Daang Radyal Blg. 3

Mula sa Wikipediang Tagalog, ang malayang ensiklopedya
Jump to navigation Jump to search
Daang Radyal Blg. 3
R-3
SLEX MAP.JPG


Mapa ng Daang Radyal Blg. 3 (SLEx/Skyway - STAR).

Skyway SLEX PNR.jpg
South Luzon Expressway MC.jpg STAR tollway.jpg
Mula itaas: SLEx at Skyway malapit sa Villamor Airbase; SLEx sa San Pedro, Laguna; Southern Tagalog Arterial Road (STAR Tollway)
Hilagang dulo: Abenida Quirino sa Maynila
Katimugang dulo: sa Lungsod ng Batangas

Ang Daang Radyal Bilang Tatlo (Ingles: Radial Road 3; itinakda bilang R-3) ay isang pinag-ugnay na mga daanan at tulay na bumubuo sa ikatlong daang radyal ng Maynila sa Pilipinas.[1] Ang kabuuan nito (maliban sa bahaging hilaga ng C-5) ay isang mabilisang daanan (expressway).

Ang bahagi ng R-3 mula EDSA sa Makati hanggang Calamba ay isa ring bahagi ng Pan-Philippine Highway (AH26).

Ruta[baguhin | baguhin ang batayan]

Binubuo ng Daang Radyal Blg. 3 ang mga sumusunod na bahagi:

South Luzon Expressway[baguhin | baguhin ang batayan]

Pangunahing lathalain: South Luzon Expressway

Mula sa hilagang dulo nito sa sangandaan ng Abenida Quirino sa Paco, Maynila hanggang sa dulo nito sa Santo Tomas, Batangas, kilala ang R-3 bilang South Luzon Expressway (SLEx), ang pangunahing bahagi ng R-3. Ang bahagi sa hilaga ng sangandaan ng C-5 ay toll-free at tinaguriang Lansangang Osmeña (Osmeña Highway), mula kay dating Pangulo Sergio Osmeña. Dating tinawag na "South Superhighway" ang bahaging ito. Ang bahaging toll road na mula C-5 hanggang Calamba, Laguna ay tinaguriang Lansangang Dr. Jose Rizal (Dr. Jose Rizal Highway), mula kay Jose Rizal, ang pambansang bayani ng Pilipinas. Ang bahaging Calamba - Santo Tomas ay tinaguriang SLEx Toll Road 3 na ibinuksan sa mga motorista noong 2010.

Metro Manila Skyway[baguhin | baguhin ang batayan]

Pangunahing lathalain: Metro Manila Skyway

Ang Metro Manila Skyway ay isang nakaangat na mabilisang daanan na dumadaan sa ibabaw ng SLEx mula Buendia sa Makati hanggang Daang Alabang–Zapote sa Muntinlupa. Sa kasalukuyan, itinatayo ang bahaging tinatawag na Ikatlong Yugto ng Skyway (Skyway Stage 3) na magkokonekta ng mga mabilisang daanan ng North Luzon Expressway at South Luzon Expressway sa hinaharap. Dadaan ito sa Abenida Bonifacio, Abenida Sarhento Rivera, Abenida Gregorio Araneta, Kalye Nicanor Domingo, Old Santa Mesa Road, Daang Paco–Santa Mesa, at Abenida Quirino.

Southern Tagalog Arterial Road[baguhin | baguhin ang batayan]

Pangunahing lathalain: Southern Tagalog Arterial Road

Ang huling bahagi ng R-3 ay Southern Tagalog Arterial Road (o STAR Tollway) na isang mabilisang daan sa lalawigan ng Batangas, mula Santo Tomas hanggang Lungsod ng Batangas.

Mga sanggunian[baguhin | baguhin ang batayan]

  1. "Metro Manila Infrastructure Development". University of the Philippines Diliman. http://ncts.upd.edu.ph/old/roadsafety/docs/3rd_urpo.pdf. Hinango noong 12 Hulyo 2015.