Daang Radyal Blg. 2

Mula sa Wikipediang Tagalog, ang malayang ensiklopedya
Jump to navigation Jump to search
Daang Radyal Blg. 2
R-2
LRT-1 rails near EDSA Station (EDSA Cor. Taft Avenue, Pasay; 2014-12-16).jpg
04227jfBaclaran Elpidio Quirino Avenue Parañaque Cityfvf 03.jpg
6888Diego Cera Avenue 09.jpg
AguinaldoHighwayjf9473 07.JPG
Mula itaas, kaliwa-pakanan: Abenida Taft sa sangandaan nito sa EDSA; Abenida Elpidio Quirino sa Baclaran, Parañaque; Abenida Diego Cera; Lansangang Aguinaldo sa Dasmariñas.
Hilagang dulo: Abenida Padre Burgos/Tunel ng Lagusnilad sa Maynila
Katimugang dulo: sa Talisay, Batangas

Ang Daang Radyal Blg. 2 (Ingles: Radial Road 2), na mas-kilala bilang R-2, ay isang pinag-ugnay na mga daan at tulay na bumubuo sa ikalawang daang radyal ng Maynila sa Pilipinas.[1] Dumadaan ito mula hilaga patimog, at nagu-ugnay ng lungsod ng Maynila sa mga lungsod ng Pasay, Parañaque, at Las Piñas ng Kalakhang Maynila, at Bacoor, Imus, Dasmariñas, Silang, at Tagaytay sa lalawigan ng Cavite, at Talisay sa Batangas.

Ruta[baguhin | baguhin ang batayan]

Binubuo ng R-2 ang mga sumusunod na bahagi mula hilaga patimog:

Abenida Taft (Taft Avenue)[baguhin | baguhin ang batayan]

Pangunahing lathalain: Abenida Taft

Mula sa hilagang dulo nito sa Tunel ng Lagusnilad (na galing sa Abenida Padre Burgos) hanggang sa Daang Redemptorist sa Pasay, kilala ang R-2 bilang Abenida Taft. Sinisilbihan nito ang mga distrito ng Ermita at Malate at mga lungsod ng Pasay at Parañaque sa ilalim ng Unang Linyang Daambakal ng LRT.

Abenida Elpidio Quirino (Elpidio Quirino Avenue)[baguhin | baguhin ang batayan]

Pangunahing lathalain: Abenida Elpidio Quirino

Mula sa sangandaan nito sa Abenida Taft/Daang Redemptorist sa Baclaran hanggang sa San Dionisio, kilala ang R-2 bilang Abenida Elpidio Quirino na isa sa mga pangunahing lansangan ng Parañaque. Tatapos ito sa sangandaan nito sa Abenida Padre Diego Cera

Abenida Diego Cera (Diego Cera Avenue)[baguhin | baguhin ang batayan]

Pangunahing lathalain: Abenida Diego Cera

Sa Las Piñas, kilala ang R-2 bilang Abenida Diego Cera. Dumadaan ito sa pagitan ng Kalye Villareal sa Baranggay Manuyo Uno at Daang Alabang–Zapote sa Zapote.

Lansangang Aguinaldo (Aguinaldo Highway)[baguhin | baguhin ang batayan]

Pangunahing lathalain: Lansangang Aguinaldo

Mula sa Daang Alabang–Zapote hanggang sa Tagaytay, Cavite, kilala bilang Lansangang Aguinaldo ang R-2. Ito ang pangunahing lansangang hilaga-patimog sa lalawigan ng Cavite at nag-uugnay ng lungsod ng Las Piñas sa Kalakhang Maynila sa mga lungsod ng Bacoor, Imus, Dasmariñas, Silang, at Tagaytay sa Cavite. Tatapos ang Lansangang Aguinaldo sa Rotondang Tagaytay na matatagpuan sa nasabing lungsod.

Daang Tagaytay–Talisay (Tagaytay–Talisay Road)[baguhin | baguhin ang batayan]

Paglampas ng rotonda sa Tagaytay, kilala ang R-2 bilang Daang Tagaytay–Talisay. Isa itong daang sigsag na dumadaan pababa ng dalisdis ng kabundukan patungong Talisay, Batangas sa dalampasigan ng Lawa ng Taal.

Mga sanggunian[baguhin | baguhin ang batayan]

  1. "Metro Manila Infrastructure Development" (PDF). University of the Philippines Diliman. Hinango noong 12 Hulyo 2015.