Bulebar Aurora

Mula sa Wikipediang Tagalog, ang malayang ensiklopedya
Jump to navigation Jump to search

N59 (Philippines).svgN180 (Philippines).svg
Aurora Boulevard sign.svg

Bulebar Aurora
Aurora Boulevard
Ruta ng Bulebar Aurora sa Kalakhang Maynila.
Bulebar Aurora sa Sentrong Araneta, Cubao, Lungsod Quezon.
Bahagi ng:
  • R-6 R-6
  • N59 (Philippines).svg N59 (mula hangganan ng Lungsod Quezon-Marikina hanggang EDSA)
  • N180 (Philippines).svg N180 (mula EDSA hanggang Abenida G. Araneta)
Pangunahing daanan
Dulo sa Kanluran: Bulebar Magsaysay at Abenida Gregorio Araneta
 
Dulo sa Silangan Abenida Andres Bonifacio at Lansangang Marikina–Infanta
Lokasyon
(Mga) Pangunahing lungsod: San Juan, Lungsod Quezon
Sistema ng mga daan

Mga daanan sa Pilipinas
Mga lansangan | Mga mabilisang daanan (talaan)

Ang Bulebar Aurora (English: Aurora Boulevard) ay isa sa mga pangunahing lansangan ng Lungsod Quezon at San Juan sa Kalakhang Maynila, Pilipinas. Isa itong lansangan na may apat hanggang sampung linya na dumadaan sa Sentrong Araneta pagbagtas nito sa EDSA. Sa ibabaw nito dumadaan ang Ikalawang Linya ng LRT, maliban sa bahaging malapit sa Abenida Katipunan, kung saan dadaan ang linya sa ilalim ng bulebar paglapit sa Estasyon ng Katipunan.

Isang bahagi ng Daang Radyal Blg. 6 (R-6) ang Bulebar Aurora. Bahagi rin ito ng dalawang ruta ng sistema ng lansangang bayan sa Pilipinas: N59 (mula hangganan ng Lungsod Quezon at Marikina hanggang EDSA) at N180 (mula EDSA hanggang Abenida Gregorio Araneta).

Kasaysayan[baguhin | baguhin ang batayan]

Noong 1900, sinimulan ang pagtatayo ng bulebar sa bahaging EDSA - Abenida Katipunan, at tinawag itong Calle Quezón. Ang bahagi naman ng bulebar mula EDSA hanggang Kalye Balete at Abenida Gilmore ay tinawag na San Juan Road (o Highway 55). Noong 1910, pinahaba ang bulebar sa Infanta, Quezon (ang bahaging ito ay naging Lansangang Marikina–Infanta di-kalaunan). Noong dekada-1950, pinagpatuloy ang kanlurang dulo nito hanggang sa maabot nito ang Abenida Gregorio Araneta, at ang buong lansangan ay pinangalanang Manila Provincial Road. Ang bahagi naman ng bulebar mula Abenida Gregorio Araneta hanggang Bulebar Dewey (Bulebar Roxas ngayon), na pinangalanang Marikina–Ermita Avenue noong 1955, ay naging Bulebar Ayala (na minsan tinawag na Aurora Boulevard Extension), Kalye Legarda (Calle Alix noong panahon ng mga Kastila), at Bulebar Santa Mesa (na kalauna'y naging Bulebar Magsaysay). Noong 1963, binigyan ng bagong pangalan na Bulebar Aurora ang lansangan, na mula kay Aurora Quezon, ang asawa ni dating Pangulo Manuel L. Quezon.

Ang pinakaunang ice-cream parlor sa Pilipinas, ang Magnolia Ice Cream House[1], ay dating matatagpuan sa gilid ng Bulebar Aurora at Kalye Doña Hemady (okupado ngayon ng Robinsons Magnolia ang lugar na ito).[2]

Paglalarawan ng ruta[baguhin | baguhin ang batayan]

Bulebar Aurora sa Lungsod ng San Juan.

Nahahati ang Bulebar Aurora sa dalawang ruta, ang Abenida Araneta papuntang EDSA (N180 sa sistemang lansangambayan ng Pilipinas) at EDSA papuntang Abenida Katipunan/C-5 (N59). Karamihan ng daan ay isang pang-apatan na dalawahang daanan (dual carriageway), kasama ang nakaangat na Ikalawang Linya ng LRT na kadalasang nagsisilbi bilang panggitnang harangan ng bulebar, maliban sa bahaging malapit sa Abenida Katipunan, kung saan dumadaan ito sa ilalim ng lupa (kasama ang Estasyong Katipunan).

Nagsisimula ang Bulebar Aurora bilang isang pisikal na karugtong ng Bulebar Magsaysay paglampas ng Abenida Gregorio Araneta malapit sa hangganan ng mga lungsod ng Maynila at Lungsod Quezon. Papasok naman ito sa San Juan at dadaan malapit sa mga hangganan nito. Kalaunan, papasok ito sa New Manila, Lungsod Quezon, malapit sa Broadway Centrum, ang kinalalagyan ng mga istudyong pantelebisyon ng Eat Bulaga!, isang tanyag na palabas ng GMA-7. Babagtas naman nito ang Abenida Gilmore, Kalye Balete, at Abenida Eulogio Rodriguez Sr. bago makarating sa EDSA.

Paglampas ng EDSA, dadaan ito sa paligid ng Sentrong Araneta sa Cubao. Tutuloy ito pasilangan pagdaan nito sa mga barangay ng Silangan, Quirino 3-A at Duyan-duyan. Nagtatapos ito sa sangandaan nito sa Abenida Katipunan malapit sa hangganan ng Lungsod Quezon at Marikina. Tutuloy ang Bulebar Aurora patungong lalawigan ng Rizal sa silangan bilang Lansangang Marikina–Infanta (o Lansangang Marcos).

Pampublikong transportasyon[baguhin | baguhin ang batayan]

Pinagsisilbihan ang Bulebar Aurora ng mga dyipni na karamihan ay dumadaan sa mga ruta mula Maynila papuntang Cubao. Dumadaan sa ibabaw (at sa ibaba malapit sa Abenida Katipunan) ang Ikalawang Linya ng LRT na may pitong estasyon sa bulebar: J. Ruiz, Gilmore, Betty Go-Belmonte, Araneta Center-Cubao, Anonas at Katipunan.

Tingnan din[baguhin | baguhin ang batayan]

Mga sanggunian[baguhin | baguhin ang batayan]

Coordinates: 14°37′11″N 121°2′45″E / 14.61972°N 121.04583°E / 14.61972; 121.04583