Daang Samson

Daang Samson Samson Road
Daang Samson, pasilangan mula sa New Abbey Road malapit sa Pamantasan ng Silangan, Lungsod ng Caloocan.
Impormasyon sa ruta
Haba	2.0 km (1.2 mi)
Bahagi ng	C-4 C-4 N120 / AH26
Pangunahing daanan
Dulo sa silangan	Rotonda ng Monumento sa Grace Park
Dulo sa kanluran	N120 / AH26 (Abenida Paterio Aquino) sa Tonsuya
Sistema ng mga daan
Mga daanan sa Pilipinas Mga lansangan Mga mabilisang daanan Talaan

Ang Daang Samson (Ingles: Samson Road) ay isang pangunahing kalye na dumadaan mula silangan pa-kanluran sa Lungsod ng Kalookan sa hilagang Kalakhang Maynila, Pilipinas. Ito ang karugtong ng EDSA, at naka-ugnay ito sa nasabing lansangan sa pamamagitan ng Rotonda ng Monumento upang makabuo ng isang deretsong ruta. Kapwa bahagi ng Daang Palibot Blg. 4 (C-4) ng sistemang daang arteryal ng Kamaynilaan ang EDSA at Daang Samson. May haba na 2.0 kilometro (1.2 milya) ang Daang Samson, na nagsisimula sa Monumento at nagtatapos sa sangandaan nito sa Abenida Paterio Aquino sa Malabon.

Ipinangalan ang kalye mula kay Apolonio Samson, isang tenyente pambaryo ng Katipunan na mula sa Sitio Kangkong, Baryo Balintawak, Kalookan (ngayon ay nasa Lungsod Quezon), na nakipaglaban kasama si Andres Bonifacio noong Himagsikan ng 1896 (1896—1898).