Kalye Pablo Ocampo

Mula sa Wikipediang Tagalog, ang malayang ensiklopedya
Jump to navigation Jump to search
Kalye Pablo Ocampo
Pablo Ocampo Street
Kalye Vito Cruz (Vito Cruz Street)
Impormasyon sa ruta
Haba3.4 km (2.1 mi)
Pangunahing daanan
Dulo sa kanluran N120 / AH26 (Bulebar Roxas) sa Malate
 
Dulo sa silanganAbenida South sa Makati
Lokasyon
Mga pangunahing lungsodMaynila, Makati
Sistema ng mga daan
Mga daanan sa Pilipinas

Ang Kalye Pablo Ocampo (Ingles: Pablo Ocampo Street) ay isang pangunahing daang panlungsod sa mga lungsod ng Maynila at Makati sa Kalakhang Maynila, Pilipinas. Inuugnay nito ang mga katimugang distrito ng Malate at San Andres sa hilaga-kanlurang Makati.

Sinasaklaw nito ang 3.4 kilometro (o 2.1 milyang) ruta mula sa kanlurang dulo nito sa Bulebar Roxas sa Malate, Maynila, hanggang sa silangang dulo nito sa Abenida South sa kanluran ng Manila South Cemetery sa Santa Cruz, Makati. Pagdaan, babagtasin nito ang mga sumusunod na lansangan: Abenida Harrison, Kalye Adriatico/Kalye Leveriza, Abenida Taft, Kalye Bautista, at Lansangang Osmeña sa Maynila, at Kalye Kamagong/Kalye Zobel Roxas, at Abenida Chino Roces sa Makati. Ang bahagi ng daan mula Kalye Kamagong hanggang Abenida South ay tinatawag na Ekstensyon ng Kalye Pablo Ocampo (Pablo Ocampo Street Extension). Paglampas ng Bulebar Roxas, tutuloy ito patungong Sentrong Pangkultura ng Pilipinas (o CCP) at Bay City, Kalakhang Maynila bilang Kalye Pedro Bukaneg.

Dating tinawag itong Kalye Vito Cruz (Vito Cruz Street o Calle Vito Cruz), mula kay Hermogenes Cruz, ang alkalde ng Pineda (Pasay ngayon) noong ika-19 na siglo. Binigyan ito ng bagong pangalan noong 1989, sa karangalan ng estadista at abogado na si Pablo Ocampo.[1] [2]

Tingnan din[baguhin | baguhin ang batayan]

Mga sanggunian[baguhin | baguhin ang batayan]

  1. "Republic Act No. 6731". Chan Robles. Hinango noong 28 Setyembre 2013.
  2. "About Pasay". Pasay City Government. Hinango noong 28 Setyembre 2013.

Mga koordinato: 14°33′47″N 120°59′46″E / 14.56306°N 120.99611°E / 14.56306; 120.99611