Lansangang Aguinaldo

Mula sa Wikipediang Tagalog, ang malayang ensiklopedya
(Idinirekta mula sa Lansangang N419 (Pilipinas))
Jump to navigation Jump to search

N62 (Philippines).svgN410 (Philippines).svgN419 (Philippines).svg

Lansangang Aguinaldo
Aguinaldo Highway
Lansangang Aguinaldo patimog patungong Abenida Nueno sa Imus.
Impormasyon sa ruta
Haba41.4 km (25.7 mi)
Bahagi ng
  • R-2 R-2
  • N62 (sa Bacoor)
  • N419 (Bacoor hanggang Silang)
  • N410 (Silang hanggang Tagaytay)
Pangunahing daanan
Dulo sa hilagaN411 (Philippines).svgDaang Alabang–Zapote sa Las Piñas at R-1E3 (Philippines).svgManila–Cavite Expressway sa Bacoor
  N65 (Daang Governor) sa Palapala, Dasmariñas
Dulo sa timogN410 (Philippines).svgLansangang Tagaytay–Nasugbu sa Tagaytay
Lokasyon
Mga pangunahing lungsodLas Piñas, Bacoor, Imus, Dasmariñas, Tagaytay
Mga bayanSilang, Alfonso
Sistema ng mga daan
Mga daanan sa Pilipinas

Ang Lansangang Aguinaldo (Ingles: Aguinaldo Highway), na kilala din bilang Cavite-Batangas Road at Manila West Road, ay isang lansangang panlalawigan na may anim na linya at haba na 41.4 kilometro (25.7 milya) at dumadaan sa mga pinaka-abalang bayan at lungsod sa lalawigan ng Kabite, Pilipinas. Ito ang pinaka-maabala at pinaka-matrapik sa mga tatlong pangunahing lansangan sa lalawigan (ang dalawang iba pa ay Governor's Drive at Lansangang Antero Soriano). Ang hilagang dulo ng lansangan ay nasa Las Piñas sa Kalakhang Maynila. Dadaan ito sa Bacoor, Imus, Dasmariñas, Silang, at tatapos ito sa Tagaytay.

Bahagi ang lansangan ng Daang Radyal Blg. 2 (R-2) ng sistemang pamilang ng mga daan sa Kamaynilaan. Bahagi rin ito ng tatlong ruta ng sistema ng lansangang bayan sa Pilipinas: N62 sa Bacoor, N419 mula Bacoor hanggang Silang, at N410 sa nalalabing bahagi na papuntang Tagaytay.

Kasaysayan[baguhin | baguhin ang batayan]

Ang kasalukuyang Lansangang Aguinaldo ay nagmula sa isang lumang daan na pumapasok sa Kabite mula Las Piñas. Ang mga lumang daan na umiral bago ang Lansangang Aguinaldo ay may ibang pagkakalinya sa Bacoor at Imus; ang mga ito ay umiiral ngayon bilang magkahalong mga daan na pinapanatili ng lungsod at mga pambansang daan. Ilang bahagi ng daan ay naging kinalalagyan ng mga labanan noong Himagsikang Pilipino.

Noong panahon ng pananakop ng mga Amerikano, ang daan ay umabot sa Silang, hanggang sa pagbubukas ng isang karugtong papuntang Tagaytay. Ang mga lumang daan na dumaan sa mga kanluraning barangay ng Bacoor at Imus ay nilampasan ng isang bagong pagkakalinya na umiiral hanggang sa kasalukuyan. Itinalagang Highway 17 ang daan at pinangalanang Manila West Road, na umabot hanggang sa dako ng bayan ng Batangas (Lungsod ng Batangas ngayon). Kalaunan, binigyan ng bagong pangalan ang bahagi ng lansangan mula Bacoor at Tagaytay na mula kay Heneral Emilio Aguinaldo, ang unang pangulo ng Pilipinas.[kailangan ng sanggunian].

Paglalarawan ng ruta[baguhin | baguhin ang batayan]

Lansangang Aguinaldo sa Silang.

Dumadaan ang Lansangang Aguinaldo sa maraming mga establisimiyento tulad ng mga gusaling pampamilihan (malls), tindahan, tanggapan ng pamahalaan, atbp. Dumadaan kalinya o bumabagtas sa lansangan ang mga linyang transmisyon, sub-transmisyon, at pamamahagi ng kuryente na pinapatakbo at pinapanatili ng National Grid Corporation of the Philippines (NGCP), lalo na ang linyang transmisyon ng Las Piñas-Dasmarinas mula Bulebar Aguinaldo hanggang NGCP Dasmarinas Substation.

Unang isang pang-apatan na lansangan, nagsisimula ang Lansangang Aguinaldo bilang karugtong ng Abenida Diego Cera at Tulay ng Zapote. Magiging isang daang anim anim ang mga linya ang lansangan paglampas ng Bulebar Molino (na papuntang Molino at Bulebar Aguinaldo na kumokonekta sa Manila–Cavite Expressway). Pabagtasin naman nito ang Lansangang Tirona na papuntang Kawit at Lungsod ng Cavite. Dadaan naman ito sa Imus at papasukin nito ang Dasmarinas, kung saan kikipot ito hanggang sa maging apat ang mga linya nito at kung minsa'y nagiging lansangang hinahatian sa gitna sa ilang bahagi nito. Pagkaraan, babagtasin naman nito ang Governor's Drive sa Barangay Palapala.

Paglampas ng Palapala, magsisimula na itong umakyat patungong Tagaytay, at dadaan ito sa Silang. Sa Rotondang Tagaytay, babagtasin nito ang Daang Tagaytay–Calamba, (na nag-uugnay sa Daang Santa Rosa–Tagaytay patungong Santa Rosa, Laguna) at Daang Tagaytay–Talisay (isang daang sigsag na dumadaan sa pababang dalisdis patungong Talisay, Batangas). Kalaunan, tutuloy ang lansangan pakanluran bilang bahagi ng Lansangang Tagaytay–Nasugbu patungong Nasugbu sa pamamagitan ng Palico. Ang bahagi ng Daang Tagaytay–Nasugbu mula Tagaytay Rotunda hanggang Mendez Crossing ay kinaratulang "Aguinaldo Highway". Dadaan ito malapit sa Parokya ng Ating Ina ng Lourdes, Leslie's, Josephine, Robinsons Summit Ridge, Sky Ranch, at Taal Vista Hotel bago matapos sa Bagtasang Mendez.

Mga bilang ng ruta[baguhin | baguhin ang batayan]

Mula 2014, inilunsad ng Kagawaran ng Pagawaing Bayan at Lansangan (DPWH) ang bagong sistemang pamilang ng ruta na nagmarka ng malaking bahagi ng Lansangang Aguinaldo bilang bahagi ng mga rutang N62, N419, at N410. Binigyan ang lansangan ng iba't-ibang mga opisyal na pangalan, tulad ng Daang Manila–Cavite (Manila–Cavite Road) at Daang Cavite–Batangas (Cavite–Batangas Road). Ang pagkakalinya sa kanluran ng kabayanan ng Silang ay nananatiling hindi nakabilang habang ang bagong bypass road na nangangalang Silang Bypass Road ay itinakdang pambansang daang tersiyaryo. Ang bahagi na nag-uugnay sa Manila–Cavite Expressway o CAVITEx, ang Bulebar Aguinaldo (Aguinaldo Boulevard), ay nananatiling hindi nakabilang bilang isang pambansang daang tersiyaryo (ang mga pambansang daang tersiyaryo ay hindi tinatakda ng mga bilang, tanging mga pambansang daang primera at pambansang daaang sekundarya lamang ang may mga itinalagang bilang).

Tingnan din[baguhin | baguhin ang batayan]

Mga sanggunian[baguhin | baguhin ang batayan]

Mga ugnay panlabas[baguhin | baguhin ang batayan]

Mga koordinado: 14°17′4″N 120°57′35″E / 14.28444°N 120.95972°E / 14.28444; 120.95972