Talaan ng mga lansangan sa Kalakhang Maynila

Sistema ng mga Daang Arteryal ng Kalakhang Maynila. Mula itaas, kaliwa-pakanan: Bulebar Roxas; Lansangang Quirino malapit sa hangganan ng Lungsod Quezon-Hilagang Caloocan; Sangandaan ng EDSA at Abenida Taft; SLEX-Skyway

Ang talaang ito ng mga pangunahing lansangan Kalakhang Maynila ay nagbubuod ng pangunahing mga lansangang bayan at sistemang pamilang (numbering system) na kasalukuyang ipinatutupad sa Kalakhang Maynila, Pilipinas. Ang sistema ng daang arteryal ng Kalakhang Maynila ay binubuo ng mga pambansang daan, ang mga daang palibot, at ang mga daang radyal, gayon din ang ibang mga pangunahing daan na nag-uugnay ng mga lungsod ng Maynila, Lungsod Quezon, Hilaga at Timog Caloocan, Valenzuela, Malabon, Navotas, Pasay, Parañaque, Las Piñas, Taguig, Muntinlupa, Marikina, Pasig, Mandaluyong, Makati, Pateros, at San Juan gayon din mga nakapaligid na lalawigan.^[1]^[2]

Sistema ng mga Daang Arteryal ng Kalakhang Maynila

Kasaysayan

Ang kauna-unahang sistemang pamilang ng mga ruta sa Pilipinas ay isinakatuparan noong 1930, sa ilalim ni dating Pangulong Manuel Quezon. Ang sistemang ito ay halos magkasingtulad ng sistemang pamilang ng mga lansangan sa Estados Unidos. Ang mga bahagi nito ay 70 mga daan na nakatandang Highway 1 - Highway 60. Ilan sa mga bahagi ng sistemang ito ay ang Highway 1 (o Bulebar Almirante Dewey), Highway 50 (o Calle Manila), at Highway 54 (o Avenida 19 de Junio).

Noong 1945, iprinisinta ng mga planner ng Lungsod Quezon na sina Louis Croft at Antonio Kayanan ang Metropolitan Thoroughfare Plan, na nagpapanukala ng paglalatag ng sampung (10) mga daang radyal (radial roads) at anim (6) na mga daang palibot (circumferential roads), nang sa gayon ay bubuo sa isang mala-sapot na sistemang daang arteryal.^[3] Ang kasalukuyang ahensiya ng pamahalaan na nangangasiwa sa mga proyektong ito ay ang Kagawaran ng Pagawaing Bayan at Lansangan (DPWH).^[1]

Kasalukuyan

Ang kasalukuyang sistemang pamilang sa mga ruta sa Pilipinas ay ang sistema ng mga daang arteryal ng Kalakhang Maynila (Ingles: Metro Manila Arterial Road Network), na binubuo ng sampung (10) mga daang radyal at anim (6) na mga daang palibot. Ang mga daang radyal ay nagbibigay sa mga motorista ng mga rutang palabas ng Maynila, patungo sa mga karatig-lungsod nito (tulad ng Lungsod Quezon) at mga karatig-lalawigan. Naka-numero ang mga ito nang 1-10 sa pamamarang pakaliwang ikot o counterclockwise (mula sa bandang timog ng Ilog Pasig hanggang pahilaga).^[4] Sa kabilang banda, ang mga daang palibot ay mga daanang lumilibot ng lungsod ng Maynila; tinumbukan lamang ng mga ito ang bawat isa sa mga daang radyal nang isang beses lamang. Dalawa sa mga ito ay nasa loob ng nasasakupan ng lungsod ng Maynila, habang ang apat na iba pa ay nasa mga karatig-lungsod nito. Hindi maaaring mag-tumbok ang mga daang radyal sa isa't-isa. Hindi rin maaaring magtumbok ng isang daang radyal ang isang daang palibot nang higit sa isang beses.

Ang pinakatimog na daang radyal ay Daang Radyal Blg. 1, habang ang pinakahilaga ay Daang Radyal Blg. 10. Samantala, ang pinaka-loob na daang palibot ay Daang Palibot Blg. 1, habang ang pinakalabas ay Daang Palibot Blg. 6. Lahat ng mga daang radyal ay nagsisimula sa Kilometro Sero (Km 0); iyan ay ang Jose Rizal Memorial Monument sa Liwasang Rizal.^[5]^[6]

Mga daang radyal

Pangalan	(Mga) dinadaanang lungsod	(Mga) bahagi	Haba	Paglalarawan	Mga sanggunian
Daang Radyal Blg. 1 R-1	Lungsod ng Maynila Pasay Las Piñas Bacoor, Kabite Kawit Rosario Tanza Naic	Daang Bonifacio Bulebar Roxas Manila–Cavite Expressway Lansangang Antero Soriano	41.5 kilometro (25.8 milya)	Kinokonektahan ng R-1 ang Maynila sa lalawigan ng Kabite. Nagsisumula ito bilang Daang Bonifacio mula sa Tulay ng Roxas sa ibabaw ng Ilog Pasig at magiging Bulebar Roxas pagkapasok ng paligid ng Liwasang Rizal. Tatahakin nito ang baybayin ng Look ng Maynila at mayamaya'y, paglampas ng Daang NAIA sa Parañaque, magiging Manila–Cavite Expressway (o CAVITEx). Bilang CAVITEx, tutuloy ang R-1 sa pagdaan sa baybayin at magiging Lansangang Anterio Soriano pagpasok ng Kawit. Tutoloy ito sa pagtahak ng dalampasigan ng Kabite hanggang matapos ito sa sangandaan ng Daang Juanito Remulla Sr. sa Naic.	^[3]
Daang Radyal Blg. 2 R-2	Maynila Pasay Parañaque Las Piñas Bacoor, Kabite Imus Dasmariñas Silang Tagaytay Talisay, Batangas	Abenida Taft Abenida Elpidio Quirino Abenida Diego Cera Lansangang Aguinaldo Daang Tagaytay–Talisay	64.2 kilometro (39.9 milya)	Kalinya ng R-2 ang R-1 na nasa kanluran nito, at tulad ng R-1, ay kinokonektahan nito ang Maynila sa Kabite. Nagsisimula ito bilang Abenida Taft sa Ermita, Maynila. Tatahakin nito ang patimog na ruta patungong Malate, Maynila at Pasay, at pagpasok ng Baranggay Baclaran, Parañaque, ay magiging Abenida Elpidio Quirino na isang pangunahing lansangan sa nabanggit na arrabal (suburb) ng Maynila. Magiging Abenida Diego Cera ang R-2 pagpasok ng Las Piñas at, paglampas ng Daang Alabang–Zapote, magiging Lansangang Aguinaldo. Ito ang pangunahing lansangan ng Kabite na nagtatapos sa Rotondang Tagaytay; tutuloy ang Lansangang Aguinaldo sa direksiyong patimog-kanluran patungong Nasugbu sa Batangas. Subalit, tutuloy ang R-2 paglampas ng rotonda sa direksiyong patimog at magiging Daang Tagaytay–Talisay, isang lansangang sigsag na tatapos sa Daang Talisay-Laurel sa Talisay, Batangas, sa harap ng Lawa ng Taal. Sumusunod ang Unang Linya ng LRT sa ruta ng R-2 mula Ermita, Maynila hanggang EDSA.	^[7]
Daang Radyal Blg. 3 R-3	Maynila Makati Pasay Taguig Las Piñas San Pedro, Laguna Biñan Santa Rosa Cabuyao Calamba Santo Tomas, Batangas Tanauan Malvar Lipa Ibaan Lungsod ng Batangas	South Luzon Expressway/Metro Manila Skyway Southern Tagalog Arterial Road	96 kilometro (60 milya)	Ang buong R-3 ay isang mabilisang daanan (expressway), maliban na lamang sa bahagi ng South Luzon Expressway mula Abenida Quirino (ang dulo nito sa hilaga) hanggang C-5. Kapwa ipinapatakbo ng Skyway Operation and Management Corporation (SomCo) at Citra Metro Manila Tollways Corporation (CMMTC) ang South Luzon Expressway at Metro Manila Skyway, na isang nakaangat na mabilisang daanan sa ibabaw ng South Luzon Expressway mula Makati hanggang Muntinlupa. Bagaman nasa Liwasang Rizal ang Kilometro Sero ng mga daan, nagsisimula ang R-3 sa sangandaan nito sa Abenida Quirino. Tatahakin ng daang radyal ang deretsong ruta patimog, mula Paco, Maynila, hanggang Santo Tomas, Batangas, kung saan magiging Southern Tagalog Arterial Road (o STAR Tollway) ang R-3. Ang nasabing mabilisang daanan ay matatapos sa Pantalan ng Batangas sa Lungsod ng Batangas.	^[8]
Daang Radyal Blg. 4 R-4	Makati Pateros Pasig Taguig Taytay, Rizal	Kalye Linyang Pasig Abenida Kalayaan Abenida M. Concepcion Daang Elisco Highway 2000 (Phase 1)	23.5 kilometro (14.6 milya)	Ang R-4 mismo ay hindi pa kompleto sa ngayon. Nagsisimula ito bilang Kalye Linyang Pasig sa sangandaan ng Kalye Pedro Gil at magiging Abenida Kalayaan pagpasok ng Makati bago ito tatapos nang biglaan sa sangandaan ng Rockwell Drive sa harap ng subdibisyon ng Bel Air-3. Ang makatuwirang tagapagpatuloy ng R-4 ay mula sa sangandaan ng EDSA at Abenida Gil Puyat. Dadaan sa hilagang-silangang Makati at mayamaya'y magiging Abenida M. Concepcion pagpasok ng hangganang Pateros-Pasig. Pagdating sa pook-industryal ng Baranggay Kalawaan, Pasig, magiging Daang Elisco ang R-4. Subalit muling tatapos ang R-4 sa sangandaan ng Abenida Doktor Natividad sa Napindan, Taguig. Tutuloy muli ang R-4 bilang Highway 2000 sa silangan ng Manggahan Floodway sa Taytay, Rizal. Tatapos ang R-4 sa sangandaan ng Taytay Diversion Road (R-5) malapit sa kabayanan ng Taytay. Ang ipinapanukalang Pasig River Expressway ay minarkahang R-4.	^[9]
Daang Radyal Blg. 5 R-5	Maynila Mandaluyong Pasig Cainta, Rizal Taytay Angono Binangonan Cardona Morong Baras Tanay Pililla Mabitac, Laguna Famy Pangil Pakil Paete Kalayaan Lumban Pagsanjan	Kalye Victorino Mapa (bahagi) Kalye Padre Sanchez Bulebar Shaw Bulebar Pasig Karugtong ng Abenida Ortigas Taytay Diversion Road Manila East Road	86.1 kilometro (53.5 milya)	Nagsisimula ang R-5 sa sangandaan ng Bulebar Magsaysay sa mga hilagang pampang ng Ilog Pasig, na kalinya ng R-4 na nasa mga katimugang pampang ng nabanggit na ilog. Papasok ang R-5 sa Mandaluyong at magiging mahalagang lansangan sa mga distritong komersyal at industryal sa nasabing lungsod at Pasig (tulad ng Ortigas). Di-kalaunan, magiging Manila East Road ang R-5, ang pangunahing koridor pantransportasyon sa mga lalawigan ng Rizal at Laguna.	^[10]
Daang Radyal Blg. 6 R-6	Maynila San Juan Lungsod Quezon Marikina Pasig Antipolo, Rizal Tanay, Santa Maria, Laguna Infanta, Quezon	Kalye Legarda Bulebar Magsaysay Bulebar Aurora Lansangang Marikina–Infanta	121.6 kilometro (75.6 milya)	Nagsisimula ang R-6 sa sangandaan ng Abenida Recto at Kalye Mendiola sa Maynila. Ito'y magiging pinakamahalagang daan ng Santa Mesa at mayamaya'y papasok sa mga distrito ng New Manila at Cubao sa Lungsod Quezon (bilang Bulebar Aurora) paglampas ng Abenida Gregorio Araneta. Paglampas ng Abenida Katipunan (C-5) magiging Lansangang Marikina–Infanta ang R-6. Dadaan ang lansangan sa mga lungsod ng Marikina at Pasig bago ito pumasok sa lalawigan ng Rizal. Tatahakin nito ang nabanggit na lalawigan at matatapos sa isang dead end sa Infanta, Quezon kalaunan. Ang Ikalawang Linya ng LRT ay sumusunod sa ruta ng R-6 mula San Miguel, Maynila hanggang Calumpang, Marikina.	^[11]
Daang Radyal Blg. 7 R-7	Maynila Lungsod Quezon Hilagang Caloocan San Jose del Monte, Bulacan Norzagaray Angat Bustos San Rafael San Ildefonso San Miguel Gapan, Nueva Ecija San Leonardo Santa Rosa Cabanatuan	Kalye Lerma Bulebar Espanya Abenida Quezon Daang Elliptical Abenida Commonwealth Lansangang Quirino (bahagi) Daang San Jose del Monte–Norzagaray North Luzon East Expressway	53.6 kilometro (33.3 milya)	Nagsisimula ang R-7 mula sa Quiapo, Maynila. Tatahakin nito ang direktang ruta patungong Lungsod Quezon, hanggang sa Quezon Memorial Circle. Paglampas, magiging Abenida Commonwealth ang R-7, ang pinakamalawak na lansangan sa Pilipinas. Dadaanin nito ang nalalabing bahagi ng Lungsod Quezon hanggang sa matapos ito sa sangandaan ng Lansangang Quirino sa ligid ng distrito Lagro. Tutuloy ang R-7 pahilaga patungong San Jose del Monte at Norzagaray, Bulacan. Tatapos ang R-7 sa sangandaan ng Lansangang Heneral Alejo Santos sa kabayanan ng Norzagaray. Ang kasalukuyang itinatayo na North Luzon East Expressway (o R-7 Expressway) ay ang magpapatuloy ng R-7 sa darating na hinaharap.	^[12]^[13]
Daang Radyal Blg. 8 R-8	Maynila Lungsod Quezon Caloocan Valenzuela Meycauayan, Bulacan Marilao Bocaue Balagtas Guiguinto Pulilan Apalit, Pampanga San Simon San Fernando Angeles Mabalacat Concepcion, Tarlac Lungsod ng Tarlac Victoria Gerona Ramos Anao San Manuel Rosales, Pangasinan Urdaneta Binalonan Pozorrubio Rosario, La Union	Bulebar Quezon Kalye Alfonso Mendoza Kalye Dimasalang Abenida A. Bonifacio North Luzon Expressway Subic–Clark–Tarlac Expressway (bahagi) Tarlac-Pangasinan-La Union Expressway	210.0 kilometro (130.5 milya)	Nagsisimula ang R-8 mula sa Tulay ng Quezon sa Quiapo. Tatahakin nito ang direktang ruta pahilaga, at magiging North Luzon Expressway (NLEx) ito paglampas ng Balintawak Cloverleaf na sangandaan nito sa EDSA. Paglampas ng Labasan ng Santa Ines, magiging Subic–Clark–Tarlac Expressway (SCTEx) ang R-8. Tatahakin nito ang rutang pahilaga patungong Lungsod ng Tarlac, at magiging Tarlac–Pangasinan–La Union Expressway (TPLEx) paglampas nabanggit na lungsod. Tatapos ito sa Rosario, La Union.	^[14]^[15]
Daang Radyal Blg. 9 R-9	Maynila Caloocan Valenzuela Meycauayan, Bulacan Marilao Bocaue Balagtas Guiguinto Malolos Calumpit Apalit, Pampanga San Fernando Angeles Mabalacat Bamban, Tarlac Capas Lungsod ng Tarlac Gerona Paniqui Moncada San Manuel Rosales, Pangasinan Villasis Urdaneta Binalonan Pozorrubio Sison Rosario, La Union Pugo	Abenida Rizal Lansangang MacArthur Daang Pugo–Rosario	228.0 kilometro (141.7 milya)	Nagsisimula ang R-9 sa Tulay ng MacArthur mula sa Abenida Padre Burgos. Susundan into ang tuwirang ruta pahilaga kalinya ng R-8. Magiging Lansangang MacArthur ang daang radyal pagdaan ng Monumento Roundabout sa Grace Park, Caloocan. Magtutuloy ito sa direksiyong pahilaga hanggang sa matapos ito sa sangandaan nito sa Lansangang Aspiras-Palispis sa Pugo, La Union. Sinusundan ng Unang Linya ng LRT ang ruta ng R-9 mula Maynila hanggang Grace Park, Caloocan.	^[16]
Daang Radyal Blg. 10 R-10	Maynila Malabon Navotas Obando, Bulacan Malolos Hagonoy Macabebe, Pampanga Lubao Bagac, Bataan Balanga	Bulebar Mel Lopez Daang Radyal Blg. 10 (Radial Road 10 o Road 10) Daang Coastal ng Maynila–Bataan (Manila–Bataan Coastal Road)	105.0 kilometro (65.2 milya)	Sa ngayon, ang R-10 ay isang lansangang may haba na 9.7 kilometro (6.9 milya) at matatagpuan sa lungsod ng Maynila. Dati, mayroong ipinapanukalang proyekto na magpapatuloy ng R-10 patungong Bataan bilang Daang Pandalampasigan ng Maynila–Bataan. Matagal nang nawala ang proyekto, ngunit binuhay ito muli ng mga mataas na pinuno ng pamahalaan ng Gitnang Luzon sa pamumuno ng tagapangulo ng RDC at alkalde ng Lungsod ng San Fernando na si Oscar Rodriquez at Gobernador Hermogenes Ebdane, Jr. ng lalawigan ng Zambales. Inaprubahan ang CLIP para sa mga taong 2011 hanggang 2016 sa ikaanim na pagpupulong ng RDC sa Balanga kamakailan lamang.	^[17]

Mga daang palibot

Pangalan	(Mga) dinadaanang lungsod	(Mga) bahagi	Haba	Paglalarawan	Mga sanggunian
Daang Palibot Blg. 1 C-1	Maynila	Abenida Recto Kalye Pedro Casal Bulebar Ayala Kalye Pananalapi (Finance Road) Abenida Padre Burgos (bahagi)	5.9 kilometro (3.7 milya)	Ang Daang Palibot Blg. 1 o C-1 ay isang daang palibot na dumadaan sa loob ng Lungsod ng Maynila. Dumadaan ito sa mga distrito ng Tondo, Binondo, Quiapo, at Ermita. Nagsisimula ito sa Hilagang Pantalan ng Maynila bilang Abenida Recto at magiging Kalye Pedro Casal pagtawid ng Kalye Legarda (R-6). Pagtawid ng Ilog Pasig (bilang Tulay ng Ayala), ito'y magiging Bulebar Ayala na nagtatapos sa Abenida Taft at papasok sa Liwasang Rizal bilang Kalye Pananalapi. Ang nasabing kalye ay magtutumbok sa katimugang bahagi ng Abenida Padre Burgos na nagtatapos sa sangandaan nito sa Bulebar Roxas.
Daang Palibot Blg. 2 C-2	Maynila	Kalye Capulong Kalye Tayuman Abenida Lacson Abenida Quirino	10.0 kilometro (6.2 milya)	Nagsisimula ang C-2 sa Tondo, Maynila bilang Kalye Capulong mula sa Bulebar Mel Lopez (R-10), at magiging Kalye Tayuman pagdating nito ng Sampaloc, pagkatapos ay magiging Abenida Lacson pagtawid nito ng Kalye Alfonso Mendoza. Tatawid nito ang Ilog Pasig, tapos ay magiging Abenida Quirino na tatahakin ang mga distrito ng Paco at Malate bago maabot nito ang katimugang dulo nito sa Bulebar Roxas (R-1).	^[18]
Daang Palibot Blg. 3 C-3	Navotas Caloocan Lungsod Quezon San Juan Mandaluyong Makati Pasay	Daang C-3 5th Avenue Abenida Sarhento E. Rivera Abenida Gregorio Araneta Metro Manila Skybridge Abenida South Abenida Ayala (bahagi) Abenida Gil Puyat (bahagi)	21.7 kilometro (13.5 milya)	Ang C-3 ay isang daang palibot na nasa labas ng mga hangganan ng Lungsod ng Maynila. Nagsisimula ito bilang C-3 Road sa Navotas at magiging 5th Avenue pagpasok ng Caloocan. Magiging Abenida Sarhento E. Rivera pagtawid ng Abenida Bonifacio sa Lungsod Quezon at magiging Abenida Gregorio Araneta paglampas ng Daang Kaingin. Biglang matatapos ang abenida (at ang C-3 mismo) pagkapasok ng San Juan. Tutuloy lamang ang C-3 sa Makati bilang Abenida South mula sa sangandaan ng Abenida J. P. Rizal. Ito'y magiging Abenida Ayala pagtawid ng Abenida Chino Roces. Lilihis ang ruta ng C-3 patungong Abenida Gil Puyat pagka-kurba ang Abenida Ayala sa direksyong timog-silangan patungo sa ligid ng Ayala Triangle na isang mahalagang pook-komersyo at industryal ng Makati. Ang ipinaplanong Metro Manila Skybridge ang magdudugtong sa nawawalang bahagi ng C-3—ang malaking puwang sa pagitan ng Abenida Gregorio Araneta at Abenida South.	^[19]
Daang Palibot Blg. 4 C-4	Navotas Malabon Caloocan Lungsod Quezon San Juan Mandaluyong Makati Pasay	Daang C-4 Abenida Paterio Aquino Daang Samson Abenida Epifanio de los Santos	28.1 kilometro (17.5 milya)	Nagsisimula ang C-4 bilang Daang C-4 sa mga lungsod ng Navotas at Malabon. Magiging Abenida Paterio Aquino ito pagpasok ng Caloocan, tapos magiging Daang Samson di-kalaunan. Pagkatawid ng Monumento Roundabout, ang C-4 ay magiging Abenida Epifanio de los Santos (o mas-kilala bilang EDSA), ang pinakamahalagang lansangan sa buong Kalakhang Maynila. Dahil hindi bababa sa 2.34 milyong sasakyan (kabilang na riyan ang halos 314,354 kotse) na dumadaan sa kabuuan ng lansangan araw-araw, pinakaabala at pinakamatrapiko rin ito sa lahat ng mga daan ng Kamaynilaan. Tatapos ang EDSA (at ang C-4) sa rotonda sa harap ng SM Mall of Asia sa Pasay. Sinusundan ng Ikatlong Linya ng MRT ang ruta ng C-4 mula Abenida North hanggang Abenida Taft.	^[20]^[21]
Daang Palibot Blg. 5 C-5	Navotas Malabon Valenzuela Lungsod Quezon Pasig Taguig Parañaque	Bahaging 10 ng NLEx (NLEx Segment 10) NLEx-Karuhatan Link (Bahaging 9 ng NLEx) NLEx-Mindanao Avenue Link (Bahaging 8.1 ng NLEx) Abenida Mindanao (bahagi) Abenida Kongresyonal (bahagi) Abenida Luzon (bahagi) Abenida Tandang Sora (bahagi) Abenida Katipunan (bahagi) Abenida Bonny Serrano (bahagi) Abenida Eulogio Rodriguez Jr. Abenida Carlos P. Garcia Karugtong ng Daang C-5	55.0 kilometro (34.2 milya)	Ang mga kontrobersiya ukol sa mabilisang daanan na MCTEP at mga ari-arian ni Senador Manny Villar tulad ng Camella ay nagdudulot sa pagiging maikli ng C-5, bagaman kompleto, at tanging 32.5 kilometro nito ay bukas sa mga motorista. Magsisimula ang C-5 sa Kalye Mariano Naval sa Navotas, subalit kasalukuyang nagsisimula ang daang palibot sa mga bahagi ng North Luzon Expressway (Mga Bahaging 9 at 8.1) na tumatawid sa pangunahing bahagi ng nasabing mabilisang daanan sa Valenzuela. Pagkatapos, ito'y magiging Abenida Mindanao at di-kalauna'y tatahakin ang mga ruta ng Abenida Kongresyonal at Abenida Luzon, at magiging Abenida Tandang Sora pagtawid ng Abenida Commonwealth. Ito'y magiging Abenida Katipunan pagdating sa ligid ng Pamantasan ng Pilipinas. Susundan naman ng C-5 ang ruta ng Abenida Bonny Serrano (sa pamamagitan ng isang underpass) na magiging Abenida Eulogio Rodriguez Jr. paglampas. Ito'y magiging Abenida Carlos Garcia pagkatawid ng Ilog Pasig. Tatapos ang C-5 sa South Luzon Expressway sa Taguig. Ang nagpapatuloy sa C-5 (ang Karugtong ng C-5) ay hindi nagbibigay ng daan sa mga motorista sa ngayon. Nagsisimula ito sa Merville, Parañaque, at nagtatapos ito sa Manila–Cavite Expressway sa Las Piñas. Ang karugtong sa hilaga, ang Bahaging 10 ng NLEx (mula Lansangang MacArthur, Valenzuela, hanggang Kalye Mariano Naval sa Navotas), ay kasalukuyang itinatayo.	^[22]
Daang Palibot Blg. 6 C-6	Marilao, Bulacan Meycauayan San Jose del Monte Rodriguez, Rizal San Mateo Antipolo Taytay Pasig Taguig Muntinlupa San Pedro, Laguna Dasmariñas, Kabite Bacoor, Kabite Imus Kawit Noveleta	Bulacan–Rizal–Manila–Cavite Regional Expressway Lansangan ng Lawa ng Laguna (ang tanging bahagi ng C-6 na naitayo na magiging bahagi ng Bulacan–Rizal–Manila–Cavite Regional Expressway sa hinaharap)	59.5 kilometro (37.7 milya)	Ang Bulacan-Rizal-Manila-Cavite Regional Expressway (BRMC-REx) ay isang ipinaplanong mabilisang daanan na magiging daang palibot sa Kalakhang Maynila upang hindi na kailangang dumaan ng mga bus at iba pang mga sasakyang pantransportasyon sa mga lansangan sa Kalakhang Maynila, at sa gayon ay makakapagbawas pa ito ng mabigat na trapiko sa Kamaynilaan. Ang hilagang dulo ay ang Lansangang MacArthur sa Marilao at ang katimugang dulo nito ay sa Bacoor. Tutumbukin nito ang North Luzon Expressway sa hilaga at South Luzon Expressway sa timog pagdaan. Sa ngayon, ang tanging bahagi ng C-6 na nakumpleto ay ang Lansangan ng Lawa ng Laguna (Laguna Lake Highway) sa Taguig na dumadaan mula Tulay ng Napindan hanggang Kalye M.L. Quezon sa Bicutan.	^[23]

Mga sistema ng lansangang bayan at mabilisang daanan sa Pilipinas

Ang mga numero ng daang radyal at daang palibot ay kasalukuyang pinapalitan ng bagong sistemang pamilang panlansangang bayan, na inilunsad ng Kagawaran ng Pagawaing Bayan at Lansangan (DPWH) noong 2014. Ang bagong sistema ay naguuri ng mga pambansang daan at lansangan sa national primary roads, national secondary roads, at national tertiary roads. Nakanumero ang mga daang national primary nang isa hanggang dalawang digit. Ang mga daang national secondary ay nakatakda ng mga tatlong-digit na numero, ang unang digit ay numero ng pangunahing pambansang daan ng rehiyon. Karamihan sa mga daang national secondary sa Kamaynilaan ay kumokonekta sa N1 (AH26) at nakanumero sa mga seryeng-100 na bilang.

Ang mga mabilisang daanan ay nakatakda ng mga numerong may unlaping "E", upang maiwasan ang pagkalito sa mga may-bilang na pambansang daan. Ang mga mabilisang daanan ay mga may takdang daan, na nakalimita sa mga daang pang-ibabaw (overpasses), daang pang-ilalim (underpasses) at palitan (interchanges) ang mga bagtasang trapiko. Ang mga nariyan nang mabilisang daanan ay kadalasang bumubuo sa bahagi ng sistemang daang radyal (pakitingnan ang talaan sa itaas).

Mga pangunahing daan

Ito ay talaan ng mga pangunahin o kilalang daan at lansangan sa Kalakhang Maynila. Lahat ng mga ito ay nasa wikang Ingles, subalit nasa wikang Tagalog ang ugnay/kawing ng mga ito.

5th Avenue, Caloocan
5th Avenue, Taguig (Bonifacio Global City)
8th Avenue, Taguig (Bonifacio Global City)
10th Avenue, Caloocan
11th Avenue, Taguig (Bonifacio Global City)
26th Street, Taguig (Bonifacio Global City)
32nd Street, Taguig (Bonifacio Global City)
Abad Santos Avenue
ADB Avenue, Pasig
Acacia Lane, Mandaluyong
Adriatico Street
Agham Road
Aguinaldo Highway
Alabang - Zapote Road
Amang Rodriguez Avenue
Amorsolo Street
Annapolis Street, San Juan
Andres Bonifacio Avenue, Marikina
Andres Bonifacio Avenue, Lungsod Quezon
Andres Soriano Jr. Street
Andrews Avenue
Anonas Street
Antonio Luna Avenue, Pasig
Antonio Villegas Street
Apolinario Mabini Street, Caloocan
Apolinario Mabini Street, Maynila
Arca Boulevard, Taguig
Arlegui Street, Maynila
Arnaiz Avenue
Ascencion Avenue, Lungsod Quezon
Asean Avenue
Aurora Boulevard
Ayala Avenue
Ayala Boulevard
B. Morcilla Street, Pateros
Bagong Calzada Street, Taguig
Bagumbong Road
Baler Street, Lungsod Quezon
Balete Drive
Bambang Street, Maynila
Banawe Avenue
Batasan Road
Batasan-San Mateo Road
Bayanbayanan Avenue, Marikina
Bayani Road, Taguig
Belfast Avenue, Lungsod Quezon
Betty Go-Belmonte Street
Bilibid Viejo Street, Maynila
Blumentritt Avenue, San Juan
Blumentritt Road
Boni Avenue
Bonifacio Drive
Col. Bonny Serrano Avenue
Broadway Avenue
CAA Road, Las Piñas
Calle Industria, Lungsod Quezon
Camarin Road
Carlos P. Garcia Avenue o C-5 Road
Carriedo Street
Chino Roces Avenue
Commonwealth Avenue
Congressional Avenue
Connecticut Street, San Juan
Cordillera Street, Lungsod Quezon
D. Romualdez Sr. Street, Maynila
D. Tuazon Avenue
Daang Hari
Dapitan Street, Maynila
Del Monte Avenue
Dela Rosa Street, Makati
Deparo Road, Hilagang Caloocan
Dimasalang Street
Diosdado Macapagal Boulevard
Dr. A. Santos Avenue
Dr. Sixto Antonio Avenue
Domestic Road
Don Alejandro Roces Avenue
Don Jesus Boulevard
Doña Hemady Avenue
Doña Julia Vargas Avenue
Doña Soledad Avenue
Doroteo Jose Street
East Avenue
Echague Street, Maynila
Epifanio de los Santos Avenue (EDSA)
Elliptical Road
Escolta Street
España Boulevard
Estrella Street
Eulogio Rodriguez, Jr. Avenue
Eulogio Rodriguez, Sr. Avenue
Evangelista Street, Makati
F. Ortigas, Jr. Road
Finance Drive
G. Tuazon Street, Maynila
General Kalentong Street
General Luis Street
General Luna Street, Maynila
General Luna Street, Taguig
General Santos Avenue
Gil Fernando Avenue
Gil Puyat Avenue
Gilmore Avenue
Governor Pascual Avenue
Granada Street, Lungsod Quezon
Greenmeadows Avenue, Lungsod Quezon
Gregorio Araneta Avenue
H.V. Dela Costa Street, Makati
Harrison Avenue
R. Hidalgo Street
J. Aguilar Avenue, Las Piñas
J. Bocobo Street, Maynila
Jose Diokno Boulevard
Jose Laurel Street
Jose P. Rizal Avenue, Makati
Jose P. Rizal Avenue, Marikina
Juan Luna Street, Maynila
Juan Ruiz Street
Julio Nakpil Street, Maynila
Kalaw Avenue
Kalayaan Avenue, Makati
Kalayaan Avenue, Lungsod Quezon
Kamias Road
Kamuning Road
Karuhatan Road
Katipunan Avenue
Lacson Avenue
Langit Road, Hilagang Caloocan
Lanuza Avenue
Laon Laan Street, Maynila
Lawton Avenue
Le Grande Avenue, Taguig (Bonifacio Global City)
Legarda Street
Lerma Street
Leveriza Street
Levi B. Mariano Avenue
Litex Road
M. Almeda Street, Pateros
M.L. Quezon Street, Taguig
MacArthur Highway
McKinley Parkway
McKinley Road
Maceda Street
Magsaysay Boulevard
Makati Avenue
Malaria Road, Hilagang Caloocan
Manila–Cavite Expressway
Manila South Road
Manuel Dela Fuente Street, Maynila
Marcelo H. Del Pilar Street
Marcos Alvarez Avenue
Maria Clara Street
Maria Orosa Avenue
Maria Rodriguez Tinga Avenue
Marikina-Infanta Highway (Marcos Highway)
Mayon Avenue
Maysan Road
Mel Lopez Boulevard
Mendiola Street
Meralco Avenue
Mindanao Avenue
Multinational Avenue
Muntinlupa–Cavite Expressway
Naga Road
NAIA Expressway
NAIA Road
Natividad Almeda-Lopez Street, Maynila
Nicanor Domingo Street
Nicanor Garcia Street
Nicanor Reyes Street
Ninoy Aquino Avenue
Norberto S. Amoranto Sr. Avenue
North Avenue
North Bay Boulevard
North Luzon Expressway
Nueve de Febrero, Mandaluyong
Ongpin Street
Ortigas Avenue
P. Florentino Street, Maynila
P. Rosales Street
Pablo Ocampo Street
Pacific Avenue
Padre Burgos Avenue
Padre Diego Cera Avenue
Padre Faura Street
Pascual Casal Street
Paseo de Roxas
Paterio Aquino Avenue
Payatas Road
Pedro Gil Street
Pinaglabanan Street
Pioneer Street
Piy Margal Street, Maynila
Pureza Street
Quezon Avenue
Quezon Boulevard
Quintin Paredes Street, Maynila
Quirino Avenue
Quirino Highway
Rada Street, Makati
Raon Street, Maynila
Recto Avenue
Reina Regente Street, Maynila
Regalado Avenue
Regalado Highway
Republic Avenue
Ricardo Papa Street
Rizal Avenue
Roosevelt Avenue
Roxas Boulevard
Samson Road
San Marcelino Street, Maynila
San Miguel Avenue
Sauyo Road
Sergio H. Loyola Street, Maynila
Shaw Boulevard
Solaire Boulevard
Soriedad Street, Maynila
South Avenue, Makati
South Luzon Expressway at Metro Manila Skyway
Sumulong Highway
Susana Avenue, Muntinlupa
Susano Road
Taft Avenue
Tandang Sora Avenue
Tayuman Street
Times Street, Lungsod Quezon
Timog Avenue
Tomás Claudio Street (Paco–Santa Mesa Road)
Tomas Mapua Street. maynila
Tomas Morato Avenue
Tramo Street
United Nations Avenue
University Parkway, Taguig (Bonifacio Global City)
Upper McKinley Road, Taguig (Bonifacio Global City)
Valero Street, Makati
Vicente G. Cruz Street, Maynila
Victorino Mapa Street
Villalobos Street, Maynila
Visayas Avenue
West Avenue
White Plains Avenue
F. Yuseco Street, Maynila
Zabarte Road
Zobel Roxas Street

Tingnan din

Mga sanggunian

↑ ^1.0 ^1.1 DPWH Philippines. "DPWH Philippines". Inarkibo mula sa orihinal noong 2020-05-13. Nakuha noong 1 Abril 2012.{{cite web}}: CS1 maint: date auto-translated (link)
↑ URPO. "3rd Urpo" (PDF). Inarkibo mula sa orihinal (PDF) noong 2017-08-10. Nakuha noong 2012-04-01.{{cite web}}: CS1 maint: date auto-translated (link)
↑ ^3.0 ^3.1 Tolentino, N. "The major roads of Metro Manila". The major roads of Metro Manila. Wordpress.com. Nakuha noong 4 Hunyo 2012.{{cite web}}: CS1 maint: date auto-translated (link)
↑ "Metro Manila Roads". Nakuha noong 1 Abril 2012.{{cite web}}: CS1 maint: date auto-translated (link)^{[patay na link]}
↑ Maranga, Mark Anthony (2010). "Kilometer Zero: Distance Reference of Manila". Philippines Travel Guide. Inarkibo mula sa orihinal noong 22 Enero 2014. Nakuha noong 28 Pebrero 2011.{{cite web}}: CS1 maint: date auto-translated (link)
↑ Manila City Government. "Manila Map". Inarkibo mula sa orihinal noong 6 Agosto 2009. Nakuha noong 1 Abril 2012.{{cite web}}: CS1 maint: date auto-translated (link)
↑ Philippine Star. "Philippine Roads". Nakuha noong 1 Abril 2012.{{cite web}}: CS1 maint: date auto-translated (link)^{[patay na link]}
↑ "South Metro Manila Skyway Project". Skyway Operation and Management Corporation (SomCo). Inarkibo mula sa orihinal noong 10 Hunyo 2013. Nakuha noong 16 Mayo 2013.{{cite web}}: CS1 maint: date auto-translated (link)
↑ El-Hifnawi, Baher; Jenkins, Glenn. "Pasig River Expressway" (PDF). Kingston, Canada: Queen's University. Inarkibo mula sa orihinal (PDF) noong 6 Nobiyembre 2013. Nakuha noong 16 Mayo 2013. {{cite web}}: Check date values in: |archive-date= (tulong)
↑ Habagat Central. "Baras Rizal and Beyond Manila East Road". Inarkibo mula sa orihinal noong 10 Hulyo 2015. Nakuha noong 15 Hunyo 2012.{{cite web}}: CS1 maint: date auto-translated (link)
↑ Fullerton, Laurie (1995). Philippines Handbook. Moon Publications.{{cite book}}: CS1 maint: date auto-translated (link) Marcos Highway, Hinango noong 1 Hunyo 2012
↑ Doy Cinco. "Commonwealth Avenue, the Killer Highway". Nakuha noong 1 Abril 2012.{{cite web}}: CS1 maint: date auto-translated (link) (sa Tagalog)
↑ DPWH Philippines. "R-7 Expressway to be Built over Quezon Avenue". Inarkibo mula sa orihinal noong 2012-06-16. Nakuha noong 1 Hunyo 2012.{{cite web}}: CS1 maint: date auto-translated (link)
↑ de Borja, Marciano R. (2005). Basques in the Philippines, p. 132. University of Nevada Press. Nakuha noong 20 Enero 2011.{{cite book}}: CS1 maint: date auto-translated (link)
↑ mntc.com. "North Luzon Expressway". Inarkibo mula sa orihinal noong 22 Hulyo 2012. Nakuha noong 2 Hulyo 2012.{{cite web}}: CS1 maint: date auto-translated (link)
↑ Encyclopedia Britannica (1983). Pan Philippine Highway. United States of America: Britannica.{{cite book}}: CS1 maint: date auto-translated (link)
↑ "RDC Allots P8.7 Billion For Manila-Bataan Coastal Highway". 19 Agosto 2012. Inarkibo mula sa orihinal noong 3 Nobiyembre 2013. Nakuha noong 26 Mayo 2013. {{cite news}}: Check date values in: |archive-date= (tulong)
↑ Citiatlas Metro Manila. Asiatype, Inc.,. 2002. p. 183. ISBN 9719171952.{{cite book}}: CS1 maint: date auto-translated (link) CS1 maint: extra punctuation (link)
↑ Manila Bulletin. "Skybridge". Inarkibo mula sa orihinal noong 8 Enero 2012. Nakuha noong 1 Mayo 2012.{{cite web}}: CS1 maint: date auto-translated (link)
↑ Philippine Daily Inquirer (7 Hulyo 2009). "Inquirer Headlines: EDSA". Philippine Daily Inquirer. Nakuha noong 9 Hulyo 2012.{{cite web}}: CS1 maint: date auto-translated (link)
↑ Jao-Grey, Margarte (27 Disyembre 2007). "Too Many Buses, Too Many Agencies Clog Edsa". Philippine Center for Investigative Journalism. Inarkibo mula sa orihinal noong 2012-02-08. Nakuha noong 28 Disyembre 2007.{{cite news}}: CS1 maint: date auto-translated (link)
↑ Flores, Asti (17 Pebrero 2013). "MMDA, DPWH name the C-5 Road as an alternate route for EDSA overhaul". GMANews. Nakuha noong 27 Mayo 2013.{{cite news}}: CS1 maint: date auto-translated (link)
↑ "Will C-6 road remain a metropolis dream?". Manila Times. 16 Marso 2006. Nakuha noong 3 Pebrero 2008.{{cite news}}: CS1 maint: date auto-translated (link)

Mga ugnay panlabas

Opisyal na websayt ng DPWH Philippines Naka-arkibo 2020-05-13 sa Wayback Machine.

[DPWH-1] 1.0 ^1.1 DPWH Philippines. "DPWH Philippines". Inarkibo mula sa orihinal noong 2020-05-13. Nakuha noong 1 Abril 2012.{{cite web}}: CS1 maint: date auto-translated (link)

[Urban_Road_Project_Slide_Show-2] URPO. "3rd Urpo" (PDF). Inarkibo mula sa orihinal (PDF) noong 2017-08-10. Nakuha noong 2012-04-01.{{cite web}}: CS1 maint: date auto-translated (link)

[Major_Roads_of_Metro_Manila-3] 3.0 ^3.1 Tolentino, N. "The major roads of Metro Manila". The major roads of Metro Manila. Wordpress.com. Nakuha noong 4 Hunyo 2012.{{cite web}}: CS1 maint: date auto-translated (link)

[4] "Metro Manila Roads". Nakuha noong 1 Abril 2012.{{cite web}}: CS1 maint: date auto-translated (link)^{[patay na link]}

[5] Maranga, Mark Anthony (2010). "Kilometer Zero: Distance Reference of Manila". Philippines Travel Guide. Inarkibo mula sa orihinal noong 22 Enero 2014. Nakuha noong 28 Pebrero 2011.{{cite web}}: CS1 maint: date auto-translated (link)

[6] Manila City Government. "Manila Map". Inarkibo mula sa orihinal noong 6 Agosto 2009. Nakuha noong 1 Abril 2012.{{cite web}}: CS1 maint: date auto-translated (link)

[7] Philippine Star. "Philippine Roads". Nakuha noong 1 Abril 2012.{{cite web}}: CS1 maint: date auto-translated (link)^{[patay na link]}

[SKYWAY-8] "South Metro Manila Skyway Project". Skyway Operation and Management Corporation (SomCo). Inarkibo mula sa orihinal noong 10 Hunyo 2013. Nakuha noong 16 Mayo 2013.{{cite web}}: CS1 maint: date auto-translated (link)

[R4_Pasig_River_Expwy-9] El-Hifnawi, Baher; Jenkins, Glenn. "Pasig River Expressway" (PDF). Kingston, Canada: Queen's University. Inarkibo mula sa orihinal (PDF) noong 6 Nobiyembre 2013. Nakuha noong 16 Mayo 2013. {{cite web}}: Check date values in: |archive-date= (tulong)

[R5_Manila_East_Road-10] Habagat Central. "Baras Rizal and Beyond Manila East Road". Inarkibo mula sa orihinal noong 10 Hulyo 2015. Nakuha noong 15 Hunyo 2012.{{cite web}}: CS1 maint: date auto-translated (link)

[Marcos_Highway-11] Fullerton, Laurie (1995). Philippines Handbook. Moon Publications.{{cite book}}: CS1 maint: date auto-translated (link) Marcos Highway, Hinango noong 1 Hunyo 2012

[Commonwealth_Avenue,_the_Killer_Highway-12] Doy Cinco. "Commonwealth Avenue, the Killer Highway". Nakuha noong 1 Abril 2012.{{cite web}}: CS1 maint: date auto-translated (link) (sa Tagalog)

[R-7_Expressway_to_built_over_Quezon_Avenue-13] DPWH Philippines. "R-7 Expressway to be Built over Quezon Avenue". Inarkibo mula sa orihinal noong 2012-06-16. Nakuha noong 1 Hunyo 2012.{{cite web}}: CS1 maint: date auto-translated (link)

[Borja-14] Borja, Marciano R. (2005). Basques in the Philippines, p. 132. University of Nevada Press. Nakuha noong 20 Enero 2011.{{cite book}}: CS1 maint: date auto-translated (link)

[NLEX-15] tc.com. "North Luzon Expressway". Inarkibo mula sa orihinal noong 22 Hulyo 2012. Nakuha noong 2 Hulyo 2012.{{cite web}}: CS1 maint: date auto-translated (link)

[Pan_Philippine_Highway-16] Encyclopedia Britannica (1983). Pan Philippine Highway. United States of America: Britannica.{{cite book}}: CS1 maint: date auto-translated (link)

[MBCR-17] "RDC Allots P8.7 Billion For Manila-Bataan Coastal Highway". 19 Agosto 2012. Inarkibo mula sa orihinal noong 3 Nobiyembre 2013. Nakuha noong 26 Mayo 2013. {{cite news}}: Check date values in: |archive-date= (tulong)

[CMM-18] Citiatlas Metro Manila. Asiatype, Inc.,. 2002. p. 183. ISBN 9719171952.{{cite book}}: CS1 maint: date auto-translated (link) CS1 maint: extra punctuation (link)

[skybridge_to_decongest_EDSA-19] Manila Bulletin. "Skybridge". Inarkibo mula sa orihinal noong 8 Enero 2012. Nakuha noong 1 Mayo 2012.{{cite web}}: CS1 maint: date auto-translated (link)

[EDSA_vehicles-20] Philippine Daily Inquirer (7 Hulyo 2009). "Inquirer Headlines: EDSA". Philippine Daily Inquirer. Nakuha noong 9 Hulyo 2012.{{cite web}}: CS1 maint: date auto-translated (link)

[pcij-buses-21] Jao-Grey, Margarte (27 Disyembre 2007). "Too Many Buses, Too Many Agencies Clog Edsa". Philippine Center for Investigative Journalism. Inarkibo mula sa orihinal noong 2012-02-08. Nakuha noong 28 Disyembre 2007.{{cite news}}: CS1 maint: date auto-translated (link)

[22] Flores, Asti (17 Pebrero 2013). "MMDA, DPWH name the C-5 Road as an alternate route for EDSA overhaul". GMANews. Nakuha noong 27 Mayo 2013.{{cite news}}: CS1 maint: date auto-translated (link)

[23] "Will C-6 road remain a metropolis dream?". Manila Times. 16 Marso 2006. Nakuha noong 3 Pebrero 2008.{{cite news}}: CS1 maint: date auto-translated (link)

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]