Bulebar Magsaysay

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin

N180 (Philippines).svg
Magsaysay Boulevard sign.svg

Bulebar Magsaysay
Magsaysay Boulevard
Bulebar Santa Mesa
Santa Mesa Boulevard
Ang ruta ng Bulebar Magsaysay sa Kalakhang Maynila. Nakapula ito sa mapa.
Tanawin ng kanlurang bahagi ng Bulebar Magsaysay mula sa himpapawid.
Impormasyon sa ruta
Haba: 2.2 km (1.4 mi)
Bahagi ng:
Pangunahing daanan
Dulo sa Kanluran: N140 (Philippines).svgN180 (Philippines).svg N140 (Abenida Lacson) / N180 (Kalye Legarda)
 

N141 (Philippines).svg N141 (Kalye Victorino Mapa)

Dulo sa Silangan N180 (Philippines).svg N130 (Abenida Gregorio Araneta) / N180 (Bulebar Aurora)
Sistema ng mga daan

Mga daanan sa Pilipinas
Mga lansangan | Mga mabilisang daanan (talaan)

Ang Bulebar Magsaysay (Ingles: Magsaysay Boulevard; na tinatawag din sa pormal na ngalan nito na Bulebar Pangulong Ramon Magsaysay) ay ang pangunahing lansangang arteryal ng Santa Mesa sa Maynila, ang kabesera ng Pilipinas. Isa itong daang may pangitnang harangan at anim na linya (tatlo sa bawat direksyon) na dumadaan mula silangan pa-kanluran, mula Abenida Gregorio Araneta (malapit sa hangganan ng Maynila at Lungsod Quezon) hanggang Abenida Lacson sa may Nagtahan Flyover. Ang Ikalawang Linya ng LRT ay nagsisilbing panggitnang harangnan ng bulebar, at mayroon itong dalawang estasyong nakaangat sa bulebar: Pureza at V. Mapa. May haba itong 2.2 kilometro (1.4 milya)

Sa silangan tutuloy ito bilang Bulebar Aurora, habang sa kanluran tutuloy ito bilang Kalye Legarda sa pamamagitan ng isang flyover patungong Quiapo. Bahagi ito ng Daang Radyal Blg. 6 ng sistema ng daang arteryal sa Kamaynilaan at N180 ng sistema ng lansangang bayan sa Pilipinas.

Pinangalanan ito mula kay Ramon Magsaysay, ang ikapitong pangulo ng Pilipinas. Dati itong tinawag na Bulebar Santa Mesa (Santa Mesa Boulevard).[1]

Paglalarawan ng ruta[baguhin | baguhin ang batayan]

Bulebar Magsaysay pasilangan patungo sa Kalye Victorino Mapa.

Ang Bulebar Magsaysay ay isang daang hinahatian sa gitna sa kabuuan nito na nagsisimula bilang isang karugtong ng Kalye Legarda paglampas ng Abenida Lacson. Sumusunod ang nakaangat na Ikalawang Linya ng LRT sa buong kahabaan ng bulebar, kasama ang mga dalawang estasyon ng linya. May maraming mga sangandaang ilaw-trapiko at mga kalapit na kalye (side streets) ang bulebar sa bawat bahagi ng kahabaan nito. Kabilang sa mga kalapit na kalye nito ay Kalye Pureza at Kalye Valenzuela. Naglilinya ang linyang transmisyon ng Balintawak-Araneta-Sucat ng National Grid Corporation of the Philippines (NGCP) sa bahagi ng Bulebar Magsaysay pagkatapos ng daang pang-ibabaw sa ibabaw ng Philippine National Railways Metro Commuter Line hanggang sa Abenida Gregorio Araneta, kung saang liliko ito pahilaga. Matatagpuan sa paligid ng bulebar ang mga samu't-saring pangunahing establisimiyento, tulad ng Polytechnic University of the Philippines, Sogo Grand Hotel, at SM City Santa Mesa (dating SM Centerpoint).  

Tingnan din[baguhin | baguhin ang batayan]

Mga sanggunian[baguhin | baguhin ang batayan]

Mga koordinato: 14°36′7″N 121°0′31″E / 14.60194°N 121.00861°E / 14.60194; 121.00861