Laguna

Lalawigan ng Laguna
—  Lalawigan  —
Sagisag
Bansa	Pilipinas
Rehiyon	CALABARZON (Rehiyon IV-A)
Pagkatatag	Marso 10, 1917
Kabisera	Santa Cruz
Dibisyon	Lungsod (mataas na urbanisado)—0, Lungsod (bahagi)—6, Bayan—24, Barangay—674, Distrito—4
Pamahalaan
• Gobernador	Emilio Ramon "E.R" Ejercito
Laki(ika-17 pinakamaliit)
• Kabuuan	1,759.7 km2 (679.4 sq mi)
Wika	Tagalog, Ingles

Para sa ibang paggamit, tingnan ang Laguna (paglilinaw).

Ang Laguna ay isang lalawigan ng Pilipinas na matatagpuan sa rehiyong CALABARZON sa Luzon. Santa Cruz ang kapital nito at matatapuan sa timog-silangan ng Kalakhang Maynila, timog ng lalawigan ng Rizal, kanluran ng Quezon, hilaga ng Batangas at silangan ng Cavite. Halos pinapaligiran ng Laguna ang Laguna de Bay, ang pinakamalaking lawa sa bansa. Nakuha ng lalawigan ang pangalan nito mula sa Kastilang salita na lago, na nangangahulugang lawa.

Kilala ang Laguna bilang lugar ng kapanganakan ni José Rizal, ang pambansang bayani ng Pilipinas. Kilala din sa mga turista ang Talon ng Pagsanjan, Liwasang Bayan ng Pila, Laguna, ang mga inukit na kahoy na nilikha na mga tao sa Paete at Pakil, ang mga maiinit na bukal sa Los Baños sa gulod ng Bundok Makiling at ang Hidden Valley Springs sa Calauan.

Heograpiya

Politikal

Nahahati ang Laguna sa 23 bayan at 7 lungsod.

Mga lungsod

• Lungsod ng Biñan
• Lungsod ng Cabuyao
• Lungsod ng Calamba
• Lungsod ng San Pablo
• Lungsod ng Santa Rosa
• Lungsod Kalikasan at Agham ng Los Baños
• Lungsod ng San Pedro

Mga bayan

Alaminos Bay Calauan Cavinti Famy Kalayaan Liliw

Luisiana Lumban Mabitac Magdalena Majayjay Nagcarlan Paete Pagsanjan

Pakil Pangil Pila Rizal Santa Cruz Santa Maria Siniloan Victoria

Klima

Ang lalawigan ay tuyot mula Nobyembre hanggang Abril at basa sa nalalabing bahagi ng taon sa maliit na bahagi malapit sa katimugang hangganan. Ang ibang bahagi, sa kanluran ng bayan ng Santa Cruz, ay nakakaranas ng tuyong panahon mula Nobyembre hanggang Abril at tag-ulan sa nalalabing bahagi ng taon. Ang silangan at katimugang bahagi ay hindi katulad ang panahon, na mas madalas ang tag-ulan sa kabuuan ng taon.

Kasaysayan

Ang pangalan ng lalawigan ng Laguna ay isinunod sa Laguna de Bay, isang bahagi ng katubigan na bumubuo sa hilagang hangganan ng lalawigan. Ang Laguna de Bay naman, ay isinunod sa pangalan ng bayan ng Bay (Ang salitang Laguna de Bay ay hango sa salitang Kastila na nangangahulugang "Lawa ng Bay"), ang pinakaunang punong bayan ng lalawigan. Si Kapitan Juan de Salcedo kasama ng pulutong ng isang daang sundalong Kastilang-Mehikano at ilang bilang ng mga kaalyadong mga Bisaya ay sinakop ang lalawigan at ang mga nakapalibot na rehiyon para sa Espanya noong 1571. Pitong taon makalipas, dalawang Fransiskanong mga prayle ang nagsimulang binyagan ang mga tao doon.