Lansangang Marikina–Infanta

Mula sa Wikipediang Tagalog, ang malayang ensiklopedya
(Idinirekta mula sa Marikina-Infanta Highway)
Jump to navigation Jump to search

N59 (Philippines).svg

Lansangang Marikina–Infanta
Lansangang Marcos
Marikina–Infanta Highway
Marcos Highway
Ang Lansangang Marikina–Infanta malapit sa Barangay Calumpang, Marikina.
Impormasyon sa ruta
Haba110.0 km (68.4 mi)
Bahagi ng
  • R-6 R-6
  • N59 (hanggang Tagpuang Masinag, Antipolo)
Pangunahing daanan
Dulo sa kanluran N59 (Bulebar Aurora) at N11 (Abenida Katipunan) sa Lungsod Quezon
Dulo sa silanganBarangay Poblacion 1, Infanta, Quezon
Sistema ng mga daan
Mga daanan sa Pilipinas

Ang Lansangang Marikina–Infanta (Ingles: Marikina–Infanta Highway), na tinatawag ding Lansangang Marcos (Marcos Highway) o Lansangang MARILAQUE (MARILAQUE Highway; mula sa mga unang titik ng Manila, Rizal, Laguna, at Quezon), ay isang lansangang bulubundukin na nag-uugnay ng Kalakhang Maynila sa mga lalawigan ng Rizal at Quezon sa Luzon, Pilipinas. Nagsisimula ito sa Marikina (sa sangandaan ng Bulebar Aurora at Abenida Katipunan ng C-5). Dumadaan ito sa Lambak ng Marikina at sa lungsod ng Antipolo, kung saan binabagtasan nito ang Lansangang Sumulong (sa Tagpuang Masinag o Masinag Junction). Paglampas, dadaan ito (sa paraang pa-akyat) sa mga Kabundukan ng Sierra Madre. Dadaan naman ito sa Tanay at Santa Maria, Laguna bago matapos sa Infanta, Quezon.

May haba na 110 kilometro (68.6 milya) ang lansangan. Sa bahaging Marikina matatagpuan ang nakaangat na estasyon ng Santolan ng Linya 2. Ito ang huling bahagi ng Daang Radyal Blg. 6 ng sistemang pamilang ng mga daanan ng Kamaynilaan.

Itinuturi na isa sa mga pinaka-matanawing daan sa bansa ang Lansangang Marikina–Infanta, kasama na ang Lansangang Halsema sa hilagang Luzon at Pan-Philippine Highway (AH26) sa katimugang Luzon. Dumadaan ito sa mga matanawing liwaliwan (resorts) tulad ng Boso Boso Highlands Resort sa Antipolo, Pranjetto Hills Resort sa Tanay, at Garden Cottages Residences Look-Out Point sa Tanay.

Kasaysayan[baguhin | baguhin ang batayan]

Umiiral ang Lansangang Marikina–Infanta mula noong panahon ng mga Amerikano bilang Highway 55, na kinabilangan ng kasalukuyang Kalye Legarda (Calle Alix noong panahon ng mga Kastila), Bulebar Ramon Magsaysay, at Bulebar Aurora.[kailangan ng sanggunian]

Paglalarawan ng ruta[baguhin | baguhin ang batayan]

Bahagi sa Malawakang Maynila (hanggang sa Tagpuang Masinag)[baguhin | baguhin ang batayan]

Nagsisimula ang Lansangang Marikina–Infanta bilang pisikal na karugtong ng Bulebar Aurora sa ilalim ng Katipunan Flyover. Bahagyang liliko ang lansangan sa sangandaan nito sa Abenida Andres Bonifacio na papuntang kabayanan ng Marikina, at pagkatapos ay tatawid ng Ilog Marikina. Ang Tulay ng Diosdado B. Macapagal na umuugnay sa C-5 ay sasama sa harap ng SM City Marikina. Kalinya ng lansangan ang Linya 2 at ang linyang subtransmisyon ng Cainta-Marikina ng Meralco. Bahagyang magliliko muli ang lansangan pagkaraan ng kasalukuyang silangang dulo ng Linya 2 sa pagtumbok ng Cainta. Kalaunan papasok ito sa lalawigan ng Rizal.

Ang bahaging ito na kadalasang tinatawag na Lansangang Marcos ay isang daang hinahatian ng panggitnang harangan na tinatampok ng mga U-turn slot at linyang pambisikleta. Ilang establisimiyento, tulad ng Riverbanks Center, SM City Marikina, Robinsons Metro East, Santa Lucia Mall, at SM Masinag ay mga pangunahing pook-palatandaan na mapapasukan mula sa lansangan. Ang mga linyang subtransmisyon ng Meralco ay naglilinya sa bahaging Cainta-Masinag ng lansangan.

Bahaging Cainta ng lansangan, kasama ang itinatayong karugtong ng Linya 2, noong Disyembre 2018.

Bahaging Rizal-Laguna-Quezon[baguhin | baguhin ang batayan]

Ang kahabaan ng lansangang ito ay isang pamantayang daan na may dalawa hanggang anim na mga linya at nahahati ng mga palatandaang panlinya katulad ng mga pambansang lansangan sa mga lalawigan. Nag-iiba ang sukat o lawak ng daan na nakasalalay sa densidad ng lokasyon gayundin ng distritong inhinyero kung saan maaaring maganap ang mga pagpapalawak ng daan na tinakda ng DPWH.

Mga bilang ng ruta[baguhin | baguhin ang batayan]

Mula nang ipinatupad ng Kagawaran ng Pagawaing Bayan at Lansangan (DPWH) ang bagong sistema ng pagbibilang ng ruta noong 2014, ang Lansangang Marikina–Infanta ay isang bahagi ng Pambansang Ruta Blg. 59 (N59) ng sistema ng lansangang bayan sa Pilipinas sa Malawakang Maynila. Mula Rizal hanggang Quezon, nananatiling hindi nakabilang ang daan bilang isang pambansang daang tersiyaryo.

Mga sangandaan[baguhin | baguhin ang batayan]

Kanto ng Lansangang Marikina–Infanta at ng Abenida Gil Fernando


LalawiganLungsod/Bayankm[1]miMga paroroonanMga nota
Marikina N11 (Abenida C.P. Garcia / Daang C-5)Sangandaang may ilaw-trapiko. Tumutuloy pakanluran sa Lungsod Quezon bilang Bulebar Aurora
Abenida A. BonifacioPasilangang rampa at pakanlurang sangandaan na nasa-lupa. Nagbibigay-daan papasok sa Lansangang Marikina–Infanta pasilangan sa pamamagitan ng U-turn slot.
Daang FVR / Abenida RiverbanksBinagong palitan na pinaghiwalay.
Ilog MarikinaTulay ng Marcos
MarikinaSM City Marikina Access RoadPakanlurang daan lamang. Nagbibigay-daan papuntang SM City Marikina
Tulay ng Diosdado Macapagal / Abenida FernandoPalitang Tulay ng Diosdado Macapagal at Abenida Fernando. Papuntang Daang FVR at Abenida Fernando.
Hangganang MarikinaPasig
PasigAbenida Eulogio Amang Rodriguez / Kalye J.P. RizalPasilangan at pakanlurang daan lamang. Ang daan mula sa salungat na direksiyon ay sa pamamagitan ng U-turn slot.
Hangganang PasigMarikinaKalye Nicanor Roxas / Emerald Drive / Abenida F. MarianoPasilangan at pakanlurang daan lamang. Ang daan mula sa salungat na direksiyon ay sa pamamagitan ng U-turn slot.
PasigRobinsons Metro East Access RoadPasilangang daan lamang. Nagbibigay-daan papuntang Robinsons Metro East.
Hangganang Kalakhang MaynilaRizalHangganang PasigCainta
RizalCaintaSta. Lucia East Access RoadPasilangang daan lamang. Nagbibigay-daan papuntang Sta. Lucia East Grand Mall.
Hangganang Kalakhang MaynilaRizalHangganang MarikinaCaintaAbenida Felix / Abenida Gil FernandoDaan mula sa salungat na direksiyon sa pamamagitan ng U-turn slot. Dating sangandaan na may ilaw-trapiko.
RizalHangganang CaintaAntipolo
AntipoloAbenida Golden MeadowsPasilangang daan lamang.
SM City Masinag Access RoadPakanlurang daan lamang. Nagbibigay-daan papuntang SM City Masinag
N59 (Lansangang Sumulong)Sangandaang ilaw-trapiko. Kilala rin bilang Tagpuang Masinag (Masinag Junction).
QuezonInfanta N601 (Daang Real–Infanta)
1.000 mi = 1.609 km; 1.000 km = 0.621 mi
  •       Hindi kumpletong access

Tingnan din[baguhin | baguhin ang batayan]

Mga sanggunian[baguhin | baguhin ang batayan]

  1. "North Manila". 2016 DPWH data. Department of Public Works and Highways. Hinango noong 13 Agosto 2017.

Mga koordinado: 14°36′49″N 121°20′8″E / 14.61361°N 121.33556°E / 14.61361; 121.33556