Dipolog

Mula sa Wikipediang Tagalog, ang malayang ensiklopedya
(Idinirekta mula sa Lungsod ng Dipolog)
Tumalon sa: nabigasyon, hanapin
Lungsod ng Dipolog
Lungsod
Mapa ng Zamboanga del Norte na nagpapakita ng lokasyon ng Dipolog.
Mapa ng Zamboanga del Norte na nagpapakita ng lokasyon ng Dipolog.
Bansa Pilipinas
Rehiyon Zamboanga Peninsula (Rehiyon IX)
Lalawigan Zamboanga del Norte
Pamahalaan
Lawak
 • Kabuuan 241.13 km2 (93.10 sq mi)
Populasyon (2010)
 • Kabuuan 120,460
Sona ng oras PST (UTC+8)
Kodigo Postal 7100
Kodigong pantawag 65
PSGC 097202000

Ang Dipolog, opisyal na Lungsod ng Dipolog (pagbigkas: di•pó•log; Cebuano: Dakbayan sa Dipolog) ay isang lungsod at siya ring kabisera ng lalawigan ng Zamboanga del Norte, Pilipinas.

Kasaysayan[baguhin | baguhin ang batayan]

Pinasinayaan ang Dipolog bilang isang ganap na bayan ng gobernador ng Lalawigang Moro John Pershing noong Hulyo 1, 1913, matapos maipatayô ang gusaling magsisilbing munisipyo ng naturang bayan. Itinalaga rin ni Pershing ang kauna-unahang alkalde ng bayan na si Pascual Martinez.

Sa kasagsagan ng Ikalawang Digmaang Pandaigdig, inilipat ng tubong-Dipolog na Gobernador ng Zamboanga na si Matias Ranillo ang kabisera ng lalawigan ng Zamboanga mula Lungsod ng Zamboanga papuntang Dipolog.[1] Nang masakop na ng puwersang Hapones ang kabayanan ng Dipolog, inilikas palayô ng kabayanan ang pamahalaang lalawigan patungo sa barrio ng Polanco.[2] Noong Agosto 22, 1951, hinawalay sa Dipolog ang nasabi at ilan pang barrio upang maging hiwalay na mga bayan ng Polanco at Piñan.[3]

Noong Enero 1, 1970, sa bisa ng Batas Republika 5520 naging lungsod ang bayan ng Dipolog.[4]

Pamahalaan[baguhin | baguhin ang batayan]

Ang sistema ng pamahalaan ng Dipolog ay gaya ng iba pang pamahalaang lokal sa Pilipinas alinsunod sa Kodigo ng Pamahalaang Lokal. Bilang isang nakapaloob na lungsod ang mga ordinansang ipinapasá ng pamahalaang lungsod ay isinusumite sa Sangguniang Panlalawigan ng Zamboanga del Norte upang masuri kung ito'y tumatalima sa angkop nitong kapangyarihan.

Tagapagpaganap[baguhin | baguhin ang batayan]

Ang alkalde o punong-bayan ang siyang nasisilbing punong tagapagpaganap ng lungsod.

Tagapagbatas[baguhin | baguhin ang batayan]

Binubuo ng Sangguniang Panlungsod ng Dipolog ng sampung regular na konsehal na halal at dalawang ex-officiong konsehal. Samantalang nagsisilbing tagapangulo ng Sangguniang Panlungsod ang bise-alkalde na siyang humahalili kapag nabakante ang posisyon ng alkalde.

Mga Barangay[baguhin | baguhin ang batayan]

Nahahati sa 21 barangay ang Dipolog, ang lima rito—Barra, Biasong, Central, Estaka, at Miputak—ay sakop ng poblacion .

Barangay Lawak (ha.) Populasyon
Barra 32.53
Biasong 32.06
Central 38.62
Cogon 1,157.79
Dicayas 594.34
Diwan 3,704.57
Estaka 80.49
Galas 703.35
Gulayon 503.01
Lugdungan 907.38
Minaog 312.24
Miputak 711.76
Olingan 711.76
Punta 446.85
San Jose 657.04
Sangkol 355.15
Santa Filomena 220.23
Santa Isabel 125.19
Sicayab 537.63
Sinaman 495.25
Turno 592.73

Talasanggunian[baguhin | baguhin ang batayan]

Mga labas na kawil[baguhin | baguhin ang batayan]

Mga koordinato: 8°35′N 123°20′E / 8.583°N 123.333°E / 8.583; 123.333