NAIA Expressway

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin

E6 (Philippines).svg
NAIAX logo.png

NAIA Expressway
NAIA Skyway
NAIAEX / NAIAX
NAIA Expressway patimog patungong Daang NAIA mula Abenida Andrews sa Pasay.
Impormasyon sa ruta
Haba: 11.6 km (7.2 mi)
Nabuo noong: Setyembre 22, 2016 – present
Bahagi ng: E6 (Philippines).svg E6
Pangunahing daanan
Dulo sa Kanluran: Bulebar Jose Diokno, Parañaque
 
Dulo sa Silangan N195 (Philippines).svgN194 (Philippines).svg N195 (Abenida Ninoy Aquino) / N194 (Daang NAIA), Pasay
Lokasyon
(Mga) Pangunahing lungsod:
Sistema ng mga daan

Mga daanan sa Pilipinas
Mga lansangan | Mga mabilisang daanan (talaan)

Ang NAIA Expressway (na tinatawag ding NAIAEX, NAIAX, at Ninoy Aquino International Airport Expressway)[1] ay isang 11.6 kilometrong (7.2 milyang) nakaangat na sistema ng mabilisang daanan sa Kalakhang Maynila, Pilipinas, na nag-uugnay ng Metro Manila Skyway sa Paliparang Pandaigdig ng Ninoy Aquino (NAIA) at Entertainment City. Dumadaan ito sa ibabaw ng Abenida Andrews, Daang Elektrikal, at Daang NAIA at nag-uugnay ng Skyway sa Abenida Ninoy Aquino, Bulebar Macapagal, Bulebar Jose Diokno, at Manila–Cavite Expressway. Ito ang kauna-unahang airport expressway (o ang mabilisang daanan na naglilingkod sa isang paliparan) sa Pilipinas. Binuksan ito noong Setyembre 2016.[2] Matatagpuan ito sa mga lungsod ng Pasay at Parañaque.

Kasaysayan[baguhin | baguhin ang batayan]

Ang itinatayong bahagi ng mabilisang daanan sa kahabaan ng Abenida Andrews sa harap ng Resorts World Manila noong 2014.

Natapos ang pagtatayo ng 1.6 kilometrong (0.99 milyang) Unang Bahagi ng NAIA Expressway (Labasan ng NAIA Terminal 3 ng Metro Manila Skyway) noong 2009.[3] Nagbigay ito ng rampang pasukan/palabas sa noo'y kabubukas na NAIA Terminal 3 at Resorts World Manila. Noong Enero 2, 2014, sinimulan ang pagtatayo ng Ikalawang Bahagi ng NAIA Expressway. Kabilang rito ang 7.15 kilometrong (4.44 milyang) karugtong ng mabilisang daanan patungong Bulebar Macapagal sa Entertainment City, Parañaque, sa pamamagitan ng Abenida Andrews, Electrical Road (kanluran ng Daang Domestiko) at Daang NAIA.[4][patay na kawing][5]

Noong Setyembre 22, 2016, sa ganap ng 12:01 ng hatinggabi (PST), ang ikalawang bahagi ng mabilisang daanan mula Bulebar Macapagal hanggang mga Terminal 1 at 2 ng NAIA ay binuksan na sa mga motorista at pasahero ng paliparan na nagmamadali sa mga lipad nila upang makaiwas ng mga traffic light sa bawat sangandaan sa kahabaan ng Daang NAIA. Ang pagbubukas ng nakaangat na mabilisang daanan ay pinangunahan ng Kalihim ng Kagawaran ng Pagawaing Bayan at Lansangan na si Mark Villar. Ayon sa Kalihim ng Kagawaran ng Transportasyon na si Arthur Tugade, sisimulan ang pangongolekta ng mga bayarin sa NAIAEx sa Oktubre 22, ganap nang isang buwan pagkaraan ng pagbubukas ng mabilisang daanan.[2]

Noong Disyembre 21, 2016, sa ganap ng 6:00 ng umaga (PST), ang bahaging Entertainment City-NAIA Road-SLEX-Skyway ng mabilisang daanan (kasama na ang rampang pasukan na kumokonekta sa Terminal 3) ng mabilisang daanan ay binuksan na sa mga motorista dahil sa Christmas rush.

Noong Disyembre 28, 2016, ang mga rampang pasukan sa Manila–Cavite Expressway o CAVITEx ay binuksan na sa mga motorista na manggagaling sa lalawigan of Kabite at Las Piñas para sa mas-madaling pagpasok sa mga Terminal 1, 2, at 3 at gayon din naman palabas ng paliparan.

Noong Hunyo 2, 2017, tuluyan nang binuksan ang kabuuang NAIAx sa publiko.

Paglalarawan ng ruta[baguhin | baguhin ang batayan]

Ang NAIA Expressway sa may Bulebar Macapagal off-ramp papuntang Okada Manila.

Mula sa Labasan ng Sales (labasan sa NAIA) ng Metro Manila Skyway, tutungo ang mabilisang daanan patimog-kanluran at dadaan sa kahabaan ng Daang Sales sa may Villamor Airbase at Newport City. Liliko naman ito pahilagang-kanluran sa Abenida Andrews patungo sa pasukan sa NAIA Terminal 3 at tutuloy sa kahabaan ng hilagang hangganan ng paliparan patungong Electrical Road malapit sa NAIA Terminal 4. Mula rito, liliko ito patimog at dadaan kalinya ng Daang Domestiko sa silangan patungo sa sangandaan ng Daang NAIA. Mula sa sangandaang ito, ang mabilisang daanan ay hahati sa dalawang sangay: ang isa ay dadaan papuntang mga Terminal 1 at 2 ng NAIA sa silangan, habang ang isa naman ay tutuloy pakanluran papuntang Entertainment City at Manila–Cavite Expressway.

Mga teknikal na detalye[baguhin | baguhin ang batayan]

  • Pangalan: NAIA Expressway
  • Mayhawak: Vertex Tollways Development, Inc.
  • Tagapamahala: Vertex Tollways Development, Inc.
  • Haba: 11.6-kilometer (7.2 mi)
  • Pagsisimula ng paghawak: 2013
  • Pagtatapos ng paghawak: 2043
  • Mga labasan: 8
  • Mga rampang labasan (exit ramps): 2 (Villamor, NAIA 3)
  • Mga linya:
  • Mga tarangkahang pambayad (toll plazas): 1

Mga bayarin[6][baguhin | baguhin ang batayan]

Toll booth sa NAIA Terminal 1 at 2 on-ramp
Phase 1 (Skyway)[baguhin | baguhin ang batayan]
Uri ng Sasakyan Bayad
Class 1
(Mga kotse, motorsiklo, SUV, at dyipni)
20.00
Class 2
(Mga bus at magaan na trak)
₱40.00
Phase 2 (NAIAx)[baguhin | baguhin ang batayan]
Uri ng Sasakyan Maikling bahagi Buong ruta
Class 1
(Mga kotse, motorsiklo, SUV, at dyipni)
35.00 ₱45.00
Class 2
(Mga bus at magaan na trak)
₱69.00 ₱90.00
Class 3
(Mga mabigat na trak)
₱104.00 ₱134.00

Mga labasan[baguhin | baguhin ang batayan]

Lalawigan Lungsod/Bayan km mi Labasan Pangalan Mga paroroonan Mga nota
Pasay E2 (Philippines).svg E2 (Skyway) – Makati, Alabang Palitang Sales. Silangang dulo ng mabilis na daanan.
Tarangkahang Pambayad ng Villamor (pakanluran)
NAIA Terminal 3, Newport City Pakanlurang labasan at pasilangang pasukan
Newport City, Villamor Airbase Pasilangang labasan at pakanlurang pasukan.
NAIA Terminal 3 Patimog na labasan lamang.
NAIA Terminal 1 at 2 Palitang T.
Parañaque E3 (Philippines).svg E3 (CAVITEX) – Cavite Pakanlurang labasan at pasilangang pasukan
Bulebar Macapagal, Seaside Drive Pakanlurang labasan at pasilangang pasukan. Patungong Okada Manila.

Tingnan din[baguhin | baguhin ang batayan]

Mga sanggunian[baguhin | baguhin ang batayan]

Mga ugnay panlabas[baguhin | baguhin ang batayan]

Coordinates: 14°31′15″N 121°1′21″E / 14.52083°N 121.02250°E / 14.52083; 121.02250