng Hukbong Katihan ng Estados Unidos bilang kanilang pasilidad ng imbakan, subalit ginawa itong ospital paglaon kung saang ginamot ang nasugatang mga sundalo.[9][10][30]

La Union[baguhin | baguhin ang batayan]

Laguna[baguhin | baguhin ang batayan]

Ang Bulwagang Memoryal ng Baker ng UPLB.

Pampanga[baguhin | baguhin ang batayan]

Quezon[baguhin | baguhin ang batayan]

  • Herrera Mansion: Kilala rin bilang Old Stone House, malawakang itinuturing ito na pinakalumang bahay ng Tiaong. Dinisenyo ito ni Tomás Mapua noong 1920. Ang mga unang may-ari nito ay sina Isidro at Juliana Herrera, ngunit matagal na ito nakatiwangwang at nasisira na ito dahil sa mga dekada ng hindi paggamit. Ginigiit ng mga naniniwala ang mga multo mula sa panahon ng pananakop ng mga Hapones sa bansa.[9][12][36]
  • Mount San Cristobal: Isang bundok sa bayan ng Dolores na pinaniniwalaan ng mga katutubo na naglalabas umano ito ng hindi kaaya-ayang enerhiya.[37]

Visayas[baguhin | baguhin ang batayan]

Antique[baguhin | baguhin ang batayan]

  • Evelio B. Javier Freedom Park: Matatagpuan sa harap ng kapitolyong panlalawigan sa kabiserang bayan ng San Jose de Buenavista, naganap dito ang pagpaslang sa dating gobernador ng Antique na si Evelio Javier noong 1986.[8]

Cebu[baguhin | baguhin ang batayan]

Museo ng Casa Gorordo
Museo Sugbo
  • Casa Gorordo Museum: Ang museong ito na nasa Lungsod ng Cebu ay dating pampamilyang tahanan ni Juan Gorordo na unang Filipinong obispo ng bansa. Pumanaw siya sa kaniyang silid-tulugan noong 1934. Ngunit ayon sa mga naniniwala, ang kasalukuyang museo ay minumulto ng isang babaeng multo na sinasabing kaluluwa ng isa sa mga matandang dalaga na kapatid ni Gorordo.[38][39]
  • Cebu Normal University: Matatagpuan sa Lungsod ng Cebu, ang pamantasan ay naging kampamento ng mga Hapones noong panahon ng mga Hapones.[39]
  • Escario Pension House: Isang gusaling may apat na palapag na matatagpuan sa Kalye Escario sa Lungsod ng Cebu. Sang-ayon sa mga naniniwala, may mga salaysay na nagsasaad na noong itinatayo ang gusali, isang manggagawa ay namamatay kada buwan.[14][38]
  • Fort San Pedro: Isang makasaysayang kutang militar sa Lungsod ng Cebu, pinaniniwalaan ding minumulto ito.[39]
  • Lambusan Public Cemetery: Isang pampublikong libingan sa Barangay Lambusan, San Remigio na matatagpuan sa isa sa mga pinakamahirap na lugar sa lalawigan. Iniulat na ilan sa mga labi ng mga yumao ay nakatambak lamang sa isang common area, sapagkat wala nang sapat na pera ang kani-kanilang mga pamilya at kamag-anak para makapag-bayad ng taunang upa ng mga puntod. Iniulat ng mga naniniwala na may mga multong nagpapakita sa sementeryo.[14][38]
  • Museo Sugbo: Isa pang lugar sa Lungsod ng Cebu na minumulto ayon sa mga naniniwala, dahil isa itong bilangguan noong panahon ng mga Kastila (bilang Cárcel de Cebú) at panahon ng pananakop ng mga Hapones sa bansa.[39]
  • Villalon Mansion: Matatagpuan sa Sityong Kapitolyo ng Lungsod ng Cebu, ito aay naging tahanan ng isang mayaman at masaganang pamilyang Sebwano. Ipinahahayag ngayon ng mga naniniwala na may mga multo (kabilang na ang isang babaeng nakaputi) na gumagala sa kasalukuyang hindi mapapasukan (off-limits) na sityo.[14][38][39]

Iloilo[baguhin | baguhin ang batayan]

  • Central Philippine University: Sinasabing pinagmumultuhan ito ayon sa mga naniniwala dahil sa mga nagawang kabuktutan noong Ikalawang Digmaang Pandaigdig. Maraming mga Amerikanong nagtatag sa pamantasan ay pinatay ng mga kawal na Hapones.[40]

Negros Oriental[baguhin | baguhin ang batayan]

  • Silliman University: Isang institusyong Presbiteryano sa Dumaguete na naiulat na minumulto ayon sa mga naniniwala. Ginamit itong himpilan ng mga sundalong Hapones noong Ikalawang Digmaang Pandaigdig. Kabilang sa mga minumultong gusali sa pamantasan ang Katipunan Hall gayundin ang mga tatlong gusaling dormitoryo: Edith Carson Hall, Channon Hall, at Doltz Hall. Ang Channon Hall ay ginamit ng Kempeitai (kapulisan ng puwersang Hapones) bilang kanilang punong-tanggapan at lugar ng pagpapahirap ng mga bilanggo, habang dating '"Dumaguete Mission Hospital" ang Katipunan Hall na pangunahing ospital ng Silliman gayundin pangkalahatang ospital ng buong lugar aa pumapalibot sa Dumaguete at mga bayan sa mga hangganan nito.[41]

Siquijor[baguhin | baguhin ang batayan]

Mindanao[baguhin | baguhin ang batayan]

Davao del Sur[baguhin | baguhin ang batayan]

Ang mga dating gusali ng Paliparang Pandaigdig ng Francisco Bangoy na nakatayo pa rin ngayon
  • Ateneo de Davao University - Matina campus: Matatagpuan ang kampus sa dating kinaroroonan ng isang palapagan ng mga Hapones noong Ikalawang Digmaang Pandaigdig. Iginigiit ng mga naniniwalang mag-aaral, kaguro, tauhan, at tauhan sa seguridad na may mga multo ng mga yumaong sundalong Hapones, pati ang kaluluwa ng mga yumaong mag-aaral.[43]
  • Francisco Bangoy International Airport: Kasalukuyang tinitirhan ng mga pamilyang walang tahanan ang mga dating terminal ng pangunahing paliparan ng Lungsod ng Dabaw na matatagpuan sa distrito ng Sasa. Naniniwala silang minumulto ito ng mga yumaong biktima ng pagbobomba noong Marso 2003 na ikinasawi ng 21 katao.[44]
  • Palm Drive: Isang maigsing daan sa distrito ng Buhangin ng Lungsod ng Dabaw, na ang katimugang dulo nito ay sa kanluran ng SSS Bajada at Southern Philippine Medical Center. Pinaniniwalaan ng mga naniniwala na minumulto ito ng isang babaeng kayumanggi na sinasabing isang katulong ng isa sa mga bahay sa kahabaan ng kalye na pinatay nang naganap ang sinubukang panloloob.[43]
  • Dalampasigan ng Talomo: Isang hanay ng mga bahay panuluyan sa Lungsod ng Dabaw ay sinasabing minumulto ng mga kaluluwa ng mga batang nalunod sa mga pampang ng dalampasigan.[43]
  • Roxas Night Market memoryal: Isang memoryal sa Lungsod ng Davao ang binuo noong Oktubre 2016 matapos ang "Setyembre 2, 2016 Davao City bombing" na matatagpuan sa Barangay ng Talomo tapat ng "Ateneo de Davao University" ay pinaniniwaang mayroon ng paparamdam sa memoryal.

South Cotabato[baguhin | baguhin ang batayan]

  • FitMart Heneral Santos: Isang helerang kalye ang na-bulabog ng pag-sabog noong Abril 20, 2002 ng hapon sa isang FitMart Dept. Store, Timog Dadiangas ay pinaniniwalaang may mga nag-mumulto at nag-tala ito ng 13 patay na ka-tao.
  • Pampublikong Pamilihan sa Heneral Santos: Isang hanay sa Meat section sa Heneral Santos ay pinaniniwalaang may mga nag-mumulto sa palengke, dahil sa pambobomba noong Disyembre 12, 2004, 14 ang patay, ginunita nito ang anibersaryo noong Disyembre 12, 2005 makalipas ang 1 taon sa pagtitirik ng kandila.

Talasanggunian[baguhin | baguhin ang batayan]

  1. "Spooky school stories: Ateneo edition". Rappler.com. 2 Nobyembre 2013. Nakuha noong 31 Hulyo 2016.
  2. 2.0 2.1 2.2 2.3 2.4 2.5 2.6 2.7 2.8 2.9 CNN Philippines Life Staff (28 Oktubre 2016). "I see dead people: 10 haunted places around Metro Manila". CNN Philippines. Nakuha noong 4 Nobyembre 2017.
  3. "Myths Surrounding Balete Drive". Philippines Guide. Nakuha noong 14 Nobyembre 2010.
  4. Yap, Dj (1 Nobyembre 2005). "Balete may be official "haunted" site". Philippine Daily Inquirer. Nakuha noong 18 Abril 2012.
  5. Dianne De Las Casas; Zarah C. Gagatiga (30 Setyembre 2011). Tales from the 7,000 Isles: Filipino Folk Stories. ABC-CLIO. pp. 119–. ISBN 978-1-59884-698-0. Nakuha noong 18 Abril 2012.
  6. 6.0 6.1 6.2 6.3 6.4 Bolando, AJ (29 Oktubre 2013). "5 'creepiest, scariest' places in Metro Manila". PhilStar.com. Nakuha noong 30 Hulyo 2016.
  7. "Spooky school stories: La Salle edition". Rappler.com. 2 Nobyembre 2013. Nakuha noong 31 Hulyo 2016.
  8. 8.0 8.1 8.2 8.3 8.4 8.5 8.6 8.7 8.8 Bagasbas, Rodrigo. "THE TOP TEN MOST HAUNTED SCARIEST PLACES IN THE PHILIPPINES". Haunted America Tours. Nakuha noong 31 Hulyo 2016.
  9. 9.0 9.1 9.2 9.3 9.4 9.5 9.6 9.7 Laureta, Isabelle (18 Oktubre 2016). "17 Haunted Places In The Philippines That Aren't For The Faint Of Heart". BuzzFeed. Nakuha noong 4 Nobyembre 2017.
  10. 10.0 10.1 10.2 10.3 10.4 10.5 Ramoran, Carol (29 October 2013). "Ghost hunting in the PH? Here are 7 places". Rappler. Nakuha noong 30 Hulyo 2016.
  11. ""Malacañan Palace Prowlers: Ghosts, elementals, and other phantasmagoric tales"". Presidential Museum & Library. Nakuha noong 16 Hunyo 2013.
  12. 12.0 12.1 12.2 12.3 Gloria, Gaby (7 July 2017). "Conjuring the horrific histories of Philippine haunted houses". CNN Philippines. Nakuha noong 4 November 2017.
  13. "The Manila Film Center mystery: A ghostly place or an urban legend?". Sidetrip with Howie Severino. 1 Nobyembre 2005. Sininop mula sa ang orihinal noong 3 Hunyo 2008. Nakuha noong 14 Nobyembre 2010. Cite uses deprecated parameter |deadurl= (tulong)
  14. 14.0 14.1 14.2 14.3 14.4 14.5 Galan, Daniel Drake (1 Nobyembre 2015). "Haunted places | Cebu Lifestyle, The Freeman Sections, The Freeman". PhilStar.com. Philippine Star. Nakuha noong 15 Nobyembre 2017.
  15. Smitten, Get (31 Oktubre 2015). "20 Most Haunted Places in the Philippines - Page 19 of 20". PumpDown. Nakuha noong 7 Agosto 2016.
  16. Nepomuceno, Manny (12 Oktubre 2001). "The Ozone Disco Tether". In Nomine Philippines. Sininop mula sa ang orihinal noong 22 Oktubre 2007. Nakuha noong 14 Nobyembre 2010.
  17. Associated Press (20 Marso 1996). "Disco in Manila, for 35 People, Held 400". New York Times Online. New York Times. Nakuha noong 29 Enero 2008.
  18. Vanzi, Sol Jose (12 Marso 2001). "LIGHT SENTENCES FOR OZONE DISCO OWNERS". Newsflash. Philippine Headline News Online. Nakuha noong 29 Enero 2008.
  19. Associated Press (19 Marso 1996). "At Least 150 Are Killed in Disco Fire in Manila". New York Times Online. New York Times. Nakuha noong 29 Enero 2008.
  20. Fernando G. Sepe, Jr. (17 Pebrero 2015). "LAST LOOK: Ozone Disco". ABS-CBN News. Nakuha noong 14 Abril 2016.
  21. Llanera, Melba (13 Oktubre 2016). "Remember the former Ozone Disco? It's now a food chain owned by Boy Abunda". Philippine Entertainment Portal. Nakuha noong 13 Oktubre 2016.
  22. Occenola, Paige (2 November 2013). "Spooky school stories: UP Diliman edition". Rappler. Nakuha noong 31 July 2016.
  23. ""Pinoy Shocker, Philippines' Most Haunted Places, Laman-Loob, Campus Ghost Stories, and Halloween Business!"". GMA Network. 29 Oktubre 2010. Nakuha noong 22 Hulyo 2018.
  24. Cabreza, Vincent (28 Oktubre 2007). "Horror means profit". Philippine Daily Inquirer. Nakuha noong 19 Pebrero 2008.
  25. 25.0 25.1 25.2 25.3 25.4 25.5 Palma, Renzelle Ann (23 Oktubre 2013). "Top 5 Baguio Haunted Spots". Choose Philippines. Find. Discover. Share. ABS-CBN Corporation. Nakuha noong 12 Disyembre 2016.
  26. 26.0 26.1 26.2 26.3 26.4 26.5 Vince (23 Oktubre 2014). "Five Haunted Places In Baguio City". LakbayBaguio. Nakuha noong 12 Disyembre 2016.
  27. Doyo, Maria Ceres (28 January 2016). "Remembering the 'Bahay na Pula'". Philippine Daily Inquirer. Nakuha noong 19 July 2016.
  28. Smitten, Get (31 October 2015). "20 Most Haunted Places in the Philippines". PumpDown. Nakuha noong 7 August 2016.
  29. Edgar Allan M. Sembrano (August 15, 2016). "Ilusorio house, symbol of Japan's comfort women in PH, demolished".
  30. Aquino, James (8 July 2015). "12 Real Haunted Places in Philippines that Will Terrify the Hell Out of You". TripZilla. Nakuha noong 14 August 2016.
  31. 31.0 31.1 Pastor, Pam (26 October 2013). "Spooky places in the Philippines". Philippine Daily Inquirer. Nakuha noong 31 July 2016.
  32. Smitten, Get (31 October 2015). "20 Most Haunted Places in the Philippines - Page 14 of 20". PumpDown. Nakuha noong 7 August 2016.
  33. "Haunted U.P. Los Banos, ghost and mythology side by side". GhostStoriesWorld. Nakuha noong 31 July 2016.
  34. "Visit if you dare: The 5 most haunted places in the Philippines". Journal Online. 13 Enero 2015. Nakuha noong 14 Agosto 2016.
  35. "Haunted Clark Air Base hospital in new TV documentary". Yahoo! OMG. Nakuha noong 20 Agosto 2013.
  36. Smitten, Get (31 Oktubre 2015). "20 Most Haunted Places in the Philippines - Page 2 of 20". PumpDown. Nakuha noong 7 Agosto 2016.
  37. Henares, Ivan (23 Setyembre 2007). "Mt. Cristobal (1,470+)". PinoyMountaineer. Nakuha noong 14 Agosto 2016.
  38. 38.0 38.1 38.2 38.3 Piccio, Belle (1 Nobyembre 2014). "5 Haunted Places in Cebu Perfect for Ghost Hunting". Choose Philippines. Find. Discover. Share. ABS-CBN Corporation. Nakuha noong 13 Nobyembre 2017.
  39. 39.0 39.1 39.2 39.3 39.4 Abayon, Crischellyn D. (28 Oktubre 2016). "5 hair-raising places in Cebu City". SunStar. SunStar Publishing, Inc. Nakuha noong 13 Nobyembre 2017.
  40. Albay, Rhick Lars Vladimir (28 Oktubre 2017). "CPU most haunted?". Panay News Philippines. Nakuha noong 12 Nobyembre 2017.
  41. Cabristante, Raffy (31 Oktubre 2015). "The ghosts of Silliman University". GMA News Online - GMA Network.
  42. Bolido, Linda (24 Oktubre 2004). "Who's afraid of Siquijor?". Philippine Daily Inquirer. Sininop mula sa ang orihinal noong 25 Enero 2005. Cite uses deprecated parameter |deadurl= (tulong)
  43. 43.0 43.1 43.2 "Haunted Spots in Davao". Choose Philippines. Find. Discover. Share. ABS-CBN Corporation. 29 Oktubre 2013. Nakuha noong 12 Nobyembre 2013.
  44. "Haunted airports, coffins for the living in southern PHL?". GMA Network. 27 Oktubre 2011. Nakuha noong 30 Nobyembre 2017.

Padron:Ghosts