Palitan ng Smart Connect

Mula sa Wikipediang Tagalog, ang malayang ensiklopedya
Jump to navigation Jump to search
Palitan ng Smart Connect
Smart Connect Interchange
Palitan ng Abenida Mindanao
Palitan ng North Luzon Expressway–Daang Palibot Blg. 5
Smart Connect Interchange aerial view.jpg
Ang Palitan ng Smart Connect na tanaw mula sa himpapawid noong 2018.
Lokasyon
Valenzuela, Kalakhang Maynila, Pilipinas
Mga koordinado14°41′36.7″N 121°0′1.6″E / 14.693528°N 121.000444°E / 14.693528; 121.000444Mga koordinado: 14°41′36.7″N 121°0′1.6″E / 14.693528°N 121.000444°E / 14.693528; 121.000444
Mga lansangan sa
daanan
E5 (Philippines).svg C-5
E1 (Philippines).svg North Luzon Expressway
Konstruksiyon
UriDalawang lebel na palitang trebol
Itinayo2009–2010 ng Leighton Contractors Asia Ltd
Nabuksan5 Hunyo 2010 (2010-06-05)
Pinangangasiwaan ngKagawaran ng Pagawaing Bayan at Lansangan
Manila North Tollways Corporation

Ang Palitan ng Smart Connect (Ingles: Smart Connect Interchange), na kilala rin bilang Palitan ng Abenida Mindanao (Mindanao Avenue Interchange) at Palitan ng North Luzon Expressway–Daang Palibot Blg. 5 (North Luzon Expressway–Circumferential Road 5 Interchange), ay isang pandalawang-lebel na palitang trebol sa Valenzuela, Kalakhang Maynila, Pilipinas na nagsisilbing sangandaan sa pagitan ng Daang Palibot Blg. 5 (C-5) at ng North Luzon Expressway (NLEx). Itinayo ito bilang bahagi ng 2.7 kilometro (o 1.7 milyang) NLEx–Mindanao Avenue Link na karugtong ng mabilisang daanan sa Abenida Mindanao,[1] na sinapi na sa sistemang C-5, at ito ang pinakamalaking palitang trebol sa bansa kung pagbabatayan ang lawak ng lupa.[2]

Kasaysayan[baguhin | baguhin ang batayan]

Ginanap ang groundbreaking ng NLEx–Mindanao Avenue Link, kasama ang Palitan ng Smart Connect Interchange, noong Abril 2, 2009,[3] at nagsimula ang mismong pagtatayo noong Abril 21, 2009.[4]

Binuksan sa trapiko ang buong bahagi noong Hunyo 5, 2010, at pinasiyahan nina noo'y Pangulo Gloria Macapagal Arroyo, Manuel V. Pangilinan na tagapangulo ng Manila North Tollways Corporation (konsesyonaryo ng North Luzon Expressway), Victor Domingo na noo'y Kalihim ng Kagawaran ng Pagawaing Bayan at Lansangan (DPWH), at ng matataas na mga opisyal ng lungsod ng Valenzuela.[5] Tinatayang nasa 30,000 sasakyan ang gagamit ng bagong daan araw-araw sa unang taon ng operasyon nito.[4] Mula nang binuksan ito, malaki ang naitulong nito sa pagpapagaan ng trapiko sa mas-lumang Palitan ng Balintawak na nag-uugnay ng Abenida Epifanio de los Santos (EDSA) sa NLEx,[6] na tatlong beses na mas-maliit.[4]

Bagamat binuksan ito sa trapiko noong 2010, unang dinala ng Palitan ng Smart Connect ang trapiko sa pagitan ng Valenzuela at silangang bahagi ng Kalakhang Maynila, at nakasara sa trapiko ang pakanlurang mga rampa. Masasakatuparan lamang ang gawain sa isang koneksiyon sa pagitan ng palitan at ng kanlurang Kalakhang Maynila kalakip ng pagtatayo ng 2.42 kilometro (1.5 milyang) NLEx–Karuhatan Link o ang Bahaging 9 ng NLEx, sa pagitan ng palitan at ng Lansangang MacArthur, na binuksan noong Marso 19, 2015.[7] Isa pang karugtong papuntang Pantalan ng Maynila na kilala bilang Bahaging 10 ng NLEx ay unang binuksan noong Marso 1, 2019.

Noong Nobyembre 16, 2012,[8] binili ng Smart Communications ang karapatan sa pagpapangalan sa palitan, kaya nabigyan ito ng kasalukuyan nitong pangalan.[9]

Talasanggunian[baguhin | baguhin ang batayan]

  1. "MNTC ready to undertake NLEX-C5 road link proj". The Philippine Star. PhilStar Daily, Inc. Abril 30, 2012. Hinango noong Hulyo 8, 2016.
  2. "MNTC starts construction of roads connecting NLEX from all directions". GMA News and Public Affairs. Abril 2, 2009. Hinango noong Hulyo 8, 2016.
  3. 4.0 4.1 4.2 "NLEX's Segment 8.1 opens today, June 5" (Press release). Manila North Tollways Corporation. Hunyo 5, 2010. Sininop mula sa orihinal noong Hunyo 20, 2010. Hinango noong Hulyo 8, 2016.
  4. "PGMA inaugurates P2.1-B NLEX-Mindanao Avenue Link". Philippines News Agency. Hunyo 5, 2010. Hinango noong Hulyo 8, 2016.
  5. Reyes, Mary Ann LL. (July 12, 2015). "Seamless travel". The Philippine Star. PhilStar Daily, Inc. Hinango noong July 8, 2016.
  6. "NLEX's Segment 9 opens Thursday". ABS-CBN News and Current Affairs. Marso 18, 2015. Hinango noong Hulyo 8, 2016.
  7. Smart Communications [@LiveSmart] (Nobyembre 16, 2012). "MOA signing for the SMART CONNECT Interchange. The largest cloverleaf in the Phil now sports a new name. twitpic.com/bdkqy1" (Tweet) – via Twitter.
  8. "Smart, MNTC, Voyager tie up for interactive mobile messaging" (Press release). Smart Communications. Hulyo 26, 2013. Hinango noong Hulyo 8, 2016.