Unang Pahina

Mula sa Wikipedia, ang malayang ensiklopedya
(Idinirekta mula sa Unang pahina)

Napiling artikulo

Si Thalía noong 2006 na nasa shooting ng patalastas.

Si Ariadna Thalía Sodi Miranda, higit na kilala bilang Thalía lamang, ay isang mang-aawit at aktres mula sa Mehiko. Isa siya sa mga kilalang aktres sa telebisyon, at nakapagbenta ng tinatayang 25 milyong rekord sa buong mundo. Binansagan bilang "Reyna ng Latinong Pop", tinturing siyang isa sa pinakamatagumpay at pinakamaimpluwensyang artistang Mehikano. Maliban sa katutubong wikang Kastila, umawit din si Thalía sa Ingles, Pranses, Portuges, at Tagalog. Nakatanggap siya ng maraming mga parangal, kabilang ang limang Parangal ng Musikong Latino ng Billboard, walong Parangal ng Lo Nuestro, at gayon din ang pitong nominasyon sa Parangal sa Latinong Grammy at ang natatangi nilang "Meritong Parangal ng Pangulo" noong 2019. Mayroon siyang kolaborasyon sa iba't ibang artistang pangmusika, tulad nina Tony Bennett, Michael Bublé, Robbie Williams, Marc Anthony, Laura Pausini, Romeo Santos, Maluma, Fat Joe, at Carlos Vives. Bilang isang aktres, bumida si Thalía sa iba't ibang matagumpay na mga telenobela na umere sa 180 bansa na may tinatayang 2 bilyong manonood sang-ayon sa UNICEF, na nagdulot sa pagbabansag sa kanya bilang "Reyna ng mga Telenobela" ng mga mamamahayag. Nakatulong ang pandaigdigang epekto ng kanyang telenobela na pasikatin ang kanyang musika sa mga teritoryo hindi nagsasalita ng Kastila at mga merkado sa Europa at Asya. Pinangalanan siya ng Televisa, isang kompanyang midya sa Mehiko, bilang ang telenobelang artistang may pinakamataas na suweldo sa kasaysayan, habang pinangalanan siya ng Billboard bilang ang pinakakilalang bituin ng soap na nagsasalita ng Kastila sa buong mundo. Tinuturing bilang isang ikono ng Latinong pop, tinawag si Thalía ng magasin na Ocean Drive bilang "ang pinakamalaking bituin sa Mehiko na nailuwas sa mga huling dekada". Napasama siya sa Pinakamagaling na mga Latinong Artista sa Lahat ng Oras ng Billboard noong 2008. Noong Disyembre 5, 2013, pinarangal siya ng isang bituin sa Hollywood Walk of Fame bilang isang pagkilala sa kanyang mga natamo sa industriya ng musika. Bilang isang negosyante, natamo niya ang tagumpay sa isang tatak pangmoda (dahil mayroon siyang kontrata sa Macy's), gayon din mayroon din siyang sariling palatuntunan sa radyo sa kanyang bansa at naging may-akda ng apat na aklat, kabilang ang isang talaarawan. Sa kanyang karera, napabilang si Thalía sa mga makataong dahilan at isa siyang Embhador ng Mehiko ng UNICEF simula pa noong 2016.

Alam ba ninyo ...

วัดพระศรีรัตนศาสดารามและพระบรมมหาราชวัง เขตพระนคร กรุงเทพมหานคร (51).jpg

Napiling larawan

Berlin Opera UdL asv2018-05.jpg

Ang Staatsoper Unter den Linden, kilala rin bilang Staatsoper Berlin (o Operang Pang-estado ng Berlin), ay isang nakatalang gusali sa bulebar Unter den Linden sa sentrong pangkasaysayan ng Berlin, Alemanya. Ang bahay opera ay itinayo sa pamamagitan ng utos ng Prusong hari na si Federico II ng Prusya mula 1741 hanggang 1743 ayon sa mga plano ni Georg Wenzeslaus von Knobelsdorff sa estilong Palladiana

May-akda ng larawan: A.Savin

Sa araw na ito (Pebrero 2)

Patungkol

Ang Wikipedia ay isang proyektong online na ensiklopedya na panlahat, nakasulat sa maraming wika, at pinagtutulungan ang paggawa ng mga artikulo sa prinsipyong wiki. Naglalayon ang proyektong ito na mag-alok ng mga nilalaman na malayang muling magagamit, walang pinapanigan, at napapatunayan, na maaring baguhin at mapabuti ninuman. Nakikilala ang Wikipedia sa pamamagitan ng mga naitatag na prinsipyo. Nakalisensya ang nilalaman nito sa ilalim ng Creative Commons BY-SA. Maari itong kopyahin at muling gamitin sa ilalim ng parehong lisensya, na sumasailalim sa paggalang sa mga kondisyon. Ibinbigay ng Wikipedia ang mga nilalaman nito ng walang bayad, walang patalastas, at hindi nagsasamantala sa paggamit ng personal na datos ng mga gumagamit nito.

Mga boluntaryo ang nag-aambag o patnugot ng mga artikulo sa Wikipedia. Nakikipag-ugnayan sila sa isa't isa tungkol sa kanilang mga pagsisikap sa loob ng pamayanang nagtutulungan at walang pinuno.

Sa ngayon, mayroon ang Wikipediang Tagalog na:
43,896
artikulo
141
aktibong tagapag-ambag

Paano makapag-ambag?

Maaring maglathala ng online na nilalaman ang kahit sino basta't sundin nila ang mga pangunahing alintuntuning itinakda ng Pundasyong Wikimedia at ng pamayanan; halimbawa, pagpapatunay ng nilalaman, notabilidad, at pagkamagalang.

Maraming mga pahinang pantulong ang mababasa mo, partikular sa paglikha ng artikulo, pagbago ng artikulo o pagpasok ng litrato. Huwag mag-atubiling magtanong para sa iyong unang mga hakbang, partikular sa isa sa mga proyektong tematiko o sa iba't ibang espasyo para sa mga usapan

Ginagamit ang mga pahinang usapan upang isentralisado ang mga naiisip at kumento para mapabuti ang isang partikular na artikulo o pahina. Mayroon din sentrong portal o puntahan ng pamayanan, ang Kapihan, kung saan puwedeng pag-usapan ang pangkalahatang alalahanin sa pamayanang Wikipediang Tagalog. Pindutin ito upang magtanong o maghayag ng iyong naiisip para mapabuti pa ang Wikipediang Tagalog.

Kaganapan

Papst Benedikt XVI in Berlin 2011.jpg
  • Si Papa emerito Benedicto XVI (nakalarawan), na naglingkod mula 2005 hanggang sa kanyang pagbitiw noong 2013, ay namatay sa gulang na 95; nakatakdang siyang ilibing sa Enero 5.
  • Niligtas ng Hukbong-dagat ng Lebanon at ng Mga Nagkakaisang Bansa ang isang tumaob na bapor ng 232 migrante sa Dagat Mediteraneo. Dalawang tao ang nasawi sa magdamag na insidente.
  • Pinalitan ng Kroasya ang kanilang pananalapi mula sa kuna tungo sa euro upang maging ika-20 kasapi ng Eurosona, at sumali sa walang pasaporteng sona sa Europa, ang Lugar na Schengen.
  • Pinasara ng Pangasiwaan sa Abyasyong Sibil ng Pilipinas ang espasyong panghimpapawid ng bansa sa halos anim na oras dahil sa pagkawala ng kuryente sa sentro nito ng pamamahala ng trapiko ng himpapawid, na nakaapekto sa higit sa 200 lipad pangkomersyo at higit sa 56,000 pasahero.
  • Paglalakbay sa panahon ng pandemya ng COVID-19: Pinabatid ng Australya at Canada na kailangang magpakita ng negatibong resulta ng COVID-19 ang mga manlalakbay mula Tsina upang makapasok sa kanilang bansa simula Enero 5.
   Mga Wikipedia sa iba pang mga wika