Abenida Gregorio Araneta

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Abenida Gregorio Araneta
(Gregorio Araneta Avenue)
Abenida Gregorio Araneta pahilaga, patungong Kalye Norberto Amoranto.
Impormasyon sa ruta
Haba: 5.3 km (3.3 mi)
Pangunahing daanan
Dulo sa Hilaga: Abenida Sarhento Rivera sa Quezon City
  Abenida Del Monte
Kalye Norberto Amoranto
Kalye Maria Clara
Abenida Quezon
Abenida Eulogio Rodriguez Sr.
Bulebar Magsaysay-Bulebar Aurora
Dulo sa Timog Kalye Nicanor Domingo sa Lungsod ng San Juan
Sistema ng mga daan

Mga daanan sa Pilipinas
Mga lansangan | Mga mabilisang daanan (talaan)

Ang abenida kasama ang itinatayong Stage 3 ng Metro Manila Skyway.

Ang Abenida Gregorio Araneta (Ingles: Gregorio Araneta Avenue) ay isang daang arteryal pang-arabal sa ligid ng Santa Mesa Heights sa Lungsod Quezon, Kalakhang Maynila, Pilipinas. Isa itong pangunahing abenida na may 6–8 linya at pangitnang harangan na itinakda bilang bahagi ng Daang Palibot Blg. 3. Dumadaan ito mula Abenida Sarhento Rivera sa hilaga hanggang Kalye Nicanor Domingo sa San Juan sa timog. Bumabagtas ito sa Abenida Del Monte, Abenida Quezon, Abenida Eulogio Rodriguez Sr., at Bulebar Magsaysay-Aurora pagdaan nito. Tumatakbo sa gitna ng abenida ang isang daluyan ng tubig na gawa ng tao, na tumitigil ng ilang sandali sa sangandaan nito sa Abenida Del Monte at tutuloy muli hanggang sa matapos ito ng tuluyan bago pa mag-Abenida Quezon. Ang haba ng Abenida Araneta ay 5.3 kilometro (3.3 milya). Dumadaan ang 230-kV na linyang transmisyon ng Sucat-Araneta-Balintawak sa malaking bahagi nito mula sa hilagang dulo hanggang sa Bulebar Aurora.

Matatagpuan ang abenida sa isang sonang bahain na malapit sa mga Ilog ng San Francisco del Monte at San Juan sa silangan nito. Madalas na bumabaha rito (kahit na may daluyan ng tubig ang abenida) tuwing tag-ulan, kung kailan umaapaw ang mga nasabing anyong tubig.

Kasaysayan[baguhin | baguhin ang batayan]

Pinangalanan ang abenida kay Gregorio S. Araneta (1869–1930), isang abogado at may-ari ng lupa na nag-mamayari sa Subdibisyong Santa Mesa Heights sa magiging puwesto ng kasalukuyang Abenida Araneta.[1] Sa hinaharap, dadaan ang Skyway Stage 3 sa kabuuan ng daan, mula sa Abenida Sarhento Rivera hanggang sa Kalye Nicanor Domingo.

Awtomatikong Panghakot ng Basura[baguhin | baguhin ang batayan]

Noong 2014, nagtayo ng Kagawaran ng Agham at Teknolohiya (DOST) ng isang awtomatikong panghakot ng basura sa sangandaan ng abenida sa Kalye Mauban, na gumagana bilang pasilidad na panlinis para sa ilog, bilang tugon sa madalasang pagbaha at mga suliranin sa basura sa lugar na iyon. Palaging nangongolekta ng mga trak ng basura ang mga basura na nakukuha mula sa ilog, gayundin ang mga basurang itinatapon sa paligid nito.[2]

Hilera ng mga Punerarya[baguhin | baguhin ang batayan]

Kilala ang abenida bilang Hilera ng mga Punerarya (Funeral Home Row) dahil dito matatagpuan ang ilan sa mga pinakakilalang punerarya sa Kamaynilaan. Ilan sa mga ito ay Arlington Memorial Chapels, La Funeraria Paz, Ascension Columbary, Cosmopolitan, Nacional Memorial Homes, at The Sanctuarium (dating Capitol Memorial). Ang pinakaunang punerarya sa abenida ay ang Funeraria Nacional na lumipat sa Abenida Araneta noong 1968, mula sa dati nitong tirahan sa Abenida Rizal. Sinundan ito ng La Funeraria Paz noong dekada-1970 at ng Arlington Memorial Chapels noong 1985 (kung kailan ginawang punerarya ang gusali ng dating Aklatan ng Thomas Jefferson sa abenida).[3]

Tingnan din[baguhin | baguhin ang batayan]

Mga sanggunian[baguhin | baguhin ang batayan]

Mga koordinato: 14°36′54″N 121°1′0″E / 14.61500°N 121.01667°E / 14.61500; 121.01667