Abenida Tomas Morato

Mula sa Wikipediang Tagalog, ang malayang ensiklopedya
Jump to navigation Jump to search
Abenida Tomas Morato
Tomas Morato Avenue
Abenida Tomas Morato sa sangandaan ng Kalye Scout Delgado.
Impormasyon sa ruta
Haba1.6 km (1.0 mi)
Pangunahing daanan
Dulo sa hilagaEugenio Lopez Drive sa Barangay South Triangle
 
Dulo sa timogAbenida Eulogio Rodriguez Sr. sa Barangay Mariana
Sistema ng mga daan
Mga daanan sa Pilipinas

Ang Abenida Tomas Morato (Ingles: Tomas Morato Avenue) ay isang kilalang kalye sa Lungsod Quezon na may apat na linya (dalawa sa bawat direksyon) at haba na 1.6 kilometro (1 milya). Nagsisimula ito sa sangandaan ng Abenida Eulogio Rodriguez Sr. sa Baranggay Mariana, New Manila, at nagtatapos ito sa Kalye Eugenio Lopez (dating Kalye Scout Albano). Sa sangandaan ng kalye at Abenida Timog matatagpuan ang monumento na ala-ala sa 22 Boy Iskawt na nasawi sa pagbagsak ng eroplano noong papunta sila sa 11th World Scout Jamboree. Sa nasabing sangandaan din matatagpuan ang dating kinalalagyan ng Ozone disco.

Kilala ang kalye bilang hilera ng mga restoran sa pook panlibangan ng Lungsod Quezon (lalo sa bandang paligid ng sangandaan ng Abenida Timog).[1] Kilala rin ang kalye sa mga bar, disco, karaoke, at klab pang-komedya nito.

Kasaysayan[baguhin | baguhin ang batayan]

Ang Abenida Tomas Morato, na ibinuksan sa publiko noong mga 1940, ay dating tinawag na Sampaloc Avenue. Pinangalanan ito dahil sa pagiging laganap ng mga punong sampalok sa kabuuan ng kalye sa mga unang taon nito. Pinaniniwalaan na itinanim nina Tomas Eduardo Morato y Bernabeu (unang alkalde ng Lungsod Quezon, 1939–1942), dating pangulo Manuel Luis Quezon, Alejandro Roces (na isang mamamahayag) ang mga nasabing puno.[2] Subalit noong 2012, dalawang punong sampalok na lamang ang natitira, sapagkat ipinutol na ang mga puno upang mabigyang-daan sa pagtatayo ng mga espasyo pamparadahan.[2][3]

Noong 1966, binigyan ng bagong pangalan ang abenida, mula sa unang alkalde ng Lungsod Quezon.[4][5] Pagpasok ng dekada-1990, napalitan ng porma ang kalye at naging patok na lugar na may mga bar na nakalinya rito katulad ng Tia Maria's.[3] Noong 1996, naganap sa sangandaan ng abenida sa Abenida Timog ang isa sa mga pinaka-nakakamatay na sunog sa nightklab sa kasaysayan ng Pilipinas.

Noong 2003, isinailalim sa isang pagsasaayos ang kalye kung saan pinaganda ang mga bangketa nito at nilagyan ng mga railing sa mga sulok nito upang maiwasan ang double parking.[6]

Mga sanggunian[baguhin | baguhin ang batayan]

  1. "Business brings more fun in Quezon City". Quezon City Business. Hinango noong 12 Mayo 2015.
  2. 2.0 2.1 "The vanishing sampaloc trees along Tomas Morato Avenue in Quezon City". GMA Network News. Hinango noong 12 Mayo 2015.
  3. 3.0 3.1 "Lifestyle mini guide to Morato Avenue's changing foodscape". Philippine Daily Inquirer. Hinango noong 12 Mayo 2015.
  4. "Republic Act No. 4749". Chan Robles Virtual Law Library. Hinango noong 11 Mayo 2015.
  5. "Milestones in History". Quezon City Government. Hinango noong 12 Mayo 2015.
  6. "Morato Avenue is public domain – City Hall". The Philippine Star. Hinango noong 12 Mayo 2015.

Mga koordinado: 14°37′53″N 121°02′04″E / 14.6313889°N 121.0344444°E / 14.6313889; 121.0344444