Kalye Pedro Gil

Mula sa Wikipedia, ang malayang ensiklopedya
Kalye Pedro Gil
Pedro Gil Street
Kalye Herran
Kalye Pedro Gil sa Ermita, Maynila.
Impormasyon sa ruta
Haba3.6 km (2.2 mi)
Pangunahing daanan
Dulo sa silanganKalye Calderon sa Santa Ana
 
Dulo sa kanluran N120 / AH26 (Bulebar Roxas) sa Ermita-Malate
Sistema ng mga daan
Mga daanan sa Pilipinas

Ang Kalye Pedro Gil (Ingles: Pedro Gil Street; dating Calle Herrán) ay isang pangunahing kalye panloob ng lungsod sa lungsod ng Maynila, Pilipinas. May haba ito na 3.6 kilometro (2.2 milya), at sumasaklaw sa mga distrito ng Ermita, Malate, Paco, at Santa Ana, pati na rin ang mga ilang bahagi ng San Andres.

Nagsisimula ang kalye sa sangandaan nito sa Kalye Calderon sa harap ng Simbahan ng Santa Ana sa distrito ng Santa Ana, kung saan hinahatian ito sa gitna sa pamamagitan ng pangitnang harangan ng luntiang lupain at mga iskultura na kilala bilang Plaza Felipe Calderon. Tutungo ito pakanluran hanggang sa magiging apat ang mga linya nito pagdaan ng Kalye Suter. Dadaan ito sa hilagang bahagi ng mga distrito ng San Andres at Paco kung saan babagtasin nito ang mga linya ng Philippine National Railways at Abenida Quirino. Paglampas, dadaan ito sa mga pusod ng mga distrito ng Paco, Ermita, at Malate. Dito makikita ang Robinsons Place Manila, Simbahan ng Paco, at iba pang mga lugar. Tatapos ang kalye sa sangandaan nito sa Bulebar Roxas. Sa silangan, tutuloy ito patungong Mandaluyong, at San Juan paglampas ng Ilog Pasig bilang Kalye Panaderos at Kalye Heneral Kalentong.

Ipinangalan ang kalye kay Pedro Gil, isang Pilipinong mambabatas noong unang bahagi ng dekada-1920. Kilala ito noon bilang Calle Herrán, mula kay José de la Herrán, isang Kastilang kapitan noong Labanan sa Look ng Maynila.[1]

Mga pangunahing sangandaan[baguhin | baguhin ang wikitext]

Kalye Pedro Gil malapit sa Kalye Tejeron sa Santa Ana, Maynila. Makikita sa retrato ang Plaza Felipe Calderon.
Kilometro[2] Milya Mga paroroonan Mga komento
1.062 N120 (Bulebar Roxas) / AH26
Kalye Del Pilar
Kalye Mabini
2 N170 (Abenida Taft)
Kalye Leon Guinto
N181 (Kalye San Marcelino)
Kalye General Luna, Kalye Angel Linao
N140 (Abenida Quirino)
Kalye Onyx
Linyang Pasig
4.686 Kalye Tejeron, Kalye Dr. M. Carreon

Tingnan din[baguhin | baguhin ang wikitext]

Mga sanggunian[baguhin | baguhin ang wikitext]

  1. "Did-you-know Alam mo ba?". Philippine Daily Inquirer. Nakuha noong 7 Oktubre 2013.[patay na link]
  2. "South Manila". DPWH Road Atlas. Department of Public Works and Highways. Inarkibo mula sa ang orihinal noong 2015-12-22. Nakuha noong 2017-04-05.